គោលដៅទេសចរណ៍ដ៏ល្បីៗនៅកម្ពុជា ដែលមានលក្ខណៈប្រហាក់ប្រហែលទៅនឹងតំបន់ទេសចរណ៍ល្បីៗនៅលើពិភពលោក

What if we tell you that you can go to more than ten countries around the world in Cambodia? Yes! It’s for real. Here’s a list of Cambodia’s top destinations and their famous international counterparts that can give you the same feeling of visiting some of the world renowned sites!

Besides, who wouldn’t want to save more money, time and resources on traveling to every popular destination at one place rather than country hopping. There’s a whole world that awaits you here in the Kingdom of Wonder!

១. ទីនេះមិនមែននៅប៉ារីស ប្រទេសបារាំងទេ- ទីនេះគឺជា The Élysée កោះពេជ្រ 

ត្រូវបានគេស្គាល់ថាជាទីក្រុងដ៏រ៉ូមែនទិករបស់ពិភពលោក ប៉ារីសស្ថិតនៅក្នុងប្រទេសបារាំង គឺជាគោលដៅទេសចរណ៍មួយដែលមានប្រជាប្រិយភាពបំផុត ដោយសារតែស្ថាបត្យកម្មដែលមានអាយុកាលរាប់សតវត្សរ៍ មានហាងលក់សម្លៀកបំពាក់មានការរចនាម៉ូដទំនើប សារមន្ទីរសិល្បៈ និងវប្បធម៌ ភោជនីយដ្ឋានដែលមានម្ហូបឆ្ងាញ់ និង Eiffel Tower។  

ប៉ុន្តែលោកអ្នកមិនចាំបាច់កក់ជើងហោះហើរដើម្បីទៅកាន់កន្លែងដ៏រ៉ូមែនទិកដូចប៉ារីសនោះទេ។ អ្វីដែលអ្នកត្រូវការនោះគឺគ្រាន់តែជិះរ៉ឺម៉កកង់បីនៅក្នុងទីក្រុងភ្នំពេញ ដើម្បីឆ្ពោះទៅ The Élysée ដែលស្ថិតនៅកោះពេជ្រកន្លែងនេះគឺពោរពេញទៅដោយអាផាតមិនដែលមានផ្តល់សេវាកម្មគ្រប់សព្វប្រកបដោយភាពប្រណីត ប៉ុន្តែដោយសារតែផ្នែកខាងមុខនៃអគារត្រូវបានរចនាឡើងតាមបែបអ្នករស់នៅប៉ារីស ហើយមានមនុស្សជាច្រើនមកទីនេះដើម្បីថតរូបលេង ឬដើរជុំវិញហើយលម្ហែ ដោយសារវាមានទីតាំងស្ថិតនៅតាមបណ្តោយដងទន្លេមេគង្គ។ 

២. ទីនេះមិនមែននៅអឺរ៉ុបទេ– ទីនេះគឺ Euro Park នៅបុរីប៉េងហួត

Eiffel Tower, Big Ben, ជលមគ្គនៅទីក្រុង Venice និងទីក្រុង Amsterdam មានកន្លែងល្បីៗ ជាច្រើននៅទ្វីបអឺរ៉ុបដែលធ្វើឲ្យមនុស្សជាច្រើនផ្តិតយកនូវរូបភាពដ៏អស្ចារ្យ និងទទួលបានបទពិសោធន៍គួរឱ្យចាប់អារម្មណ៍។  

ប៉ុន្តែលោកអ្នកអាចនឹងប្ដូរចិត្តមិនទៅអឺរ៉ុបវិញ នៅពេលដែលលោកអ្នកបានទៅទស្សនា“ Euro Park” នៅក្នុងបុរី ប៉េងហួត ដែលត្រូវបានគេស្គាល់ថាជាទ្វីបអឺរ៉ុបតូចមួយនៅក្នុងប្រទេសកម្ពុជា។ លោកអ្នកអាចចូលទស្សនាដោយសេរី និងអាចធ្វើដំណើរទៅទីនោះត្រឹមតែ ២០ នាទីប៉ុណ្ណោះពីកណ្តាលទីក្រុងភ្នំពេញ ដើម្បីទទួលបាននូវដំណើរកម្សាន្តតាមបែបអឺរ៉ុប។ លោកអ្នកនឹងឃើញមាន Big Ben នៃចក្រភពអង់គ្លេស ប៉ម Eiffel នៃទីក្រុងប៉ារីស ស្ពាន Magere Brug នៃទីក្រុង អាំស្ទែដាំ Arc de Triomphe នៃប្រទេសបារាំង ផ្ទះបែបអ៊ឺរ៉ុប និង រហាត់ទឹក និងកង្ហារខ្យល់ធំៗ ដែលមានលក្ខណៈដូចគ្នាទៅនឹងអ្វីដែលមាននៅក្នុងប្រទេសហូឡង់ ពោលគឺគ្រប់កន្លែងទាំងអស់គឺស្ថិតនៅក្នុងទីតាំងតែមួយ ! 

