វីឡាបារាំង ៩ បន្ទប់ សម្រាប់លក់ - សង្កាត់ស្រង៉ែ - ខេត្តសៀមរាប

$ 1,600,000

ការពិពណ៌នាអំពីអចលនទ្រព្យ

វីឡាដែលមានរចនាប័ទ្មបែបបារាំងនេះជាគំរូនៃការរស់នៅដ៏ប្រណីត ដែលមានបន្ទប់គេងធំទូលាយចំនួន 9 និងបន្ទប់ទឹក 12។ វីឡានេះមានផ្ទៃជាន់ទំហំ 700 ម៉ែត្រការ៉េ (មិនរាប់បញ្ចូលចំណតយានយន្ត និងបន្ទប់នៅខាងក្រោយ)។ ​ជម្រើស​ដ៏​ល្អ​សម្រាប់​គ្រួសារ​ធំ​ដែល​ស្វែង​រក​លំនៅឋាន​ដ៏​ប្រណីតជាមួយស្ថាបត្យកម្ម​​ទាក់ទាញ​។ 

បន្ទប់គេងទាំង 9 បំពាក់ដោយម៉ាស៊ីនត្រជាក់ និងកង្ហារនៅលើពិដាន។ បើនិយាយពីជញ្ជាំងវិញ មានកម្រាស់ដល់ទៅប្រាំពីរអ៊ីញ ធានានូវគុណភាពសំណង់។ វីឡានេះមានផ្ទះបាយចំនួន 2 (នៅក្នុងផ្ទះមួយ និងនៅខាងក្រៅផ្ទះមួយ)។ ផ្ទះបាយនៅខាងក្នុងបំពាក់ដោយបង្អួចធំៗដើម្បីធានាបាននូវខ្យល់ចេញចូលគ្រប់គ្រាន់ និងថែមទាំងមានម៉ាស៊ីនស្រូបផ្សែងដ៏ធំមួយទៀតផង។ កាន់តែពិសេសជាងនេះ វីឡានេះក៏មានយានដ្ឋានសម្រាប់ចតយានយន្តចំនួនពីរ និងមានទីធ្លាដ៏ធំទូលាយថែមទៀត។ 

ទីធ្លាខាងក្រៅក៏មានអាងទឹកដែលល្អឥតខ្ចោះសម្រាប់ការសម្រាកលម្ហែនៅផ្ទះ។ ចំណែកក្បែរនោះ អ្នកនឹងឃើញផ្ទះបាយខាងក្រៅផងដែរ និយាយរួមទៅទីធ្លាខាងក្រៅនៃវីឡាផ្តល់នូវកន្លែងដ៏ល្អសម្រាប់ការជួបជុំញាតិមិត្ត ជប់លៀង អាំងសាច់ ឬកម្មវិធីផ្សេងៗទៅតាមតម្រូវការ។ 

មិន​ត្រឹម​តែ​ល្អ​សម្រាប់រស់នៅជាមួយ​គ្រួសារ​ប៉ុណ្ណោះ​ទេ វីឡា​​នេះ​ក៏​បង្ហាញ​នូវ​ឱកាស​ដ៏ល្អ​សម្រាប់​​ប្រើប្រាស់ក្នុងគោលបំណងពាណិជ្ជកម្មបានផងដែរ។ ទីតាំងស្ថិតនៅសង្កាត់ស្រង៉ែ ចម្ងាយត្រឹមតែ 5)នាទីពីមន្ទីរពេទ្យមិត្តភាពអន្តរជាតិអង្គរជប៉ុន និងអង្គរហ្គហ្វរីសត - 10 នាទីពីផាប់ស្ទ្រីត សាកលវិទ្យាល័យបៀលប្រាយ ផ្សារទំនើបហេរីថេកវ៉ក និង 15 នាទីពីសារមន្ទីរជាតិអង្គរ។