ចង់លក់អចលនទ្រព្យនៅកម្ពុជាមែនឬទេ? លោកអ្នកគួរត្រៀមខ្លួនបង់ថ្លៃសេវាកម្មទាំងនេះ

ចែករំលែកអត្ថបទនេះ  

មិនថាអ្នកកំពុងរៀបចំផែនការផ្លាស់ប្តូរទីលំនៅ ឬបន្លាស់ទៅទីក្រុងផ្សេងនោះទេ អ្នកនឹងត្រូវត្រៀមខ្លួននៅពេលដែលអ្នកចង់លក់ផ្ទះ។ មានការចំណាយជាច្រើនដែលគួរពិចារណា ដោយការលក់អចលនទ្រព្យមិនមែនជារឿងដែលងាយស្រួលដូចដែលយើងគិតនោះទេ។ សូមអានបន្ថែមដើម្បីដឹងពីជំហាននៃ ការលក់អចលនទ្រព្យ និងការចំណាយដែលពាក់ព័ន្ធ។

ការរៀបចំអចលនទ្រព្យមុនពេលលក់

មុនពេលអ្នកដាក់អចលនទ្រព្យលក់នៅលើទីផ្សារ អ្នកត្រូវធ្វើការបង្ហាញឱ្យមានសក្តានុពលដល់អ្នកទិញ។ ខាងក្រោមនេះជារឿងមួយចំនួនដែលអ្នកត្រូវធ្វើ និងការប្រមាណការចំណាយទៅលើវា៖

  • ការសម្អាត → ជំហានដំបូងដើម្បីទាក់ទាញអ្នកទិញឱ្យមានប្រសិទ្ធភាពគឺការសម្អាតផ្ទះមុននឹងលក់។ ផ្ទះ​មិនស្អាត រញ៉េរញ៉ៃ ​គ្មាន​សណ្តាប់ធ្នាប់គឺ​មិនមានអ្នកចង់ទិញនោះទេ។ ប្រសិនបើអ្នកសម្អាតខ្លួនឯង នោះអ្នកនឹងមិនត្រូវអស់ការចំណាយប៉ុន្មាននោះទេ លុះត្រាតែអ្នកជួលអ្នកបោសសម្អាតដែលមានជំនាញវិជ្ជាជីវៈ នោះតម្លៃអាចមានដល់ 160 ដុល្លារ។
  • ការកែលម្អគេហដ្ឋាន → ត្រូវប្រាកដថាអ្នកជួសជុល ឬជំនួសរបស់នៅក្នុងផ្ទះដែលមានការខូចខាត។ នេះគឺដើម្បីឱ្យសោភណ្ឌភាពផ្ទះប្រសើរឡើងដែលធ្វើឱ្យការលក់របស់អ្នកកាន់តែមានសក្តានុពល។ ការចំណាយលើការកែលម្អគេហដ្ឋានអាស្រ័យទៅលើអ្វីដែលអ្នកនឹងត្រូវជួសជុល ប៉ុន្តែប្រសិនបើអ្នកលាបពណ៌ខាងក្នុង និងខាងក្រៅ និងរួមជាមួយការសម្អាតកម្រាលព្រំ នោះការចំណាយប្រមាណគឺ $3,985 ។
  • ការរចនាទេសភាពទីធ្លា → សម្រាប់អ្នកទិញមួយចំនួន ការរចនាទេសភាពទីធ្លាផ្ទះក៏មានសារៈសំខាន់ដែរ។ វាអាចមានតម្លៃប្រហែល $145 អាស្រ័យលើទំហំទីធ្លា។
