ពីអ្នកជួលផ្ទះទៅជាម្ចាស់ផ្ទះ - តើខ្ញុំត្រៀមខ្លួនហើយឬនៅ?

ប្រាកដណាស់ ផ្ទះដំបូងរបស់អ្នកជាកន្លែងដែលឪពុកម្តាយ និងគ្រួសាររបស់អ្នកចិញ្ចឹមបីបាច់អ្នក។ កាលនៅក្មេង កន្លែងនេះគឺជាកន្លែងដែលធ្វើឱ្យអ្នកមានអារម្មណ៍ថាអ្នកមានសេចក្តីស្ងប់សុខ ហើយវាផ្តល់ឱ្យអ្នកនូវអារម្មណ៍កក់ក្តៅដែលធ្វើឱ្យអ្នកចម្រើនលូតលាស់ជាមនុស្សពេញវ័យ។

អារម្មណ៍ឯករាជ្យភាពដំបូងរបស់អ្នកនឹងកើតឡើងនៅពេលដែលអ្នកចាប់ផ្តើមមានការងារដំបូង ហើយប្រសិនបើចង់នៅជិតកន្លែងដែលអ្នកធ្វើការ នោះអ្នកនឹងត្រូវការស្វែងរកកន្លែងរស់នៅ។ កំឡុងពេលដែលអ្នករកកន្លែងរស់នៅនោះ អ្នកនឹងត្រូវគ្រប់គ្រងពេលវេលា និងទីកន្លែងផ្ទាល់ខ្លួនរបស់អ្នក ទោះបីជាអ្នកត្រូវចែករំលែកបន្ទប់ជាមួយនរណាម្នាក់ដើម្បីកាត់បន្ថយការចំណាយក៏ដោយ នោះមិនជាអ្វីទេ ព្រោះវាជាកម្មសិទ្ធិរបស់អ្នកដែលអ្នកបានខិតខំដើម្បីវា។

នឹងមានពេលមួយនៅក្នុងជីវិតរបស់អ្នកដែលអ្នកចាប់ផ្តើមគិតអំពីរឿងបន្ទាប់ដែលត្រូវធ្វើក្នុងជីវិត។ ប្រហែលជាអ្នកនឹងគិតអំពីការឡើងដំណែង​ ឬការរីកចម្រើនក្នុងអាជីពរបស់អ្នក គិតអំពីការមានទំនាក់ទំនងស្នេហាតែប្រសិនបើអ្នកមានរួចហើយ អ្នកនឹងគិតចង់បង្កើតផែនការរយៈពេលវែងជាមួយមនុស្សដែលអ្នកស្រលាញ់។ 

សំណួរ​ដែល​អ្នក​ត្រូវ​គិត​បន្ទាប់​គឺ "តើ​ខ្ញុំ​ត្រៀម​ខ្លួន​ហើយ​ឬ​នៅ​ក្នុង​ការ​​វិនិយោគ​ដ៏​ធំ​នោះ?" នេះជា 3 សំណួរសម្រាប់អ្នកដើម្បីឆ្លើយថាតើការធ្វើជាម្ចាស់ផ្ទះគឺរួចរាល់សម្រាប់អ្នកហើយឬនៅ។

1. តើអ្នកអាចមានលទ្ធភាពទេ?

ប្រសិនបើអ្នកកំពុងគិតពីផ្ទះដែលអ្នកចង់បាន អ្នកប្រាកដជាអាចគិតពីធំ ចង់មានផ្ទះធំមួយ។ នៅពេលនេះ តើអ្នកអាចមានលទ្ធភាពទិញបានទេ? វាប្រៀបដូចជាការទៅកន្លែងហាត់ប្រាណដែលអ្នកមានទម្ងន់ 120 ផោន ហើយអ្នកចង់លើកទម្ងន់ 300 ផោនអញ្ចឹង។

ចាប់ផ្តើមពីការពិនិត្យមើលហិរញ្ញវត្ថុបច្ចុប្បន្នរបស់អ្នក និងជម្រើសហិរញ្ញប្បទានដែលមាន ដែលសមនឹងថវិការបស់អ្នក។ ដំបូងបំផុតបុរីអាចជាជម្រើសដ៏ល្អសម្រាប់អ្នក។ នៅពេលដែលស្ថានភាពអ្នកល្អប្រសើរហើយនោះអ្នកអាចសំលឹងទៅរកផ្ទះដែលបេះដូងអ្នកប្រាថ្នាបានហើយ។

2. តើអ្នកនឹងរស់នៅតែម្នាក់ឯងឬយ៉ាងណា?