៣. ទីនេះមិនមែនកោះម៉ាល់ឌីវទេ–  ទីនេះគឺកោះសង្សារ នៅតំបន់កោះរ៉ុង

សម្រាប់ដំណើរកម្សាន្តនៅឆ្នេរខ្សាច់ម៉ាល់ឌីវ គឺតែងតែជាជម្រើសមុនគេបង្អស់របស់មនុស្សជាច្រើនដោយសារតែវាមានទឹកសមុទ្រថ្លាដូចកញ្ចក់ ដើមដូងទេរ និងខ្សាច់សម៉ត់ថ្លាក្រោមផ្ទៃមេឃពណ៌ខៀវស្រងាត់ដាច់កន្ទុយភ្នែក។  

ដំណឹងល្អនោះគឺ លោកអ្នកអាចទទួលបានបទពិសោធន៍ដូចបានទៅលេងនៅម៉ាល់ឌីវ ដែលពោរពេញទៅដោយទឹកសមុទ្រយ៉ាងស្រស់ស្អាត ឆ្នេរខ្សាច់សដ៏វែងអន្លាយ និងបឹងហ្គាឡូដ៏ប្រណីតអណ្តែតលើទឹក។ មិនថាលោកអ្នកទៅលេងជាមួយគ្រួសារ ឬជាគូនោះទេ សម្រាប់ការផ្សងព្រេង ឬការធ្វើសមាធិ កោះសង្សារ នឹងផ្តល់ជូននូវសកម្មភាពជាច្រើនចាប់ពីដំណើរកម្សាន្តលើសមុទ្រ រហូតដល់សុខុមាលភាព និងការរៀបចំពិធីផ្សេងៗ។ 

៤. ទីនេះមិនមែនទៅ Las Vegas ទេ –  ទីនេះគឺ Naga World Hotel & Casino នៅភ្នំពេញ, Phnom Penh

Naga World ត្រូវបានគេនិយាយថាជា “Las Vegas” នៃប្រទេសកម្ពុជាព្រោះវាជាសណ្ឋាគារលំដាប់ផ្កាយ ៥ ធំជាងគេ និងជាកាស៊ីណូប្រណីតតែមួយគត់នៅក្នុងប្រទេសកម្ពុជា។ 

មានទៅតាំងស្ថិតនៅទល់មុខឧទ្យានសម្តេចតេជោហ៊ុនសែនក្នុងខណ្ឌដូនពេញ ដែលមានចម្ងាយត្រឹមតែពីរនាទីពីវិមានឯករាជ្យ។ សណ្ឋាគារ និងកាស៊ីណូនេះ គឺជាជម្រើសលេខ ១ សម្រាប់បទពិសោធន៍លេងល្បែងលំដាប់ពិភពលោក ដោយមានតុហ្គេមពីបាការ៉ាត ដល់រ៉ូឡែត ក៏ដូចជាម៉ាស៊ីនហ្គេម ដែលលោកអ្នកប្រាកដជាទទួលបានបទពិសោធន៍ដូចនៅ Las Vegas ដែរ! 

៥. ទីនេះមិនមែនជាអាហ្វ្រិកខាងត្បូងទេ – ទីនេះគឺតំបន់រ៉ែមាសមេម៉ាង នៅមណ្ឌលគិរី

ដោយសារតែសណ្ឋានដីមានភាពប្លែកៗពីគ្នា និងភាពសម្បូរបែបនៃវប្បធម៌ បានធ្វើឱ្យអាហ្វ្រិកខាងត្បូងក្លាយជាគោលដៅទេសចរណ៍ពេញនិយមសម្រាប់អ្នកដំណើរ។ 

Found in the northeastern Cambodia is the country’s own version of South Africa, an area called Memang Gold Mines in Mondulkiri. This wildlife reserve is home to wide variety of flora and fauna, as well as free-roaming elephants. It is located in O’Clor Village, about 45km from the main town center Sen Monorom. 

