fbpx

ការបិទខ្ទប់រយៈពេលពីរសប្តាហ៍នៅទីក្រុងភ្នំពេញ៖ តើអ្នកណាខ្លះអាចចាកចេញពីផ្ទះរបស់ពួកគេនៅកំឡុងពេលនេះ?

ចែករំលែកអត្ថបទនេះ  

រដ្ឋាភិបាលដាក់ការបិតខ្ទប់រយៈពេលពីរសប្តាហ៍នៅទីក្រុងភ្នំពេញ និងខេត្តកណ្តាលក្នុងក្រុងតាខ្មៅ

រដ្ឋាភិបាលបានដាក់ការបិទខ្ទប់នៅទីក្រុងភ្នំពេញចំនួនពីរសប្តាហ៍ដោយចាប់ផ្តើមពីថ្ងៃទី 14 ខែមេសាដល់ពាក់កណ្តាលថ្ងៃទី 28 ខែមេសា ដោយសារតែការរីករាលដាលគួរឱ្យបារម្ភនៃការឆ្លងជំងឺ Covid-19 ដែលបន្តកើនឡើង និងចាប់ផ្តើមគ្របដណ្ដប់លើមន្ទីរពេទ្យជាច្រើនក្នុងរាជធានីក៏ដូចជានៅតាមតំបន់ដាច់ស្រយាល។

ប្រជាជននៅទីក្រុងភ្នំពេញ - ទីក្រុងជាតិ និងក្នុងក្រុងតាខ្មៅនៃខេត្តកណ្តាល នឹងត្រូវតែ ស្នាក់នៅផ្ទះរយៈពេលពីរសប្តាហ៍លើកលែងតែពួកគេជាអ្នកធ្វើការ​ងារចាំបាច ឬមានគោលបំណងនៃការចាកចេញពីផ្ទះរបស់ពួកគេ គឺចាំបាច់បំផុតបើយោងតាមសេចក្តីណែនាំដែលចុះហត្ថលេខាដោយលោកនាយករដ្ឋមន្រ្តីហ៊ុនសែន។

តើអ្វីទៅជាហេតុផល/គោលបំណង ដែលមានសារៈសំខាន់បំផុតក្នុងការពិចារណា?

  • កម្មករនិយោជិកដែលធ្វើដំណើរទៅធ្វើការនៅក្នុងអាជីវកម្មសំខាន់ៗ ក្នុងលក្ខខណ្ឌដែលកម្មករនិយោជិកអាចបង្ហាញភស្តុតាងបញ្ជាក់នៃការងារដូចជា ប័ត្រការងារដែលចេញដោយក្រុមហ៊ុនរបស់ពួកគេ ឬអាជ្ញាធរមូលដ្ឋានដែលនៅជិតបំផុត។
  • ប្រជាពលរដ្ឋដែលចាកចេញពីផ្ទះរបស់ពួកគេដើម្បីទិញស្បៀងអាហារ និងរបស់ចាំបាច់ផ្សេងៗ ដែលបានសម្រេចដោយមានសមាជិកពីរនាក់នៃគ្រួសារមិនលើសពីបី (3) ដងក្នុងមួយសប្តាហ៍។
  • ប្រជាជនអាចចាកចេញពីផ្ទះដោយមានហេតុផលផ្នែកវេជ្ជសាស្រ្ត ឬករណីបន្ទាន់ផ្សេងទៀត ដែលមានមនុស្សមិនលើសពីបួន (4) នាក់ក្នុងករណីនីមួយៗ។
  • ប្រជាពលរដ្ឋចាកចេញពីផ្ទះរបស់ពួកគេសម្រាប់ការធ្វើតេស្ត ឬការចាក់វ៉ាក់សាំង Covid-19 ។
  • ប្រជាពរដ្ឋដែលចាកចេញពីផ្ទះរបស់ពួកគេសម្រាប់ការហាត់ប្រាណ ឬសកម្មភាពកីឡានៅខាងក្រៅក្នុងតំបន់លំនៅដ្ឋានរបស់ពួកគេ ដែលមានមនុស្សមិនលើសពី 2 នាក់ដែលទៅជាមួយគ្នា។

តើអ្នកណាត្រូវបានគេពិចារណាថាជាបុគ្គលិកសំខាន់?

