ប្រភេទផ្ទះផ្សេងៗគ្នាដែលមាននៅក្នុងសហគមន៍បុរី

ចែករំលែកអត្ថបទនេះ  

ការយល់ខុសដែលមានជាទូទៅនៅក្នុងសហគមន៍គឺការជ្រើសរើសប្រភេទនៃអចលនទ្រព្យមានកំណត់។ នេះពិតជាឆ្ងាយពីការពិតណាស់ដោយគម្រោងបុរីអភិវឌ្ឍដែលអាចបំពេញតម្រូវការដល់អ្នកដែលកំពុងស្វែងរកផ្ទះ និងការវិនិយោគដែលត្រឹមត្រូវ។ មិនថាអ្នកកំពុងស្វែងរកផ្ទះដ៏កក់ក្ដៅ ឬវីឡាដ៏ប្រណិតដែលសក្តិសមនឹងរបៀបរស់នៅរបស់អ្នកនោះទេ អ្នកត្រូវបានធានាក្នុងការស្វែងរកអចលនទ្រព្យទាំងនេះបាននៅក្នុងសហគមន៍!

អ្វីដែលគួរឱ្យចាប់អារម្មណ៍អំពីការសម្រេចចិត្តទិញផ្ទះគឺការជ្រើសរើសអចលនទ្រព្យដែលសក្តិសមនឹងអ្នក។ សូមពិនិត្យមើលជម្រើសខាងក្រោម ដើម្បីជាជំនួយដល់ការសម្រេចចិត្តឱ្យបានច្បាស់លាស់!

ផ្ទះអាជីវកម្ម (សបហោស៍)

ផ្ទះអាជីវកម្មទំនើប 3 បន្ទប់គេង សម្រាប់លក់ - KMH Park, ស្ទឹងមានជ័យ, រាជធានីភ្នំពេញ

ផ្ទះដ៏ល្អបំផុតមួយដែលអ្នកអាចជ្រើសរើសបាននៅក្នុងសហគមន៍បុរីគឺផ្ទះអាជីវកម្ម ឬសបហោស៍។ ផ្ទះ​ប្រភេទ​នេះ​បង្ហាញ​ពី​សម្រស់​អាស៊ីអាគ្នេយ៍ ដែល​រំលេច​ដោយ​ការ​រចនា​នៃ​ជាន់​នីមួយៗ។ ជាមធ្យមមានពី 2 ទៅ 3 ជាន់ ហើយជាធម្មតាត្រូវបានសាងសង់ជាជួរជាប់ៗគ្នា។ អ្នកទិញតែងតែវិនិយោគលើផ្ទះនេះដោយពួកគេអាចយកជាន់ផ្ទាល់ដី និងជាន់ទីពីរធ្វើជាហាងណាមួយតាមដែលពួកគេចង់បាន។ អ្នកទិញក៏អាចដាក់ជួលជាន់លើដែលអាចរកប្រាក់ចំណូលបន្ថែមបានទៀតផង។

ដោយសារវាជាប្រភេទអចលនទ្រព្យដ៏ពេញនិយម វាមានការកែប្រែរចនាប័ទ្មស្ថាបត្យកម្មជាច្រើនទៅជាផ្ទះអាជីរកម្ម។ ខាង​ក្រោម​នេះ​ជាផ្ទះអាជីវកម្ម​សំខាន់​ពីរ​ដែល​អ្នក​អាច​ឃើញ​នៅ​ក្នុង​ប្រទេស​កម្ពុជា៖

  • ផ្ទះអាជិវកម្មបែបខ្មែរ៖ ជាធម្មតាមានកម្ពស់ពី 3 ទៅ 4 ជាន់ ដែលអ្នកជួលអាចជួលយូនីតណាមួយដែលមាននៅក្នុងអគារ។ ចំណុចសំខាន់ដែលខុសគ្នាគឺបង្អួចអាចមានទីតាំងនៅតំបន់សំខាន់ៗនៃផ្ទះ និងយូនីត។
  • ផ្ទះ​អាជីវកម្មបែប​លោក​ខាង​លិច៖ ស្រដៀង​គ្នា​នឹង​ផ្ទះ​អាជីវកម្ម​ផ្សេង​ទៀត​ដែរ វា​មាន​ច្រើន​ជាន់​។ ចំណុចសំខាន់ដែលខុសគឺមានឧបករណ៍ទំនើបៗ និងរចនាប័ទ្មស្ថាបត្យកម្មដែលមានរំលេចផ្ទះបាយ និងបន្ទប់គេង។

ផ្ទះល្វែង

ផ្ទះល្វែង 3 បន្ទប់គេង សម្រាប់លក់ - បុរីពិភពថ្មី, ខណ្ឌដង្កោ, រាជធានីភ្នំពេញ

ប្រភេទអចលនទ្រព្យទូទៅដែលអ្នកអាចរកបាននៅក្នុងសហគមន៍បុរីគឺផ្ទះល្វែង។ ជាធម្មតាផ្ទះទាំងនេះត្រូវបានគេស្គាល់ថាជាផ្ទះក្នុងក្រុង ហើយវាមានប្រភេទផ្សេងៗគ្នាដែលផ្តល់កន្លែងសម្រាប់អ្នកទិញក្នុងការជ្រើសរើសអចលនទ្រព្យធំជាងអាស្រ័យលើអ្វីដែលពួកគេត្រូវការ។ ផ្ទះ​ប្រភេទ​នេះ​អាច​ដាច់​ពាក់កណ្តាល​ មានន័យថា​មាន​ជញ្ជាំង​បំបែក​ផ្ទះ​ជាពីរ។ ទោះជាយ៉ាងណាក៏ដោយ វាមិនមានន័យថាគ្មានភាពឯកជននោះទេ ដោយលំនៅឋានទាំងនេះនៅដាច់ដោយឡែកពីគ្នាទោះមានជញ្ជាំងជាប់គ្នាក៏ដោយ។