ប៉ុន្តែជាទូទៅ ខេត្តមណ្ឌលគិរី គឺជាកន្លែងពេញនិយមសម្រាប់ដំណើរកម្សាន្តបែបធម្មជាតិ និងសកម្មភាពបែបអេកូទេសចរណ៍ ។ វាគឺជាខេត្តមួយក្នុងចំណោមខេត្តធំៗ ដែលមានប្រជាជនតិចនៅកម្ពុជា។ សកម្មភាពមួយចំនួនដែលលោកអ្នកអាចធ្វើបាននៅទីនេះគឺការបោះតង់ ជិះដំរី ងូតទឹកឲ្យដំរី ដើរកម្សាន្ត និងឡើងភ្នំ។ 

៦. ទីនេះមិនមែនទីក្រុងសៀងហៃទេ –  ទីនេះគឺក្រុងព្រះសីហនុ

មានទស្សនៈវិស័យធ្វើឲ្យក្លាយជាទីក្រុងស៊ីនជាំងនៃប្រទេសកម្ពុជានាពេលខាងមុខ បច្ចុប្បន្ននេះក្រុងព្រះសីហនុមានកាស៊ីណូជាង ៩០ កន្លែង ខុនដូជាច្រើន សណ្ឋាគារ គ្រឹះស្ថានពាណិជ្ជកម្ម ទីតាំងអាជីវកម្ម និងសួនឧស្សាហកម្ម។ វាក៏មានផ្លូវរថភ្លើងចូលមកភ្នំពេញ អាកាសយានដ្ឋានអន្តរជាតិ និងជាកំពង់ផែទឹកជ្រៅតែមួយគត់របស់ព្រះរាជាណាចក្រកម្ពុជា។ គម្រោងហេដ្ឋារចនាសម្ព័ន្ធជាច្រើនទៀតក៏កំពុងដំណើរការផងដែរដោយមានការចូលរួមពីអ្នករៀបចំគម្រោងជនជាតិចិនមកពីទីក្រុងស៊ីនជាំង។ 

កាលពីបួនទសវត្សរ៍មុនទីក្រុងស៊ីនជាំងគ្រាន់តែជាកំពង់ផែនេសាទតូចមួយនៅក្នុងប្រទេសចិនដីគោកប៉ុណ្ណោះ។ ដោយសារការអភិវឌ្ឍរីកចម្រើនយ៉ាងឆាប់រហ័ស ទីក្រុងនេះបានក្លាយជាតំបន់ឧស្សាហកម្មបច្ចេកវិទ្យាខ្ពស់ដ៏ធំ។ ក្រុមហ៊ុនដែលដែលបានជួយបង្កើតផែនការមេអភិវឌ្ឍន៍ក្រុងស៊ីនជាំងកាលពីឆ្នាំ ១៩៩១ គឺ វិទ្យាស្ថានរៀបចំនគរូបនីយកម្ម និងរចនាទីក្រុងស៊ីនជាំង ត្រូវបានរដ្ឋាភិបាលកម្ពុជាជួលឱ្យរៀបចំផែនការខេត្តព្រះសីហនុ។

៧. ទីនេះមិនមែនជាផ្លូវ Lombard សានហ្វ្រានស៊ីស្កូនទេ –  ទីនេះគឺជាភ្នំ ១,៥០០ ស្រុកវាលវែង

ផ្លូវតែមួយគត់នៅក្នុងប្រទេសកម្ពុជាដែលប្រហែលជាអាចដណ្ដើមយកពានជា “ ផ្លូវកោងបំផុតនៅលើពិភពលោក” ដែលជាកម្មសិទ្ធិរបស់ផ្លូវ Lombard នៅសាន់ហ្វ្រាន់ស៊ីស្កូ សហរដ្ឋអាមេរិក។  