  • ការរៀបចំ → ការធ្វើការបង្ហាញសោភ័ណភាពរូបរាងនៃផ្ទះឱ្យមានប្រសិទ្ធិភាពទៅកាន់អ្នកទិញជារឿងសំខាន់ណាស់។ ការចំណាយអាស្រ័យលើបុគ្គលដែលអ្នកជួលដើម្បី រៀបចំអចលនទ្រព្យរបស់អ្នកឱ្យបានត្រឹមត្រូវ វាអាចមានតម្លៃប្រហែល $1,805។
  • ការត្រួតពិនិត្យជាមុន → ការត្រួតពិនិត្យផ្ទះ របស់អ្នកមុនពេលដាក់លក់នៅលើទីផ្សារគឺជារឿងចាំបាច់ ដោយអ្នកគួររៀបចំអំពីបញ្ហាអចលនទ្រព្យដែលអាចកើតមាននាពេលអនាគតពីអ្នកទិញ ដើម្បីជួសជុល ឬដោះស្រាយឱ្យបានឆាប់រហ័ស។ ការត្រួតពិនិត្យជាមុនមានតម្លៃប្រហែល $ 250 ទៅ $ 700 អាស្រ័យលើទំហំនៃផ្ទះ។
  • សេវាកម្មវាយតម្លៃ → កំណត់តម្លៃអចលនទ្រព្យរបស់អ្នកទៅតាមតម្លៃទីផ្សារគឺមានប្រយោជន៍សម្រាប់អ្នកជាអ្នកលក់ ដូចនេះអ្នកត្រូវជួលសេវាកម្មវាយតម្លៃអចលនទ្រព្យ។ នៅក្នុងប្រទេសកម្ពុជា តម្លៃនៃការវាយតម្លៃអាស្រ័យទៅលើតម្លៃនៃផ្ទះ ដែលមានការប្រមាណតម្លៃដូចខាងក្រោម៖
    • ក្រោម $100,000 ៖ តម្លៃ​នៃការវាយ​តម្លៃ​គឺ 0.17%
    • $100,001 – $1,000,000 ៖ តម្លៃ​នៃការវាយ​តម្លៃ​គឺ 0.10%
    • $1,000,000 – $5,000,000 ៖ តម្លៃ​នៃការវាយ​តម្លៃ​គឺ 0.050%
    • $5,000,001 – $10,000,000 ៖ តម្លៃ​នៃការវាយ​តម្លៃ​គឺ 0.030%
    • លើសពី $10,000,000 ៖ តម្លៃ​នៃការវាយ​តម្លៃ​គឺ 0.025%
  • រូបថតដែលមានគុណភាព → រូបភាពធម្មតាៗគឺមិនទាក់ទាញអ្នកទិញនោះទេ ប៉ុន្តែរូបថតដែលថតដោយអ្នកជំនាញមានវិជ្ជាជីវៈនឹងទាក់ភ្នែក គួរឱ្យចង់ទិញ។ ការជួលអ្នកថតរូបអាចចំណាយប្រហែល $150 ទៅ $200។
  • ការធ្វើទីផ្សារ → ដើម្បីទទួលបានអ្នកទិញដែលមានប្រសិទ្ធភាពកាន់តែច្រើន អ្នកត្រូវចំណាយពេល និងថវិកាដើម្បីធ្វើទីផ្សារ។ តម្លៃទីផ្សារប្រែប្រួលទៅតាមអ្វីដែលអ្នកប្រើសម្រាប់ការដាក់លក់ ឬរបៀបផ្សព្វផ្សាយ ប៉ុន្តែជាធម្មតាត្រូវបានធ្វើដោយភ្នាក់ងារអចលនទ្រព្យ។ 