និយោជិកដែលបម្រើផលប្រយោជន៍សាធារណៈ សេវាសាធារណៈ និងគោលបំណងចាំបាច់ផ្សេងទៀតជាពិសេសនោះគឺ៖

  • ទីភ្នាក់ងាររដ្ឋាភិបាល
  • បណ្តាញសារព័ត៌មាន ដូចជាអ្នកកាសែត និងអ្នកយកព័ត៌មាន
  • អ្នកការទូត បុគ្គលិកតំណាងឲ្យការទូតទេស និងបុគ្គលិករបស់អង្គការសហប្រជាជាតិ អង្គការហិរញ្ញវត្ថុអន្តរជាតិ អង្គការអន្តរជាតិ អង្គការអន្តរជាតិក្រៅរដ្ឋាភិបាល។
  • កម្លាំងប្រដាប់អាវុធរបស់ប្រទេសកម្ពុជា
  • និយោជិតដែលស្ថិតនៅក្រោមការផ្តល់សេវាកម្មចាំបាច់ដូចជា សេវាកម្មពន្លត់អគ្គីភ័យ អគ្គិសនី ផ្នែកផ្គត់ផ្គង់ទឹក និងភ្នាក់ងារប្រមូលសំរាម។
  • និយោជិតដែលស្ថិតនៅក្រោមការផ្តល់សេវាកម្មចាំបាច់រួមមាន រថយន្តសង្គ្រោះបន្ទាន់ សេវាសុខភាព និងវេជ្ជសាស្ត្រ សេវាទូរគមនាគមន៍ ធនាគារ និងហិរញ្ញវត្ថុ សេវាកម្មចាំបាច់ផ្សេងទៀតដែលមិនបានរៀបរាប់អស់ ដែលមានផ្តល់សេវាកម្មចាំបាច់។

និយោជិតដែលបម្រើការ ឬផ្គត់ផ្គង់នូវតម្រូវការចាំបាច់ប្រចាំថ្ងៃដូចជា៖

  • និយោកជិតដែលផលិត និងចែកចាយ រាល់តម្រូវការចាំបាច់នៅក្នុងរោងចក្រសហគ្រាស ឬផលិតកម្មអាហារ រួមទាំងកន្លែងសត្តឃាតដ្ឋាន។
  • និយោជិតដែលបម្រើសេវានូវតម្រូវការចាំបាច់ប្រចាំថ្ងៃ រួមមានហាងទំនិញតូចៗ ទីផ្សារលក់ដុំ ទីផ្សារចំណីអាហារ (ត្រូវបានរៀបចំឱ្យមានរបៀបរៀបរយ) ហាងអាហារភោជនីយដ្ឋាន (សម្រាប់ការវេចខ្ចប់ និងដឹកជញ្ជូន) មានតែស្ថានីយ៍ប្រេងឥន្ធនៈ និងអាជីវកម្មផ្សេងទៀត ដែលមិនបានលើកឡើងដែលផ្តល់នូវភាពចាំបាច់ប្រចាំថ្ងៃ និងត្រូវបានអនុញ្ញាតដោយអាជ្ញាធរ។
  • អ្នកដឹកជញ្ជូន ឬចេញក្នុងការបញ្ជាទិញចាំបាច់ដើម្បីបម្រើសេចក្តីត្រូវការរបស់ប្រជាជននៅក្នុងតំបន់បិទខ្ទប់ក៏ដូចជាដឹកជញ្ជូនទំនិញចូល និងចេញពីតំបន់បិទខ្ទប់ដើម្បីបម្រើដល់វិស័យសេដ្ឋកិច្ច និងសង្គមសេដ្ឋកិច្ចរបស់ប្រទេស។

