fbpx

The Eco Residence Sen Sok ជ្រើសរើសយកក្រុមហ៊ុន IPS ជាដៃគូសហការផ្នែកលក់

ចែករំលែកអត្ថបទនេះ  

ការជ្រើសរើសក្រុមហ៊ុន IPS Cambodia ជាភ្នាក់ងារលក់របស់គម្រោងបុរី The Eco Residence Sen Sok នឹងត្រូវបានបង្កើនការលក់ និងចេញយុទ្ធសាស្រ្តទីផ្សារនៅក្នុងពេលប៉ុន្មានខែខាងមុខទៀតនេះ។

The Eco Residence Sen Sokគឺជាគម្រោងដែលបានសាងសង់ដោយក្រុមហ៊ុនឯកជនទទួលខុសត្រូវមានកម្រិតជីស៊ីស៊ី គ្លូប៊ល ខនស្ត្រាក់សិន & ខូអបភើរេសិន ហើយបានជ្រើសរើសក្រុមហ៊ុន IPS-Cambodia ដែលជាភ្នាក់ងារអចលនទ្រព្យឈានមុខគេនៅកម្ពុជា ជាជំនួយក្នុងការបង្កើនល្បឿននៃការលក់ និងការធ្វើទីផ្សារ ដែលគម្រោងនេះបានចាប់ផ្តើមដាក់លក់ ហើយចំណែកឯការសាងសង់នឹងចាប់ផ្តើមនៅប៉ុន្មានខែខាងមុខទៀតនេះ។

GCC គឺជាក្រុមហ៊ុនម៉ៅការសំណង់ទូទៅដែលត្រូវបានស្គាល់ដោយក្រុមហេដ្ឋារចនាសម្ព័ន្ធធំៗមួយចំនួនដូចជា សហគមន៍បុរី, វីឡាប្រណីត, អាផាតមិនទំនើប និងខុនដូផ្សេងៗ រួមជាមួយនឹងអគារឧស្សាហកម្ម និងពាណិជ្ជកម្មផងដែរ។

ជាមួយនឹងបទពិសោធន៍ជាងមួយទសវត្សន៍ ក្នុងវិស័យហេដ្ឋារចនាសម្ព័ន្ធកន្លងមក, ក្រុមហ៊ុន GCC ត្រូវបាន និងកំពុងបម្រើសេវាកម្មទៅកាន់ក្រុមហ៊ុនជាតិ និងអន្តរជាតិរួមមាន សំណង់និងវិស្វកម្ម, ការរចនានិងការគ្រប់គ្រងគម្រោងនិង ការសាងសង់ជាថ្មី និងការតុបតែងជាដើម។

បន្ទាប់ពីការអភិវឌ្ឍគម្រោងបុរី The Eco Residence 237 រួចមក, ក្រុមហ៊ុន GCC កំពុងតែអភិវឌ្ឍន៍គម្រោងមួយទៀតដែលនឹងលេចចេញខាងមុខនេះគឺ The Eco Residence Sen Sok.

គម្រោងនេះមានចំនួនសរុប 72 យូនីត ដែលជាប្រភេទផ្ទះអាជីវកម្ម និងហាងទំនិញ ហើយមានទីតាំងស្ថិតនៅតំបន់ពាណិជ្ជកម្មនៃខណ្ឌសែនសុខ។ គម្រោងនេះស្ថិតនៅក្នុងតំបន់ដែលគេបានរំពឹងទុកថាជាតំបន់សក្តានុពលពាណិជ្ជកម្មមួយនៃទីក្រុងភ្នំពេញ, The Eco Residence Sen Sok បានផ្តល់ភាពងាយស្រួលដល់ប្រជាជនដែលរស់នៅក្នុងគម្រោងបុរីមួយនេះ ដោយសារតែគម្រោងនេះស្ថិតនៅក្នុងទីតាំងដ៏ល្អមួយដែលមានចម្ងាយប្រមាណ 15 នាទី (5 គីឡូម៉ែត្រ) ពីអាកាសយានដ្ឋានអន្តរជាតិភ្នំពេញ, 20 នាទី (10 គីឡូម៉ែត្រ) ពី AEON សែនសុខ និង TK Avenue, ហើយត្រឹមតែ 30 នាទី (14 គីឡូម៉ែត្រ) ពីវត្តភ្នំ។

ក្រុមហ៊ុន IPS Cambodia ពិតជាមានភាពសោមស្សរីករាយក្នុងការក្លាយជាដៃគូជាមួយនឹងគម្រោង The Eco Residence Sen Sok ហើយយើងមិនត្រឹមតែផ្តល់ជំនួយទៅលើការលក់ និងការធ្វើទីផ្សារសម្រាប់ពួកគេប៉ុណ្ណោះទេ ដោយឡែកពួកយើងនឹង ផ្តល់នូវលំនៅដ្ឋានដែលមានគុណភាពខ្ពស់សម្រាប់គ្រួសារប្រជាជនកម្ពុជាផងដែរ។ ដំណាក់កាលដំបូងនៃការសាងសង់ត្រូវបានរំពឹងថានឹងចាប់ផ្តើមនៅត្រីមាសទី ១ ឆ្នាំ 2021នេះ។

គម្រោងនេះក៏ត្រូវបានរំពឹងទុកថា នឹងត្រូវបញ្ចប់នៅពាក់កណ្តាលឆ្នាំ 2022, ដែលក្រុមការងារផ្នែកលក់និងទីផ្សាររបស់ពួកយើងគឺជាចំណែករួមមួយដ៏សំខាន់ក្នុងការចែកចាយគម្រោងនេះដោយ ធ្វើការជាមួយគ្នាក្នុងការផ្តល់នូវសេវាកម្មគ្រប់យ៉ាងទៅកាន់គ្រួសារម្ចាស់លំនៅដ្ឋាន ក្នុងរយៈពេលខ្លីបំផុតដែលអាចធ្វើទៅបាន។

សម្រាប់ព័ត៌មានបន្ថែមទាក់ទងនឹងគម្រោងនេះ សូមធ្វើការទំនាក់ទំនងមកពួកយើងតាមរយៈលេខទូរស័ព្ទ 095 802 728 ឬផ្ញើរសារមកកាន់អ៊ីម៉ែល ecoresidence@ips-cambodia.com

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

kmKH