ផ្លូវល្បឿនលឿន ភ្នំពេញ-សៀមរាប កំពុងស្ថិតក្រោមដំណាក់កាលស្នើសុំធ្វើការសិក្សា

Share this Article  

នៅ​ថ្ងៃ​ទី​២៩ ខែវិច្ឆិកា ឆ្នាំ​២០២២ ឆ្លៀតឱកាស​ពិធីសម្ពោធដាក់ឱ្យប្រើប្រាស់ស្ថានីយបញ្ចូលថាមពលយានយន្តអគ្គិសនី និងពិធីប្រគល់-ទទួលយានយន្តអគ្គិសនី នៅ​ទីស្ដីការក្រសួង​សាធារណការ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថាមានក្រុមហ៊ុនឯកជនចំនួនបួនស្នើសុំសិទ្ធិសិក្សាលើគម្រោងការសាងសង់ ផ្លូវល្បឿនលឿន ពី រាជធានីភ្នំពេញ ទៅ ខេត្តសៀមរាប

លទ្ធផលនៃការសិក្សារបស់ក្រុមហ៊ុនទាំងនោះមិនទាន់ផ្ដល់ជូនមកកាន់ក្រសួងសាធារណការនៅឡើយទេ តែឯកឧត្តមរំពឹងយ៉ាងខ្ពស់ថា ថ្ងៃអនាគតកម្ពុជានឹងមានផ្លូវល្បឿនលឿនមួយខ្សែទៀតពីភ្នំពេញទៅសៀមរាប ដូច ភ្នំពេញទៅក្រុងព្រះសីហនុដែរ ដោយលោកមានប្រសាសន៍ថា៖ «ខ្ញុំជឿជាក់ថា ថ្ងៃមុខយើងនឹងមានផ្លូវល្បឿនលឿនភ្នំពេញទៅសៀមរាបផងដែរ»

Planned Phnom Penh-Siem Reap Highway

សូមបញ្ជាក់ថា ផ្លូវ​ល្បឿន​លឿនដំបូងគេបង្អស់នៅកម្ពុជាគឺពីភ្នំពេញទៅក្រុងព្រះសីហនុ ដែលមានប្រវែង ១៦៨គីឡូម៉ែត្រ ចំណាយថវិកាសាងសង់ប្រមាណ ២ពាន់លានដុល្លារ ត្រូវបានបើកដំណើរការឱ្យប្រើប្រាស់នៅថ្ងៃទី​ ០១ វិច្ឆិកា ឆ្នាំ២០២២ កន្លងមកនេះ។ លើសពីនេះ បច្ចុប្បន្នក្រសួងសាធារណការក៏កំពុងចរចាជាមួយក្រុមហ៊ុនសាជីវកម្មស្ពាន និងថ្នល់ (CRBC) របស់ចិន ក្នុងការសាងសង់ ផ្លូវល្បឿនលឿនពីភ្នំពេញទៅក្រុងបាវិត ខេត្តស្វាយរៀង ដែលគ្រោងសាងសង់នៅឆ្នាំ២០២៣ ក្រោមទុនវិនិយោគជាង ១៧០០លានដុល្លារផងដែរ។

តើលោកអ្នកគិតថាគម្រោងនេះនឹងអាចកើតឡើងដែរឬទេ?

You might like: Phnom Penh-Sihanoukville Expressway: Everything you need to know

IPS Cambodia Real Estate
Average rating:  
 0 reviews

Leave a Reply

Your email address will not be published. Required fields are marked *