ក្រោមការរឹតត្បិតការបិទខ្ទប់ ដែលប៉ះពាល់ដល់រាជធានីភ្នំពេញ និងបណ្តាខេត្តជិតខាងផ្សេងទៀត រាល់ការជួបជុំទាំងអស់ត្រូវបានហាមឃាត់លើកលែងតែ៖

  • ការប្រមូលផ្តុំសមាជិកគ្រួសារដែលរស់នៅក្នុងលំនៅដ្ឋានតែមួយ
  • រៀបចំពិធីបុណ្យសពតាមបទបញ្ជាដែលបានកំណត់ដោយអាជ្ញាធរ
  • ការប្រជុំរបស់បុគ្គលិកពេទ្យដើម្បីប្រមូលសំណាកសម្រាប់ការធ្វើតេស្តិ៍ កូវីដ- 19 ស្តីពីទំនាក់ទំនងដោយផ្ទាល់ និងប្រយោលរបស់អ្នកជំងឺ កូវីដ- 19 ឬដើម្បីប្រមូលអ្នកជំងឺ កូវីដ- 19 ឬដើម្បីធ្វើការសង្គ្រោះបន្ទាន់ផ្សេងទៀត។
  • ការប្រជុំរបស់អាជ្ញាធរដើម្បីរក្សាសន្តិសុខ និងសណ្តាប់ធ្នាប់សង្គម

ក្នុងអំឡុងពេលនៃការអនុវត្តវិធានការបិទខ្ទប់រាល់សកម្មភាព ឬសកម្មភាពដែលមិនចាំបាច់ត្រូវបានហាមឃាត់។

តើអ្វីខ្លះដែលត្រូវបានចាត់ទុកថាមិនចាំបាច់?

មិនចាំបាច់ មិនថានៅក្នុងអាជីវកម្ម ឬសកម្មភាពប្រចាំថ្ងៃទេ ជាទូទៅ គឺជាការកំសាន្តនៅក្នុងធម្មជាតិ។ ការអនុវត្តនេះចំពោះអាជីវកម្ម ឬសកម្មភាព ដែលមិនបម្រើសេចក្តីត្រូវការប្រចាំថ្ងៃរបស់យើងដូចជា ម្ហូបអាហារសុខភាព ឧបករណ៍ប្រើប្រាស់មូលដ្ឋាន ឬជំនួយហិរញ្ញវត្ថុ។ក្នុងនោះមានដូចជា រោងកុន ក្លឹបហាត់ប្រាណ និងមជ្ឈមណ្ឌលកំសាន្ត សាឡន ស្ប៉ា សារមន្ទីរ និងផ្សារទំនើបជាដើម។ ល។

សម្គាល់៖ សម្រាប់ការលើកលែងទាំងអស់ ដែលបានរៀបរាប់ខាងលើសម្រាប់អាជីវកម្ម និងបុគ្គលដែលត្រូវបានអនុញ្ញាតឱ្យចាកចេញពីផ្ទះត្រូវតែអនុវត្តតាមបម្រាមគោចរ (ចាប់ពីម៉ោង 8 យប់ដល់ 5 ព្រឹក) និងវិធានការសុខភាពរួមមាន ការពាក់របាំងមុខ រក្សាចម្ងាយសង្គម ថែរក្សាអនាម័យផ្ទាល់ខ្លួន និងត្រួតពិនិត្យសីតុណ្ហភាពដើម្បីប្រឆាំងនឹងការរីករាលដាលនៃ COVID-19 ។

ចុចត្រង់នេះដើម្បីទស្សនា៖ English Translation of the lockdown implementation in Phnom Penh

ប្រភព៖

Khmer Times

The Phnom Penh Post

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

kmKH