នេះគឺជាផ្លូវជាតិលេខ ៥៥ ស្ថិតនៅស្រុកវាលវែង ខេត្តពោធិសាត់ ជាផ្លូវរាងដូចពស់របស់វាឡើងទៅដល់ភ្នំក្រវាញដ៏ល្បីល្បាញ ឬភ្នំ ១៥០០។ អ្នកស្រុកតែងតែហៅថាជាផ្លូវ“អន្ទង់អាំង”មូលហេតុនៅពីក្រោយឈ្មោះនេះ ដោយសារអ្នកស្រុកយល់ថាផ្លូវនេះស្រដៀងទៅនឹងអន្ទង់អាំង។ អ្នកនឹងឃើញទិដ្ឋភាពដ៏អស្ចារ្យ ក្នុងកំឡុងពេលធ្វើដំណើររបស់លោកអ្នក មើលឃើញបរិយាកាសនៃធម្មជាតិពណ៌បៃតងខៀវស្រងាត់ និងខ្យល់អាកាសត្រជាក់បរិសុទ្ធ។ 

បន្ទាប់ពីធ្វើដំណើរបានមួយសន្ទុះ លោកអ្នកនឹងនៅកម្ពស់ខ្ពស់បំផុតនៅភ្នំក្រវាញ យោងតាមអ្នកជំនាញបានលើកឡើងថាវាជាព្រៃមួយក្នុងចំណោមព្រៃរងទឹកភ្លៀវដ៏ធំបំផុតចុងក្រោយរបស់អាស៊ីអាគ្នេយ៍។ 

៨. ទីនេះមិនមែនជាប្រទេសអេស្ប៉ាញទេ–  ខេត្តបាត់ដំបង

. អ្នកមិនចាំបាច់ធ្វើដំណើរត្រលប់ទៅអតីតកាលវិញ ឬធ្វើដំណើរទៅកាន់ប្រទេសអេស្ប៉ាញដើម្បីទៅទស្សនាអាគារក្នុងសម័យអាណានិគមទេ។ លោកអ្នកគ្រាន់តែទៅខេត្តបាត់ដំបងដើម្បីទៅទស្សនា ជាទីក្រុងមួយនៅភាគពាយ័ព្យនៃប្រទេសកម្ពុជា ដែលត្រូវបានគេស្គាល់ថាមានផ្ទះលក់ទំនិញចាស់ៗតាំងពីសម័យបារាំង ដែលមានភាពទាក់ទាញរួមទាំងសាលាខេត្ត ឬអតីតផ្ទះរបស់អភិបាលខេត្តនេះជាដើម។ 

នៅទីនេះក៏មានប្រាសាទមួយចំនួននៅលើកំពូលភ្នំ សារមន្ទីរតូចមួយដែលមានការប្រមូលផ្តុំនូវវត្ថុបុរាណនាសម័យអង្គរ ដែលមានតែនៅក្នុងខេត្តបាត់ដំបងតែមួយគត់ និងបឹងដ៏ធំ (អាងកំពីងពួយ) និងល្អាងក្បាលខ្មោចដ៏ល្បីល្បាញ។  

៩. ទីនេះមិនមែនបាហាម៉ាសទេ– ទីនេះគឺកោះរ៉ុង

ម៉ាសដើម្បីទទួលយកបទពិសោធ៍ដើរកម្សាន្តមើលទឹកថ្លាដូចកញ្ចក់ ដើមដូងទេរជាច្រើន និងខ្សាច់ពណ៌សម៉ត់នៅក្រោមមេឃពណ៌ខៀវដ៏ល្វឹងល្វើយដាច់កន្ទុយភ្នែកមែនទេ? អ្នកដឹងទេថា វានឹងត្រូវចំណាយប្រាក់អស់ប្រហែល ១០០០ ដុល្លារសម្រាប់សំបុត្រហោះហើរ ហើយចំណាយអស់ជាង ៨០០ ដុល្លារសម្រាប់បន្ទប់សណ្ឋាគារក្នុងមួយថ្ងៃ ហើយចំណាយពេលប្រហែល ២៦ ម៉ោងដើម្បីទៅដល់កោះនេះ។

ប៉ុន្តែអ្នកមិនចាំបាច់ចំណាយពេលវេលា និងប្រាក់កាសដល់ថ្នាក់នេះទេ...... 

