ឯកសារច្បាប់សំខាន់ៗដែលអ្នកគួរដឹងនៅពេលទិញផ្ទះបុរី

ចែករំលែកអត្ថបទនេះ  

អចលនទ្រព្យដែលទាក់ទាញបំផុតដែលអ្នកអាចវិនិយោគលើគឺផ្ទះដែលមានទីតាំងនៅក្នុងគម្រោងបុរី។ សហគមន៍​ទាំងនេះ​ផ្តល់​នូវ​គ្រឿងបរិក្ខារ​​ដែល​អ្នក​អាច​ចង់បាន​ជាមួយនឹង​វិធានការ​​​សុវត្ថិភាព​ដ៏អស្ចារ្យ។ ពេលដែលអ្នកមានអចលនទ្រព្យជាច្រើនសម្រាប់ជ្រើសរើសនៅក្នុងសហគមន៍ អ្នកត្រូវតែប្រាកដថាត្រូវយកចិត្តទុកដាក់ដោយត្រឹមត្រូវទាក់ទងនឹងភាពស្របច្បាប់នៃគម្រោងបុរី។

ដើម្បីឱ្យកាន់តែងាយស្រួល ខាងក្រោមនេះជាបញ្ជីឯកសារច្បាប់ដែលអ្នកត្រូវពិនិត្យមុននឹងទិញអចលនទ្រព្យក្នុងបុរី៖

  1. ការចុះឈ្មោះរបស់អ្នកបង្កើតគម្រោង រឿងដំបូងដែលអ្នកត្រូវមើលនោះគឺ តើអ្នកបង្កើតគម្រោងបុរីមានការចុះបញ្ជីក្រុមហ៊ុនដែរឬទេ។ វាតម្រូវឱ្យអ្នកបង្កើតគម្រោងទាំងអស់ចុះឈ្មោះមុននឹងសាងសង់គម្រោងនេះ ដូច្នេះប្រសិនបើពួកគេមានភស្តុតាងនៃការចុះឈ្មោះ នោះអ្នកអាចធូរចិត្តបានថាវាស្របច្បាប់។ ប្រសិនបើពួកគេមិនទាន់មានទេ នោះត្រូវស្វែងរកគម្រោងបុរីផ្សេង ដែលត្រូវបានចុះបញ្ជីជាកន្លែងដែលអ្នកអាចវិនិយោគភ្លាមៗនៅក្នុងផ្ទះក្នុងក្តីស្រមៃរបស់អ្នក។
  2. អាជ្ញាប័ណ្ណសាងសង់ រឿងទីពីរដែលអ្នកត្រូវមើលគឺអាជ្ញាប័ណ្ណរបស់អ្នកបង្កើតគម្រោងសម្រាប់ការសាងសង់។ ដោយពិចារណាថាគម្រោងបុរីត្រូវការផែនការលម្អិត និងជាក់លាក់ដើម្បីធានាបាននូវសុវត្ថិភាព និងលទ្ធភាពរបស់វា អ្នកត្រូវប្រាកដថាអ្នកឃើញចំណុចនេះ។ យ៉ាងណាមិញ ក្រសួងរៀបចំដែនដី នគរូបនីយកម្ម និងសំណង់ (MLMUPC) ដែលអនុម័តអាជ្ញាប័ណ្ណនេះ នឹងផ្តល់តែនៅពេលដែលពួកគេបានឃើញការរចនាសំណង់ប្រកបដោយគុណភាព និងមានការគិតគូរយ៉ាងយកចិត្តទុកដាក់ចំពោះបរិស្ថានជុំវិញនោះ។

