៣ កត្តាសំខាន់ៗដែលប៉ះពាល់ដល់តម្លៃអចលនទ្រព្យ

ចែករំលែកអត្ថបទនេះ  

តម្លៃអចលនទ្រព្យជាចំណុចសំខាន់ នៅពេលធ្វើការសម្រេចចិត្តវិនិយោគទៅលើអចលនទ្រព្យ។ ជម្រើសវិនិយោគដែលល្អ និងឈ្លាសវៃគឺការវិនិយោគទៅលើអចលនទ្រព្យ ដូចនេះការយល់ដឹងអំពីកត្តាដែលអាចជះឥទ្ធិពលដល់តម្លៃរបស់អចលនទ្រព្យនឹងក្លាយជាជំនួយដ៏ល្អសម្រាប់ការវិនិយោគរបស់អ្នកនៅថ្ងៃអនាគត។ 

ស្វែងយល់ពីកត្តាសំខាន់ៗចំនួនបីដែលអាចប៉ះពាល់ដល់តម្លៃនៃអចលនទ្រព្យនៅខាងក្រោម៖

ទីតាំង

ទីតាំងគឺជាកត្តាចម្បងដែលត្រូវពិចារណានៅក្នុងតម្លៃអចលនទ្រព្យ ដោយសេដ្ឋកិច្ច និងទីផ្សារជុំវិញក្នុងតំបន់អាចកើនឡើង ឬថយចុះ។

ឧទាហរណ៍ ប្រសិនបើអចលនទ្រព្យស្ថិតនៅក្នុងតំបន់ដែលមានអាជីវកម្មរីកចម្រើន ងាយស្រួលធ្វើដំណើរចេញចូល និងការកម្សាន្តផ្សេងៗ ដូចជាទីក្រុងភ្នំពេញ នោះតម្លៃអចលនទ្រព្យនឹងខ្ពស់ជាមធ្យម។ ម៉្យាងវិញទៀត ប្រសិនបើអចលនទ្រព្យស្ថិតនៅក្នុងតំបន់ដែលកំពុងអភិវឌ្ឍ នោះតម្លៃក៏ទាបជាងតំបន់ផ្សេងទៀតផងដែរ។

លើសពីនេះ ប្រសិនបើអ្នកចង់វិនិយោគលើអចលនទ្រព្យ អ្នកមិនចាំបាច់ទិញពីតំបន់ដែលមានតម្លៃខ្ពស់ក៏បាន។ អ្នកអាចទិញអចលនទ្រព្យពីតំបន់ដែលមានតម្លៃទាប ដែលនឹងមានការអភិវឌ្ឍនៅពេលប៉ុន្មានឆ្នាំខាងមុខ ដូចនេះការវិនិយោគរបស់អ្នកនឹងកើនឡើងតាមពេលវេលា។

ទំហំ

ទំហំ​នៃ​អចលនទ្រព្យ​ក៏ជា​កត្តា​ដ៏សំខាន់ដែលជះឥទ្ធិពលដល់​តម្លៃផងដែរ​ ​​​​​​​។ យ៉ាងណាមិញ អចលនទ្រព្យដែលមានទំហំតូច — គិតទាំងទីតាំង — តម្លៃរបស់វាកាន់តែទាប — ដូចគ្នាទៅនឹងអចលនទ្រព្យទំហំធំដែរ។ តម្លៃផ្ទះជាធម្មតាត្រូវបានដាក់ក្នុងមួយម៉ែត្រការ៉េ ឬមួយហ្វីត ដូចនេះអ្នកត្រូវដឹងពីតម្លៃមធ្យមនៃផ្ទះស្រដៀងគ្នានៅក្នុងតំបន់នេះ ដើម្បីកំណត់ថាតើអចលនទ្រព្យដែលអ្នកចង់វិនិយោគមានតម្លៃសមរម្យឬអត់។

បន្ថែមពីនេះ កន្លែងទំនេរដែលអាចប្រើបាននៅក្នុងអចលនទ្រព្យក៏សំខាន់ផងដែរ។ ឧទាហរណ៍ ប្រសិនបើផ្ទះមានចំណតយានយន្ត បន្ទប់ក្រោមដី បន្ទប់សម្រាប់ភ្ញៀវ និងកន្លែងផ្សេងៗទៀត នោះតម្លៃអចលនទ្រព្យក៏កើនឡើងតាមនោះដែរ។

ការថែទាំ និង កែលម្អ

អ្វីដែលអ្នកធ្វើជាមួយអចលនទ្រព្យបន្ទាប់ពីធ្វើការវិនិយោគលើវាអាចមានឥទ្ធិពលលើតម្លៃរបស់វា ដោយអាចកើនឡើង ឬថយចុះ។ ប្រសិនបើឧបករណ៍ គ្រឿងបរិក្ខារ ឬរបស់របរផ្សេងទៀតត្រូវការជួសជុល សូមប្រាកដថាត្រូវជួសជុលវាឱ្យបានលឿន ហើយបន្តថែរក្សាគុណភាពផ្ទះឱ្យនៅដដែល។

ម្យ៉ាងទៀត ការថែទាំតែមួយមុខមិនគ្រប់គ្រាន់សម្រាប់ធ្វើឱ្យអចលនទ្រព្យកើនតម្លៃបានច្រើននោះទេ លោកអ្នកគួរតែធ្វើការកែលម្អឱ្យប្រសើរជាងមុន។ អចលនទ្រព្យជាច្រើនកំពុងត្រូវបានអភិវឌ្ឍជាបន្តបន្ទាប់ជាមួយនឹងការរចនាបែបទំនើប និងទាន់សម័យ ដូចនេះកែលម្អនូវឧបករណ៍ប្រើប្រាស់ ការជួសជុលផ្នែកនៃផ្ទះ និងអ្វីៗជាច្រើនទៀតជារឿងល្អ។ មិនត្រឹមតែប៉ុណ្ណោះទេ ការបន្ថែមបរិក្ខារដូចជា អាងហែលទឹក កន្លែងហាត់ប្រាណ និងកន្លែងផ្សេងៗទៀតនៅក្នុងអចលនទ្រព្យក៏នឹងរួមចំណែកដល់ការកើនតម្លៃនៃអចលនទ្រព្យផងដែរ។

ក្រុមហ៊ុនអចលនទ្រព្យ IPS Cambodia
Average rating:  
 0 reviews

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

en_USEN