រាជរដ្ឋាភិបាលប្រកាសយកពន្ធលើប្រាក់ចំណេញនៅខែ មករា ឆ្នាំ ២០២២

បន្ទាប់ពីបានពន្យារពេលនូវការអនុវត្តច្បាប់យកពន្ធលើប្រាក់ចំណេញដោយសារតែវិបត្តិកូវីដ ការយកពន្ធនេះនឹងត្រូវដាក់ឲ្យអនុវត្តចាប់ពីថ្ងៃទី ០១ ខែមករា ឆ្នាំ ២០២២ តទៅ។ 

ពន្ធលើប្រាក់ចំណេញមូលធននឹងត្រូវដាក់ឲ្យអនុវត្តចាប់ពីថ្ងៃទី ០១ មករា ២០២២

រដ្ឋនឹងតម្រូវឲ្យមានការកាត់ពន្ធ ២០% ឆាប់ៗនេះពីការចំណេញមូលធន ពោលគឺចំណេញដែលសម្រេចបានពីការលក់ ឬផ្ទេរកម្មសិទ្ធិ ៦ ប្រភេទរួមមាន៖ អចលនទ្រព្យ ភតិសន្យា ទ្រព្យវិនិយោគ កេរ្តិ៍ឈ្មោះអាជីវកម្ម កម្មសិទ្ធិបញ្ញា និងរូបិយវត្ថុបរទេស។  

អាជីវកម្មក្នុងស្រុកតែងតែត្រូវបានអនុវត្តច្បាប់នេះ ហើយការរៀបចំដែលនឹងមកដល់ក្នុងពេលខាងមុខគឺជាពង្រីកច្បាប់ពន្ធ។  

ការយកពន្ធលើប្រាក់ចំណេញនេះត្រូវបានប្រកាសដោយនាយកដ្ឋានទ្រព្យសម្បតិ្ត និងពន្ធដារអចលនទ្រព្យ នៅអគ្គនាយកដ្ឋានពន្ធដារ ដោយច្បាប់នេះត្រូវបានរៀបចំឡើងដោយក្រសួងសេដ្ឋកិច្ច និងហិរញ្ញវត្ថុកាលពីខែមេសា ឆ្នាំមុន។  

ផ្អែកទៅលើសេចក្ដីព្រាងច្បាប់ដែលស្នើដោយអគ្គនាយកដ្ឋានពន្ធដារ ពន្ធលើប្រាក់ចំណេញមូលធននឹងត្រូវអនុវត្តទាំងទៅអ្នកបង់ពន្ធទាំងអស់ចំពោះអចលនទ្រព្យ ការដាក់ជួល ការវិនិយោគ កម្មសិទ្ធិបញ្ញា និងរូបិយវត្ថុបរទេស។ 

ពន្ធនេះគឺគេគិតទៅលើប្រាក់ដែលចំណេញពីការលក់ ឬផ្ទេរកម្មសិទ្ធិ ហើយនឹងទុកពេលឲ្យអ្នកលក់ចំនួន ៣ ខែ សម្រាប់ធ្វើការបង់ពន្ធ។ ប្រសិនបើអ្នកលក់មិនទទួលបានប្រាក់ចំណេញទេ នោះអ្នកលក់នឹងមិនត្រូវបង់ពន្ធនេះឡើយ។ 

ដោយសារតែច្បាប់នេះត្រូវបានគេជជែកអស់រយៈពេលជាងមួយឆ្នាំមកហើយ ដូច្នេះអ្នកមានកាតព្វកិច្ចបង់ពន្ធទាំងឡាយមានពេលវេលាគ្រប់គ្រាន់ដើម្បីរៀបចំ និងស្វែងយល់ដោយខ្លួនឯងកាន់តែច្បាស់ចំពោះទំនួលខុសត្រូវសារពើពន្ធថ្មីមួយនេះ។ 

ប្រាក់ចំណូលដែលបានមកពីការបង់ពន្ធនេះ ក៏នឹងផ្ដល់ផលចំណេញដល់កម្ពុជាដែលបានបាត់បង់ប្រាក់ចំណូលពន្ធដោយសារតែវិបត្តិកូវីតផងដែរ។ 

អ្នកអាចនឹងចាប់អារម្មណ៍ ស្វែងយល់ស៊ីជម្រៅអំពីពន្ធអចលនទ្រព្យកម្ពុជា