ប្រភេទមួយទៀតគឺជាផ្ទះល្វែងដែលដាច់ទាំងស្រុង ដែលធានានូវភាពឯកជន ដោយមិនមានរួមជញ្ជាំងជាមួយផ្ទះផ្សេង។

ផ្ទះជាប់គ្នា (លីងហោស៍)

លីងហោស៍ 3 បន្ទប់គេង សម្រាប់លក់ - ព្រែកលាភ, ជ្រោយចង្វា, រាជធានីភ្នំពេញ

ស្រដៀងគ្នាទៅនឹងអចលនទ្រព្យផ្សេងទៀតដែរ លីងហោស៍គឺមានប្រជាប្រិយភាពនៅក្នុងប្រទេសកម្ពុជា ព្រោះវារួមបញ្ចូលអ្វីគ្រប់យ៉ាងដែលអ្នកត្រូវការនៅក្នុងផ្ទះ។ ទោះជាយ៉ាងណាក៏ដោយ ភាពខុសប្លែកតែមួយគត់របស់វាគឺថាផ្ទះត្រូវបានភ្ជាប់គ្នាជាជួរ ហើយផ្ទះទាំងអស់សុទ្ធតែមានការរចនាស្ថាបត្យកម្មដូចគ្នា។ 

ដោយលីងហោស៍ត្រូវបានតភ្ជាប់គ្នា អ្នកអាចរំពឹងថាផ្ទះទាំងអស់មានបន្ទប់ជាច្រើន ដូចជាបន្ទប់គេង បន្ទប់សិក្សា។ល។ លើសពីនេះអាចមានយានដ្ឋានតូចមួយនៅខាងមុខផ្ទះក៏ដូចជាទីធ្លាតូចមួយផងដែរ។

វីឡាភ្លោះ

វីឡាភ្លោះ 4 បន្ទប់គេង សម្រាប់លក់ - បុរីប៉េងហួត អេកូដែលតា, ច្បារអំពៅ, រាជធានីភ្នំពេញ

ខុសគ្នាពីវីឡាទោល វីឡាភ្លោះគឺជាអចលនទ្រព្យដែលតភ្ជាប់ជញ្ជាំងទៅវីឡាមួយទៀត។ ទោះជាយ៉ាងណាក៏ដោយ នេះមិនបាត់បង់បៀបរស់នៅដ៏ប្រណីតដែលនៅតែផ្តល់នូវកន្លែងធំទូលាយ និងការរចនាស្ថាបត្យកម្មល្អឥតខ្ចោះ។ លើសពីនេះ មិនដូចលីងហោស៍ទេ វីឡាភ្លោះច្រើនតែមានកន្លែងចតយានយន្តធំ ច្រកទ្វារ និងរបង។ នេះអាចធានាបន្ថែមទៀតនូវភាពឯកជននៃលំនៅឋានទាំងនេះ។

វីឡាទោល

ផ្ទះវីឡា 5 បន្ទប់គេង សម្រាប់លក់ - ហ្គ្រានភ្នំពេញ, រាជធានីភ្នំពេញ

នៅពេលដែលអ្នកគិតចង់បានផ្ទះដែលធំ ស្តុកស្តម្ភ នោះវីឡាទោលគឺជាអចលនទ្រព្យដ៏ត្រឹមត្រូវសម្រាប់អ្នក! យ៉ាងណា នេះគឺជាផ្ទះដ៏ប្រណិតបំផុតដោយសារវាមានផ្ទៃដីធំ។ យ៉ាងហោចណាស់ វីឡាមួយអាចមានទំហំ 800 ម៉ែត្រការ៉េ ឬអាចធំជាងនេះ អាស្រ័យលើវីឡាដែលអ្នកចង់បាននៅក្នុងបុរីមួយ។ វីឡាទោលជាធម្មតាត្រូវបានធ្វើដាប់ដោយឡែក មានន័យថាវាមិនត្រូវបានភ្ជាប់ជាមួយផ្ទះផ្សេងទៀតដែលនៅជិតនោះទេដែលសង្កត់ធ្ងន់លើភាពឯកជនសម្រាប់អ្នកទិញ។

បន្ថែមពីនេះ ដោយសារវីឡាតំណាងឱ្យភាពអស្ចារ្យនៅលើមាត្រដ្ឋានខ្ពស់ ពួកវាច្រើនតែមានសួនច្បារដ៏ធំមួយនៅខាងក្រោយ ទីធ្លាធំទូលាយនៅខាងមុខ អាងហែលទឹក និងច្រើនទៀត។ ការរចនាខាងក្នុងរបស់វាបង្កប់នូវអ្វីដែលអ្នកទិញភាគច្រើន ឬអ្នកបង្កើតគម្រោងចង់បាន ដូចជាការបំពាក់គ្រឿងបរិក្ខារបែបទំនើប ឬស្ថាបត្យកម្មបុរាណ ហើយគ្រឿងសង្ហារិម និងការតុបតែងទាំងអស់មានតម្លៃថ្លៃ។

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។

en_USEN