កោះរ៉ុងមានទីតាំងស្ថិតនៅជិតឆ្នេរសមុទ្រខេត្តព្រះសីហនុ ដែលត្រូវបានគេពិពណ៌នាថាជា “កោះឋានសួគ៌ក្រោមមេឃ” ដោយសារតែមានឆ្នេរខ្សាច់ពណ៌ស ទឹកសមុទ្រស្រស់ស្អាត និងអាកាសធាតុត្រូពិចដ៏សែនកក់ក្តៅ។ ឆ្នេរមានសម្រស់យ៉ាងល្អឥតខ្ចោះ សក្ដិសមសម្រាប់ពិធីជប់លៀង ដោយមានបារ ភោជនីយដ្ឋាន និងក្លឹបរាត្រី។ ទន្ទឹមនឹងនេះសម្រាប់អ្នកដែលចង់ធ្វើសមាធិ ឬលម្អែកាយ នៅទីនេះមានឆ្នេរខ្សាច់ដែលមិនសូវមានភាពអ៊ូអរ ផ្តល់នូវបរិយាកាសស្ងប់ស្ងាត់ និងទេសភាពដ៏ស្រស់ត្រកាល។  

១០. ទីនេះមិនមែនប៉ាតេណុង ប្រទេសក្រិច ទេ – នេះគឺជាភ្នំបូកគោ ខេត្តកំពត

សំណង់ប៉ាតេណុង នៅទីក្រុងអាតែន ប្រទេសក្រិច សំបូរទៅដោយរឿងគួរឲ្យចាប់អារម្មណ៍ ជាពិសេសដោយសារតែវាត្រូវបានឧទ្ទិសដល់ព្រះនាងអាថេណា ដែលប្រជាជននៅទីក្រុងអាថែននាពេលបច្ចុប្បន្ននេះចាត់ទុកថាជាអាទិទេពតំណាងឲ្យអំណាច និងទ្រព្យសម្បត្តិ។  

ភ្នំបូកគោ ខេត្តកំពត នៅប៉ែកខាងត្បូងនៃទីក្រុងភ្នំពេញក៏ធ្លាប់ជានិមិត្តរូបនៃភាពរុងរឿងផងដែរ។ ឡឺបូកគោផាឡេស ត្រូវបានសាងសង់ឡើងក្នុងឆ្នាំ ១៩២០ ជាកន្លែងសម្រាកលំហែកាយនៅរដូវក្តៅសម្រាប់ឥស្សរជនជាន់ខ្ពស់បារាំង ដែលចង់ចាកចេញពីបរិយាកាសអាប់អួរនៃទីក្រុងភ្នំពេញ ដោយសារវាស្ថិតនៅកម្ពស់ ៣.៤៣៨ ហ្វីត ដែលមានសីតុណ្ហភាពប្រហែល ១៥ ទៅ ២៥ អង្សាសេ។ សំណង់អគារមួយនៅលើភ្នំបូកគោនេះក៏មានសំណង់រាជដំណាក់របស់សម្ដេចព្រះបរមរតនកោដ្ឋផងដែរ រហូតដល់ដំណាក់កាលដែលត្រូវបានខ្មែរឡើងកាន់អំណាច និងកាន់កាប់កន្លែងនេះ។ 

ភាពល្បីល្បាញនៃខេត្តកំពត ក៏ដូចជាភ្នំបូកគោ ត្រូវបានងើបឡើងវិញក្រោយពីរបបខ្មែរក្រហមត្រូវបានដួលរលំ។ 

១១. ទីនេះមិនមែនស្វេដាហ្គន នៅមីយ៉ាន់ម៉ាទេ –  ទីនេះគឺព្រះបរមរាជវាំងនៅរាជធានីភ្នំពេញ

វត្ត Shwedagon ឬរាជវាំងមាសនៅក្នុងប្រទេសមីយ៉ាន់ម៉ាមានលក្ខណៈប្រហាក់ប្រហែលនឹងព្រះបរមរាជវាំងក្នុងទីក្រុងភ្នំពេញ។  
 
ដំណាក់ដែលតម្កល់រាជបល្ល័ង្គរចនាបថខ្មែរដែលត្រូវបានសាងសង់ក្នុងឆ្នាំ ១៨៦៦ ឥឡូវនេះប្រើប្រាស់ជាព្រះរាជដំណាក់របស់ព្រះមហាក្សត្រខ្មែរ និងរាជវង្សរបស់ទ្រង់។ ថ្វីត្បិតតែរាជវាំងត្រូវបានសាងសង់ឡើងសម្រាប់គ្រួសាររាជវង្សក៏ដោយ តែផ្នែកធំៗនៃទីធ្លាដ៏ធំទូលាយ និងសួនច្បារផ្លូវការត្រូវបានបើកជាសាធារណៈឲ្យមហាជនចូលទស្សនា។  

