ការវាយតម្លៃអចលនទ្រព្យ៖ តើវាគឺជាអ្វី?

ចែករំលែកអត្ថបទនេះ  

ការទទួលបានព័ត៌មាន និងតួលេខជាក់លាក់អំពីអចលនទ្រព្យរបស់លោកអ្នក អាចអនុញ្ញាតឲ្យលោកអ្នកធ្វើការសម្រេចចិត្តក្នុងការវិនិយោគបានកាន់តែល្អប្រសើរ មិនថានៅពេលអ្នកត្រូវការ ទិញ ឬលក់អចលនទ្រព្យនោះទេ។ ដើម្បីទទួលបានតម្លៃមួយដ៏ត្រឹមត្រូវ អចលនទ្រព្យទាំងឡាយត្រូវឆ្លងកាត់ដំណាក់កាលនៃ ការវាយតម្លៃអចលទ្រព្យ ដែលគេបានសិក្សាទៅលើកត្តាពាក់ព័ន្ធជាច្រើនក្នុងការកំណត់នូវតម្លៃទីផ្សាររបស់អចលនទ្រព្យមួយនោះ។

ការវាយតម្លៃអចលនទ្រព្យមិនត្រឹមតែ ជួយផ្តល់នូវតម្លៃដ៏ជាក់លាក់នៃអចលនទ្រព្យតម្លៃបច្ចុប្បន្នរបស់វា និងតម្លៃទីផ្សារនោះទេ ប៉ុន្តែវាថែមទាំងអាចព្យាករណ៍តម្លៃអចលនទ្រព្យនោះនាពេលអនាគតបានទៀតផង។ កត្តានេះពិតជាសំខាន់ណាស់ ដោយសារតែតម្លៃទីផ្សារអាចផ្ដល់ឲ្យអ្នកជាគំនិតអំពីតម្លៃគិតជាមធ្យមរបស់អចលនទ្រព្យដែលមានភាពស្រដៀងគ្នាដែលបានលក់ចេញរួច។ ទោះជាយ៉ាងនេះក្ដី វាមិនជះឥទ្ធិពលទៅលើ ការកំណត់តម្លៃសក្ដានុពលនៃអចលនទ្រព្យ នោះទេ ក្រោយពីធ្វើការពិចារណាទៅលើចំណុចផ្សេងៗដែលមានដូចជាទីតាំង និងកង្វះខាតនានា។

ក្រៅពីនេះ ការវាយតម្លៃអចលនទ្រព្យអាចត្រូវបានគេប្រើប្រាស់ក្នុងគោលដៅផ្សេងៗគ្នានៅក្នុងវិស័យអចលនទ្រព្យ។ មិនថាវាជាដី ជាប្រភេទអចលនទ្រព្យបែបពាណិជ្ជកម្ម ឬបែបលំនៅឋាននោះទេ ដំណើរការនេះនឹងជួយឲ្យការប្រើប្រាស់ហិរញ្ញវត្ថុរបស់លោកអ្នកកាន់តែមានភាពរឹងមាំឡើង។

មានចំណុចសំខាន់ៗចំនួន 4 ដែលអ្នកវាយតម្លៃអចលនទ្រព្យត្រូវមើលនៅពេលធ្វើការវាយតម្លៃពិតជាក់ស្ដែងនៃអចលនទ្រព្យ។ ចំណុចខាងក្រោមនេះជាកត្តាដែលជះឥទ្ធិពលទៅលើតម្លៃខ្ពស់ ឬទាបនៃអចលនទ្រព្យ៖

  1. ភាពងាយស្រួលនៃការផ្ទេរ →តើវាមានភាពងាយស្រួលកម្រិតណាក្នុងការផ្ទេរឈ្មោះម្ចាស់កម្មសិទ្ធិ ប្លង់កម្មសិទ្ធិ និងចំណុចផ្សេងទៀតទៅកាន់បុគ្គលឯកជន ឬក្រុមហ៊ុន
  2. តម្រូវការនៃអចលនទ្រព្យ →ការចង់ក្លាយជាម្ចាស់អចលនទ្រព្យដោយប្រើប្រាស់ធនធានហិរញ្ញវត្ថុដើម្បីបានអចលនទ្រព្យនោះ
  3. ភាពកង្វះខាត →អចលនទ្រព្យដែលមានភាពស្រដៀងគ្នាពុំសូវមានច្រើននៅលើទីផ្សារ
  4. គ្រឿងបរិក្ខារនានានៃអចលនទ្រព្យ →ភាពពេញលេញនៃអចលនទ្រព្យដែលអាចបំពេញតាមតម្រូវការ និងការចង់បានរបស់អ្នកទិញនាពេលអនាគត។

ក្នុងការពិចារណាទៅលើចំណុចទាំង 4 ខាងលើនេះ មានវិធីសាស្ត្រវាយតម្លៃជាច្រើនទៀតដែលអាចត្រូវបានគេប្រើប្រាស់ដើម្បីស្ទង់ពីតម្លៃអចលនទ្រព្យ។ ដោយសារតែមានជម្រើសផ្សេងៗគ្នាដូច្នេះ តម្លៃនៃអចលនទ្រព្យដែលអាចនឹងមានភាពខុសគ្នាខ្លះ ប្រសិនបើលោកអ្នកប្រើប្រាស់វិធីសាស្ត្រពីរផ្សេងគ្នា។ ប៉ុន្តែ លោកអ្នកពុំចាំបាច់មានការព្រួយបារម្ភឡើយ ដោយសារតែថ្វីត្បិតថាក្រុមហ៊ុនជាច្រើនបានប្រើប្រាស់វិធីសាស្ត្រផ្សេងៗគ្នាមែន ប៉ុន្តែទទួលបានតម្លៃជាក់លាក់ប្រហាក់ប្រហែលគ្នា។

ក្នុងចំណោមក្រុមហ៊ុនដែលជំនាញខាងវាយតម្លៃទាំងអស់ ក្រុមហ៊ុន IPS Cambodia (អាយភីអេសអេសខេមបូឌា) ឈានមុខគេក្នុងការវាយតម្លៃអចលនទ្រព្យបានត្រឹមត្រូវ ដោយប្រើប្រាស់វិធីសាស្ត្រផ្សេងពីក្រុមហ៊ុនដទៃ និងប្រើប្រាស់ស្ដង់ដារវាយតម្លៃអន្តរជាតិ - International Valuation Standard (IVS) ដើម្បីធានាជូនលោកអ្នកអំពីព័ត៌មានជាក់លាក់នៃអចលនទ្រព្យ។ ជ្រើសរើសអ្នកជំនាញខាងវាយតម្លៃអចលនទ្រព្យ គឺមានភាពល្អប្រសើរជាងលោកអ្នកធ្វើការដោយខ្លួនឯង ព្រោះថាក្រុមហ៊ុនអចលនទ្រព្យមានការយល់ដឹងស៊ីជម្រៅពីវិស័យមួយនេះ ហើយក៏នឹងផ្តល់ជូនលោកអ្នកនូវរបាយការណ៍វាយតម្លៃយ៉ាងម៉ត់ចត់ផងដែរ។

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។

en_USEN