ផ្ទះ ២ បន្ទប់គេង សម្រាប់លក់ - ឃុំកណ្តែក, ស្រុកប្រាសាទបាគង, ខេត្តសៀមរាប

$ 145,000

ការពិពណ៌នាអំពីអចលនទ្រព្យ

ផ្ទះនេះមាន​បន្ទប់គេងចំនួន ​2 និង​បន្ទប់ទឹក ​2 ដែល​សាងសង់​លើ​ផ្ទៃដី​សរុប ​415 ​ម៉ែត្រការ៉េ​ (វិមាត្រ 13 x 36 ម៉ែត្រ)។ បរិវេណលំនៅឋានត្រូវបានចាក់សាប ទីធ្លាមានរុក្ខជាតិបៃតង មានខ្ទមអង្គុយលេង និងមានចំណតយានយន្តទៀតផង។ ផ្ទះនេះសមល្មមសម្រាប់គ្រួសារតូច ឬមធ្យម ធ្វើការតាំងទីលំនៅនៅក្នុងខេត្តសៀមរាប។ ឥឡូវនេះកំពុងដាក់លក់ដោយមានប្លង់រឹង ដែលជាប្លង់កម្មសិទ្ធិប្រកបដោយសុវត្ថិភាព។ 

ផ្ទះនេះមានទំហំ 99 ម៉ែត្រការ៉េ ​មានកន្លែង​ទទួល​ភ្ញៀវ ផ្ទះបាយធំទូលាយ កន្លែងទទួលទានអាហារ ក៏ដូចជាបន្ទប់គេងពីរដែលមួយបន្ទប់មានបន្ទប់ទឹកឯកជននៅខាងក្នុង ចំណែកបន្ទប់មួយទៀតប្រើប្រាស់បន្ទប់ទឹករួមនៅខាងក្រៅ។ លើសពីនេះ នៅជិតផ្ទះបាយក៏មានកន្លែងមួយដែលអាចប្រើប្រាស់ជាកន្លែងបោកសម្លៀកបំពាក់ ឬសកម្មភាពផ្សេងទៀតទៅតាមតម្រូវការ។ 

ក្រៅពីអាចប្រើប្រាស់ធ្វើជាលំនៅឋានសម្រាប់រស់នៅជាលក្ខណៈគ្រួសារប្រកបដោយផាសុកភាព ផ្ទះនេះក៏មានសក្តានុពលសម្រាប់ការជួសជុលកែលម្អទៅជាផ្ទះសម្រាប់ជួលសម្រាប់រកចំណូលប្រចាំខែក៏បានផងដែរ។

អាចធ្វើដំណើរចេញចូលបានយ៉ាងងាយស្រួលពីផ្លូវទំហំ 15 ម៉ែត្រ ក្នុងឃុំកណ្តែក ស្រុកប្រាសាទបាគង ចម្ងាយ 3 នាទីពីផ្សារទំនើបម៉ាក្រូ និងសាកលវិទ្យាល័យអង្គរ - 5 នាទីពីមន្ទីរពេទ្យនាគទេព និងវិទ្យាល័យអង្គរ - 10 នាទីពីផាប់ស្ទ្រីត។