១២. ទីនេះមិនមែនជាប្រាសាទបូរ៉ូបួឌួ នៅប្រទេសឥណ្ឌូនេស៊ីទេ – នេះគឺប្រាសាទអង្គរវត្ត នៅខេត្តសៀមរាប

អ្នកនឹងទទួលបានអារម្មណ៍ដូចទៅទស្សនាប្រាសាទបូរ៉ូប៊ូឌូ (ព្រះវិហារព្រះពុទ្ធសាសនាធំជាងគេបំផុតរបស់ពិភពលោក) នៅពេលអ្នកទៅទស្សនាប្រាសាទអង្គរវត្តនៅខេត្តសៀមរាប ដែលជាបេតិកភណ្ឌ UNESCO និងវិមានសាសនាធំជាងគេបំផុតនៅលើពិភពលោក។ 

នៅទីនេះមានប្រាសាទជាងមួយពាន់ប្រាសាទ ដែលលោកអ្នកមិនអាចចំណាយពេលមួយថ្ងៃដើម្បីទៅទស្សនាឲ្យអស់បាននោះទេ។  

ទីក្រុងប្រាសាទដ៏គួរឱ្យភ្ញាក់ផ្អើលនេះ (បានមកពីពាក្យ “អង្គរ” មានន័យថា “រាជធានី” និង “វត្ត” មានន័យថា “ប្រាសាទ” ជាភាសាខ្មែរ) គ្របដណ្តប់លើផ្ទៃដីប្រមាណ ១៦០ ហិកតា ដោយមានប្រព័ន្ធផ្លូវទឹក ទំនប់ និងអាងស្តុកទឹកដែលជាប្រភពនៃគ្រប់ជីវិតទាំងអស់សម្រាប់អ្នកដែលរស់នៅតំបន់នេះ រហូតដល់គ្រោះទុរ្ភិក្សបានកើតឡើង។ លោកអ្នកនឹងបានស្ដាប់រឿងរ៉ាវគួរឱ្យចាប់អារម្មណ៍ជាច្រើនពីមគ្គុទ្ទេសក៍ទេសចរណ៍នៅទីនេះ! 
 

១៣. ទីនេះមិនមែនជាផ្សារបណ្ដែតទឹកនៅប្រទេសថៃទេ– ទីនេះជាភូមិបណ្ដែតទឹកនៅខេត្តសៀមរាប

តើអ្នកចង់ទិញទំនិញថ្មីៗពីផ្សារបណ្ដែតទឹកនៅបាងកកមែនឬទេ? អ៊ីចឹងលោកអ្នកនឹងអាចរីករាយក្នុងការទិញទំនិញបាននៅទីនេះ នៅពេលដែលលោកអ្នកទៅទស្សនាភូមិបណ្តែតទឹក ឬសហគមន៍ទូកនៅបឹងទន្លេសាបដែលមានទីតាំងស្ថិតនៅកំពង់ឃ្លាំង ខេត្តសៀមរាប។ 

នៅទីនេះអ្នកនឹងឃើញផ្ទះសហគមន៍ភ្ជាប់គ្នាដោយស្ពានថ្មើរជើង និងផ្ទះសសរខ្ពស់ៗដែលឈរនៅលើទឹក។ ទន្ទឹមនឹងនេះដែរ វាមានភាពប្រហាក់ប្រហែលគ្នាជាមួយផ្សារបណ្តែតទឹកនៅទីក្រុងបាងកកនោះ វាមើលទៅអាចមិនមែនជាកន្លែងទាក់ទាញភ្ញៀវទេសចរនោះទេ ដោយសារតែមានអ្នកស្រុករស់នៅប្រកបរបរចិញ្ចឹមជីវិតជាប្រចាំថ្ងៃរបស់ពួកគេនៅទីនេះ។  