តម្លៃអចលនទ្រព្យក្រោយការលក់

ទោះជាអ្នកមានអ្នកទិញពិតប្រាកដរួចហើយក៏ដោយ ក៏មិនមានន័យថា អចលនទ្រព្យរបស់អ្នកលែងស្ថិតក្រោមការគ្រប់គ្រងរបស់អ្នកឡើយ។ វិភាគកិច្ចការដែលនៅសល់ និងការចំណាយពាក់ព័ន្ធទាំងនោះ ៖

  • ពន្ធប្រថាប់ត្រា → នៅពេលអ្នកលក់អចលនទ្រព្យ និងផ្ទេរកម្មសិទ្ធិទៅឱ្យអ្នកផ្សេង នឹងត្រូវមាន ការបង់ពន្ធប្រថាប់ត្រា ។ នៅក្នុងប្រទេសកម្ពុជា មាន ប្រភេទប័ណ្ណកម្មសិទ្ធិ (ប្លង់) ឬកម្មសិទ្ធិដីធ្លីផ្សេងៗគ្នា។ ប័ណ្ណកម្មសិទ្ធិ ឬប្លង់នីមួយៗមានពន្ធប្រថាប់ត្រាផ្សេងគ្នារៀងៗខ្លួន។

    ប្លង់ទន់ជារឿងសាមញ្ញនៅក្នុងប្រទេសកម្ពុជា ហើយមានតម្លៃថោក ដោយកម្មសិទ្ធិជាមធ្យមត្រូវផ្ទេរក្នុងរយៈពេល 10 ថ្ងៃធ្វើការ។ ប្លង់រឹងមានពន្ធប្រថាប់ត្រា 4% លើតម្លៃបច្ចុប្បន្ននៃអចលនទ្រព្យ។ LMAP ជាប្លង់មួយផ្សេងទៀតដែលមានពន្ធប្រថាប់ត្រា 4% ស្រដៀងនឹងប្លង់រឹង ដោយវាអាស្រ័យលើតម្លៃនៃអចលនទ្រព្យនៅពេលដែលវាត្រូវបានលក់ចេញ។
  • ការទូទាត់សងប្រាក់កម្ចីទិញផ្ទះ→ ការចំណាយមួយដែលអ្នកត្រូវបង់គឺប្រាក់កម្ចី ប្រសិនបើអ្នកបានជ្រើសយកជម្រើសនេះនៅពេលទិញអចលនទ្រព្យ។ ប្រាក់ដែលទទួលបានពីការលក់ផ្ទះរបស់អ្នក នឹងត្រូវអនុវត្តទៅសមតុល្យប្រាក់កម្ចីដែលនៅសល់។ ប្រសិនបើការទូទាត់មិនរាប់បញ្ចូលការប្រាក់តាមសមាមាត្រទេនោះ នឹងអាចមានការខ្វះខាតក្នុងចំនួនទឹកប្រាក់។
  • ពន្ធលើប្រាក់ចំណេញពន្ធលើប្រាក់ចំណេញ គឺនៅពេលដែលអ្នកលក់អចលនទ្រព្យរបស់អ្នកលើសពីចំនួនដែលអ្នកបានចំណាយលើវា។ សរុបមក ប្រសិនបើអ្នកបានចំណេញពីវា នោះអ្នកត្រូវបង់ពន្ធលើប្រាក់ចំណេញ។ ពន្ធពន្ធលើប្រាក់ចំណេញនៅក្នុងប្រទេសកម្ពុជាមានភាពតឹងរ៉ឹង គឺ 20% នៃប្រាក់ចំណេញពីអចលនទ្រព្យ។
  • ពន្ធអចលនទ្រព្យ → នៅប្រទេសកម្ពុជា ទ្រព្យសម្បត្តិដូចជាផ្ទះគឺជាប្រភេទអចលនទ្រព្យ។ ដូចនេះ ពន្ធគឺត្រូវបានគេស្គាល់ថាជាពន្ធលើអចលនវត្ថុ (TOIP)។ ប្រសិនបើអ្នកមានអចលនទ្រព្យដែលមានតម្លៃលើសពី $25,000 នោះពន្ធលើអចលនវត្ថុគឺ 0.1%។

    អចលនទ្រព្យដែលមានតម្លៃតិចជាង $25,000 ត្រូវបានលើកលែងពន្ធលើអចលនវត្ថុ រួមជាមួយនឹងដីរដ្ឋ ដីកសិកម្ម និងដីឧស្សាហកម្ម។ លើស​ពី​នេះ​ ពន្ធ​លើ​អចលនវត្ថុត្រូវ​បាន​បង់​ជា​រៀង​រាល់​ឆ្នាំ​ក្នុង​ខែ​កញ្ញា​ក្នុង​ប្រទេស​កម្ពុជា។
  • សេវាគ្រប់គ្រងអចលនទ្រព្យ → ប្រសិនបើផ្ទះរបស់អ្នកស្ថិតនៅក្នុងសហគមន៍ដែលមានសមាគម អ្នកនឹងត្រូវបង់ថ្លៃសេវា។ ប្រសិនបើអ្នកធ្វើបែបនេះ អ្នកនឹងទទួលខុសត្រូវលើការបង់ប្រាក់របស់សមាគមម្ចាស់ផ្ទះរហូតដល់ទ្រព្យសម្បត្តិ​​នោះត្រូវបានលក់។
  • ថ្លៃមេធាវី → មានករណីដែលអ្នកលក់ប្រើមេធាវីអចលនទ្រព្យដើម្បីជួយសម្រួលដល់ដំណើរការនៃការលក់អចលនទ្រព្យ។ អ្នកត្រូវបង់ប្រាក់ឱ្យពួកគេឱ្យសមស្រប។ តម្លៃអាចអាស្រ័យលើអត្រាមេធាវីដែលអ្នកបានជួល។

ចង់លក់អចលនទ្រព្យមែនទេ? មក! ដាក់លក់ជាមួយ IPS!

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។

en_USEN