    ប្រសិនបើគម្រោងបុរីមានអាជ្ញាប័ណ្ណសម្រាប់ការសាងសង់ដែលត្រូវបានអនុម័តដោយ MLMUPC អ្នកអាចបន្តជំហានបន្ទាប់ដើម្បីធានាដល់ការវិនិយោគរបស់អ្នក។
  3. អាជ្ញាប័ណ្ណគម្រោងបុរី ​ដោយនេះជាគម្រោង​ដែល​ជំរុញ​ដោយ​អ្នក​បង្កើត បុរី​​ក៏​ត្រូវ​មាន​អាជ្ញាប័ណ្ណ​ដែរ។ នេះ​ជា​ការ​ចុះ​បញ្ជី​ដែល​បាន​ដាក់​ស្នើ​ដោយ​អ្នក​បង្កើតគម្រោង​ទៅ​ក្រសួង​សេដ្ឋកិច្ច និង​ហិរញ្ញវត្ថុ ដែល​ផែនការ​ទាំងអស់​សម្រាប់​គម្រោង​រួម​ទាំង​ការ​លក់​ត្រូវ​បាន​ពិនិត្យ​ទាំងអស់។ នៅពេលដែលអ្វីៗគ្រប់យ៉ាងល្អហើយ អាជ្ញាប័ណ្ណបុរីនឹងត្រូវបានផ្តល់ឱ្យ ហើយអ្នកបង្កើតគម្រោងនឹងអាចបង្ហាញដល់អ្នកទិញបាន។
  4. ផែនការមេរបស់បុរី ឯកសារសំខាន់មួយដែល MLMUPC ត្រូវការដើម្បីផ្តល់អាជ្ញាប័ណ្ណសំណង់គឺផែនការមេរបស់អ្នកបង្កើតគម្រោងបុរី។ មានន័យថា ប្រសិនបើអ្នកអភិវឌ្ឍន៍មានការចុះឈ្មោះ និងមានអាជ្ញាប័ណ្ណដែលបានរៀបរាប់ខាងលើ នោះគេក៏អាចបង្ហាញជូនអ្នកនូវផែនការមេដែលបានអនុម័តផងដែរ។ នេះនឹងផ្តល់ឱ្យអ្នកនូវគំនិតល្អអំពីរបៀបដែលសហគមន៍នឹងត្រូវបានសាងសង់ និងអភិវឌ្ឍបន្ថែមទៀតនៅក្នុងប៉ុន្មានឆ្នាំខាងមុខនេះ។
  5. ប្លង់រឹង ដើម្បីធានាដល់ការវិនិយោគរបស់អ្នក រឿងចុងក្រោយដែលអ្នកត្រូវពិនិត្យមើលគឺថាតើគម្រោងបុរីផ្តល់ប្លង់រឹងដល់អចលនទ្រព្យដែរឬទេ។ វានឹងពិបាកសម្រាប់ការវិនិយោគរបស់អ្នក ប្រសិនបើពួកគេផ្តល់តែប្លង់ទន់ ព្រោះថាមានតែការទទួលស្គាល់ដោយរដ្ឋាភិបាលក្នុងតំបន់ ដូច្នេះត្រូវប្រាកដថាជ្រើសរើសគម្រោងណាដែលមានប្លង់រឹង។

លើសពីនោះ អ្នកត្រូវមើលប្លង់មេរបស់គម្រោងបុរី ដែលរួមបញ្ចូលដីទាំងមូលដែលគម្រោងស្ថិតនៅ។ អ្នកអាចស្នើសុំយ៉ាងងាយស្រួលដើម្បីមើលពីអ្នកបង្កើតគម្រោង ដើម្បីធានាបាននូវភាពស្របច្បាប់នៃគម្រោង។ ប្រសិនបើអ្នកបង្កើតបរាជ័យក្នុងការបង្ហាញជូនអ្នកនូវឯកសារដែលគាំទ្រប្លង់មេ ឬប្លង់រឹង សូមស្វែងរកគម្រោងដែលមានដើម្បីឱ្យការប្រើប្រាស់ហិរញ្ញវត្ថុរបស់អ្នកមានភាពឆ្លាតវៃ។

លើសពីនេះទៅទៀត ដើម្បីធ្វើឱ្យការទិញអចលនទ្រព្យក្នុងក្តីស្រមៃរបស់អ្នកកាន់តែងាយស្រួល សូមទាក់ទងមកយើង យើងអាចជួយណែនាំអ្នកគ្រប់ដំណើរការទាំងអស់!

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។

en_USEN