fbpx

គម្រោងផ្លូវ 38​ ខ្សែនឹងជួយលើកកម្ពស់សេដ្ឋកិច្ចខេត្តសៀមរាបក្រោយចប់វិបត្តិកូវីត

ចែករំលែកអត្ថបទនេះ  

គម្រោងផ្លូវ 38 ដើម្បីជំរុញការអភិវឌ្ឍន៍ខេត្តសៀមរាប

ជាមួយនឹងប្រវែងផ្លូវសរុប 108,74 គីឡូម៉ែត្រ ដែលកំពុងដំណើរការក្នុងការកសាងហេដ្ឋារចនាសម្ព័ន្ធដឹកជញ្ជូនក្នុងខេត្តសៀមរាបត្រូវបានគេរំពឹងថានឹងជំរុញកំណើនទាំងអចលនទ្រព្យបែបលំនៅឋាន និងអចលនទ្រព្យបែបពាណិជ្ជកម្មក៏ដូចជាលើកកម្ពស់លើវិស័យទេសចរណ៍បន្ទាប់ពីការរីករាលដាលនៃជំងឺកូវីតបានធូរស្បើយ។ 

នៅក្នុង គម្រោងសាងសង់ត្រូវបានដាក់ឱ្យដំណើរការជាផ្លូវការកាលពីថ្ងៃទី 30 ខែវិច្ឆិកា ឆ្នាំមុនដោយយោងទៅតាមសេចក្តីប្រកាសរបស់ លោកនាយករដ្ឋមន្រ្តីហ៊ុនសែន។ ការជួសជុលទ្រង់ទ្រាយធំបែបនេះនឹងធ្វើឱ្យមានការអភិវឌ្ឍសេដ្ឋកិច្ចជាតិដោយប្រែក្លាយខេត្តនេះទៅជាតំបន់សេដ្ឋកិច្ចចម្បង។ 

ផ្លូវនេះលាតសន្ធឹងលើសង្កាត់ទាំង 12 នៃក្រុងសៀមរាប​ និងផ្នែកសំខាន់ៗមួយចំនួននៃស្រុកប្រាសាទបាគង។ ក្រៅពីការកាត់បន្ថយការកកស្ទះចរាចរណ៍ និងកាត់បន្ថយហានិភ័យនៃគ្រោះថ្នាក់ចរាចរណ៍ ការជួសជុលផ្លូវរួមមានការកែលំអប្រព័ន្ធលូទឹកស្អុយក៏ដូចជាចិញ្ចើមថ្នល់តាមដងស្ទឹងសៀមរាប។ ការខូចខាតបង្កឡើងដោយទឹកភ្លៀងក៏កំពុងត្រូវបានដោះស្រាយផងដែរ។ 

បើតាមលោក សំ សុខនឿន ជាប្រធានសមាគមអចលនទ្រព្យពិភពលោក (Global Real Estate Association) បានលើកឡើងថា ការកែលម្អហេដ្ឋារចនាសម្ព័ន្ធនេះនឹងជួយជំរុញការវិនិយោគនៅក្នុងខេត្តសៀមរាប ជាពិសេសទាក់ទងនឹងវិស័យអចលនទ្រព្យ។  

ជាគោលដៅមួយដែលនៅតែមានជនបរទេសរស់នៅក្នុងអំឡុងពេលផ្ទុះវិបត្តិកូវីត ក៏ដូចជាតំបន់ដែលមានទេសភាពស្រស់បំព្រងបើប្រៀបធៀបទៅនឹងរាជធានីភ្នំពេញនោះ ខេត្តសៀមរាបបានកំពុងនិងបន្តទាក់ទាញវិនិយោគិនបរទេស អ្នកធ្វើការ ក្រុមគ្រួសារដែលបម្លាស់ទីពីតំបន់នានា ព្រមទាំងជនចូលនិវត្តន៍ថាជា គោលដៅនៃការរស់នៅដ៏ស្ងប់សុខបំផុតនៃប្រទេសកម្ពុជា។ 

ដោយសារគម្រោងផ្លូវ 38 ខ្សែ នឹងបង្កើតបណ្តាញតភ្ជាប់យ៉ាងរលូនពីក្រុងសៀមរាបទៅជាយតាមបណ្តាខេត្តនានា អ្នកនៅទីដាច់ស្រយាល ក៏អាចរំពឹងថានឹងទទួលបាននូវប្រសិទ្ធិភាពជាងមុនទៅកាន់តំបន់គោលដៅនានាក្នុងទីក្រុង។ 

លោកសុខ នឿន បានថ្លែងថា៖ " នៅទីណាដែលមានគម្រោងអភិវឌ្ឍផ្លូវថ្នល់ទៅដល់ ហាងឆេងអចលនទ្រព្យនៅទីនោះនឹងមានការកើនឡើង "។ លោកបានបន្ថែមថា " ការស្ថាបនាផ្លូវថ្នល់ទាំង 38 ខ្សែនេះមិនត្រឹមតែជួយទាក់ទាញភ្ញៀវទេសចរប៉ុណ្ណោះទេ វានឹងជួយទាក់ទាញអ្នកវិនិយោគធំៗឲ្យបោះទុនរកស៊ីនៅក្នុងខេត្តសៀមរាបកាន់តែច្រើនឡើងៗ " ។ 

លោកនាយករដ្ឋមន្រ្តីហ៊ុនសែនក៏បានចង្អុលបង្ហាញផងដែរថា ការការពារបរិស្ថានគឺត្រូវយកចិត្តទុកដាក់ ដើម្បីផ្ដល់ភាពងាយស្រួលដល់ប្រជាជន។ ការរឹតត្បិតការធ្វើដំណើរ និងការបិទខ្ទប់បណ្តោះអាសន្នដែលបណ្ដាលមកពីវិបត្តិ កូវីត-19 បានបង្កើតឱកាសនៃការធ្វើឱ្យប្រសើរឡើងនូវផ្លូវថ្នល់ ដោយកាត់បន្ថយការរំខានពីសកម្មភាពប្រចាំថ្ងៃ។ 

ជាទឹកដីនៃសម្បត្តិបេតិកភណ្ឌពិភពលោករបស់អង្គការយូណេស្កូ គឺរមណីយដ្ឋានអង្គរដ៏ល្បីល្បាញ ខេត្តសៀមរាបជាខេត្តដែលមានសក្ដានុពលធំជាងគេនៃប្រទេសកម្ពុជា។ ក្នុងខែ កក្កដា ឆ្នាំ 2020 មានគម្រោងធំៗចំនួន 20 ត្រូវបានស្នើចូលផែនការប្រចាំឆ្នាំ 2020-2035 នៃ ផែនការមេអភិវឌ្ឍន៍ទេសចរណ៍ខេត្តសៀមរាប។

ផែនការមេនេះត្រូវបានបង្កើតឡើងកាលពីដើមឆ្នាំមុនដើម្បីធានាថាព្រះរាជាណាចក្រកម្ពុជា នឹងអាចទទួលបាននូវការរីកចម្រើនឡើងវិញនៅក្នុងវិស័យទេសចរណ៍នៅពេលដែលស្ថានភាព កូវីត-19 ត្រូវមានបញ្ចប់ ។ 

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

kmKH