អ្នកកំពុងរស់នៅក្នុងជីវិតរបស់អ្នក តែយ៉ាងណាក៏ដោយថ្ងៃំណាមួយអ្នកប្រាកដជានឹងចង់មានមនុស្សពិសេសណាម្នាក់មកចែករំលែកវាជាមួយ។ ការរៀបការ​ និង​ការ​សម្រេច​ចិត្ត​បង្កើត​គ្រួសារ​នឹង​មាន​ន័យ​ថា​អ្នក​នឹង​ត្រូវ​ការ​ផ្ទះ​សម្រាប់បង្កើតគ្រួសារ​របស់​អ្នក​ផង​ដែរ។

ការ​សម្រេច​ចិត្ត​ធ្វើ​ជា​ម្ចាស់​ផ្ទះ​ជំនួស​ការ​ជួលផ្ទះ​អាច​កំណត់​ថា​តើ​អ្នក​នឹង​ទទួល​បាន​របស់​ជាកម្មសិទ្ធិ​ឬ​អត់។

នោះគឺសម្រាប់អ្នក និងដៃគូរបស់អ្នកក្នុងការសម្រេចចិត្តរួមគ្នា។ តើអ្នកនឹងមានគ្រួសាររស់នៅជាមួយអ្នកដែរទេ? ការ​មាន​កន្លែង​ធំ​ជាង​នេះ​​ជា​រឿង​មួយ​​ដែល​ត្រូវ​ពិចារណា​បន្ទាប់​ថាត្រូវ​បន្ត​ជួល ឬ​គិត​ចង់​ទិញ​ផ្ទះ​ផ្ទាល់​ខ្លួន។

3. តើ​ខ្ញុំ​ត្រៀម​ខ្លួន​រួច​រាល់​ហើយ​ឬ​នៅ​ក្នុង​ការ​សម្រេចចិត្ត​ធ្វើ​ជា​ម្ចាស់ផ្ទះមួយ?

ការមានផ្ទះផ្ទាល់ខ្លួនមានន័យថាអ្នកនឹងត្រូវទទួលខុសត្រូវក្នុងការថែរក្សាវា។ មិន​ត្រឹម​តែ​ក្នុង​ការ​បង់​ថ្លៃ​វិក្កយបត្រ និង​ការ​បង់​ថ្លៃ​សមាគម​របស់​ម្ចាស់ផ្ទះ​ប៉ុណ្ណោះ​ទេ។ អ្នក​ក៏នឹង​ត្រូវប្រាកដ​ថា​វា​ត្រូវ​បាន​រក្សា​រៀបចំទុក​ដាក់ឱ្យ​បាន​ល្អ និង​មាន​របៀប​រៀបរយ។ បើមានអ្វី​ដែល​ត្រូវ​ការ​ជួសជុល នោះ​គឺ​​អ្នក​ត្រូវធានា​ថា​វានឹង​ត្រូវ​បាន​ជួសជុល​។

ការជួលមានន័យថាមានម្ចាស់ផ្ទះដែលអាចឱ្យអ្នករាយការណ៍អំពីអ្វីដែលត្រូវជួសជុល។ ឯក្នុងនាមជាម្ចាស់ផ្ទះ អ្នកនឹងត្រូវរៀនពីរបៀបធ្វើអ្វីៗដោយខ្លួនអ្នក ឬជួលអ្នកជំនាញដើម្បីជួសជុលវាសម្រាប់អ្នក។ 

ការ​មាន​ផ្ទះ​ផ្ទាល់​ខ្លួន​គឺ​ជា​រឿងដ៏​ល្អ​សម្រាប់​ខ្លួន​អ្នក​និង​ក្រុម​គ្រួសារ​របស់​អ្នក​។ វាផ្តល់ឱ្យអ្នកនូវសុវត្ថិភាព និងភាពឯកជនផ្ទាល់ខ្លួនរបស់អ្នក ដើម្បីរស់នៅក្នុងជីវិតតាមដែលអ្នកចង់បាន។ វាភ្ជាប់មកជាមួយអត្ថប្រយោជន៍ និងទំនួលខុសត្រូវ។ 

The choice to rent or own your home in Cambodia real estate is in your hands.