ប៉ុន្តែដោយសារតែសហគមន៍មួយនេះស្ថិតនៅបឹងទន្លេសាបដែលជាបឹងទឹកសាបធំបំផុតរបស់អាស៊ីអាគ្នេយ៍ និងជាប្រភពទឹកតែមួយគត់ដែលអាចហូរបញ្រ្ចាស់គ្នាជារៀងរាល់ឆ្នាំ បូករួមជាមួយរបៀបរស់នៅពិសេសរបស់អ្នកស្រុកលើផ្ទៃទឹក បានធ្វើឲ្យភូមិនេះទទួលបានការចាប់អារម្មណ៍ពីទេសចរក្នុងស្រុក និងបានក្លាយជាគោលដៅទេសចរណ៍កំពូលមួយរបស់ខេត្តសៀមរាប។  

មិនដូចមានផ្សារច្រើនដូចនៅទីក្រុងបាងកកទេ គឺមានផ្សារអណ្តែតទឹកតិចតួចណាស់នៅទីនេះដែលបម្រើសេវាកម្មសម្រាប់ទាំងអ្នកស្រុក និងភ្ញៀវទេសចរ។ 

១៤. ទីនេះមិនមែនទឹកធ្លាក់កាវ៉ាសាន នៅហ្វីលីពីនទេ–  ទីនេះគឺទឹកធ្លាក់នៅភ្នំគូលែន

នៅពេលគិតដល់ទឹកជ្រោះគូលែននៅខេត្តសៀមរាប នឹងធ្វើឲ្យអ្នកនឹកដល់ ទឹកធ្លាក់កាវ៉ាសានដ៏ល្បីល្បាញនៅប្រទេសហ្វីលីពីន។  

ថ្វីត្បិតតែមិនមានទឹកខៀវស្រងាត់ និងខ្ពស់ដូចទឹកធ្លាក់កាវ៉ាសានក៏ពិតមែន ប៉ុន្តែទឹកជ្រោះគូលែនពិតជាមានទឹកធ្លាក់ដ៏ស្អាតប្លែក។ ក្រៅពីហែលទឹកកម្សាន្ត នៅមានសកម្មភាពជាច្រើនដែលត្រូវធ្វើនៅទីនេះ គឺការដើរលេងតាមព្រៃយ៉ាងក្រាស់ និងផ្លូវលំឡើងភ្នំ រហូតដល់កំពូលភ្នំគូលែន និងទស្សនារូបចម្លាក់ព្រះអង្គធំ (ព្រះពុទ្ធរូប) និងស្ទឹងលិង្គមួយពាន់។ ទីនេះជាកន្លែងដ៏ល្អឥតខ្ចោះសម្រាប់អ្នកចូលចិត្តរុករកដំណើរផ្សងព្រេង!

១៥. ទីនេះមិន Keukenhof ហូឡង់ទេ–  ទីនេះគឺសួនផ្កាអមលាំង

តើអ្នកធ្លាប់ស្រមៃថា ចង់ទៅថតរូបជាមួយទេសភាពខាងក្រោយសួន Keukenhof ប្រទេសហូឡង់ទេ? មែនហើយអ្នកអាចធ្វើឲ្យក្ដីស្រមៃរបស់លោកអ្នកក្លាយជាការពិតដោយទស្សនាសួនផ្កាអមលាំង នៅខេត្តកំពង់ស្ពឺ។ 

ដូច្នេះហើយ យើងមិនចាំបាច់ត្រូវមានវីសាអឺរ៉ុបដើម្បីទទួលបានទេសភាពស្រស់ស្អាត និងថតរូបនៃសួនផ្កាដ៏ស្រស់ស្អាតនោះទេ គឺគ្រាន់តែចំណាយត្រឹមតែ ២០០០ រៀលប៉ុណ្ណោះ។ កសិដ្ឋានផ្កាអមលាំងមានលក្ខណៈពិសេសដូចជាផ្កាពណ៌មាសដែលផ្តល់ឲ្យកន្លែងទាំងមូលនូវភាពស្រស់ស្អាតប្រហាក់ប្រហែលនឹងវាលផ្កានៅប្រទេសហូឡង់ដែរ។

ឥឡូវនេះលោកអ្នកមានបញ្ជីកន្លែងកម្សាន្តដែលត្រូវទៅហើយ គ្រាន់តែរៀបឥវ៉ាន់ ហើយធ្វើដំណើរទៅកន្លែងកម្សាន្តល្បីៗលំដាប់ពិភពលោក នៅក្នុងប្រទេសកម្ពុជា!