វីឡា ៤ បន្ទប់គេង សម្រាប់លក់ - សង្កាត់សាលាកំរើក, ក្រុងសៀមរាប

$ 390,000

ការពិពណ៌នាអំពីអចលនទ្រព្យ

វីឡា 4 បន្ទប់គេងដ៏ស្រស់ស្អាតនេះ ផ្តល់ជូននូវទីតាំងដ៏ពេញនិយមបំផុតមួយនៃខេត្តសៀមរាបគឺសង្កាត់សាលាកំរើក។ ទំហំ 907 ម៉ែត្រការ៉េផ្តល់នូវទីធ្លាធំទូលាយស្រស់ស្អាត មានចំណតយានយន្ត និងអាងហែលទឹកផងដែរ។ វីឡានេះដាក់លក់ដោយមិនរួមបញ្ចូលគ្រឿងសង្ហារិម ដែលផ្តល់ឱកាសដល់អ្នកទិញក្នុងការជ្រើសរើស និងរៀបចំទៅតាមតម្រូវការ និងចំណង់ចំណូលចិត្ត។ 

ព័ត៌មានសង្ខេប 

• មិនមានគ្រឿងសង្ហារិម 
• បែរមុខទៅទិសខាងត្បូង 
• អាងហែលទឹក 
• ទំហំវីឡា៖ 108 m² (9m x 12m) 
• ដីសរុប៖ 907 m² (30m x 30m) 
• កម្ពស់ 2 ជាន់ 
• មានរបង ចំណតយានយន្ត សួនច្បារ 

ចូលទៅខាងក្នុងវីឡានៅជាន់ផ្ទាល់ដីលោកអ្នកនឹងឃើញមានកន្លែងទទួលភ្ញៀវដែលមានការរចនាដោយប្រើប្រាស់ឥដ្ឋតម្រៀបនៅជញ្ជាំងម្ខាងដែលមើលទៅមានលក្ខណសាមញ្ញតែប្លែកស្អាត។ ចំណែកផ្ទះបាយមានបំពាក់នូវចង្រ្កាន ម៉ាស៊ីនស្រូបផ្សែង ព្រមទាំងកន្លែងដាក់សម្ភារជាច្រើន។ នៅជិតនឹងផ្ទះបាយផងដែរ លោកអ្នកនឹងឃើញកន្លែងទទួលទានអាហារដែលស្ថិតនៅជិតច្រកចេញទៅអាងហែលទឹកខាងក្រៅ ហើយក៏មានបន្ទប់ទឹកមួយសម្រាប់ប្រើប្រាស់រួមទៀតផង។ 

បើនិយាយពីបន្ទប់គេងវិញ នៅជាន់ផ្ទាល់ដីមានបន្ទប់គេងមួយ ហើយបន្ទប់បីឯទៀតស្ថិតនៅជាន់ខាងលើ។ វីឡានេះមានពិដានខ្ពស់ដែលអាចជួយកាត់បន្ថយកម្តៅបាន ហើយគ្រប់បន្ទប់គេងទាំងអស់ក៏សុទ្ធតែមានបន្ទប់ទឹកឯកជនផងដែរ។ 

ទីតាំងមានចម្ងាយត្រឹមតែ 2 នាទីពីផាប់ស្ទ្រីត - មន្ទីរពេទ្យបង្អែកខេត្តសៀមរាប និងសាកលវិទ្យាល័យបៀលប្រាយ - 5 នាទីពីផ្សារជ្រាវ ក៏ដូចជាផ្សារទំនើបហេរីថេកវ៉ក - 10 នាទីពីអាប៉ូឡូប្លាហ្សា និងទីលានវាយកូនហ្គោលអង្គរហ្គហ្វរីសត។