វីឡាប្រណីត ៩​ បន្ទប់គេង សម្រាប់លក់ - មាត់ទន្លេមេគង្គ, ខណ្ឌជ្រោយចង្វារ, រាជធានីភ្នំពេញ

$ 5,500,000

ការពិពណ៌នាអំពីអចលនទ្រព្យ

វីឡាទំនើបនេះជាលំនៅឋានដ៏អស្ចារ្យ និងកម្រមាននៅក្នុងប្រទេសកម្ពុជា! ជាមួយទីធ្លាខាងក្រៅស្រស់ស្អាតពោរពេញដោយរុក្ខជាតិបៃតងត្រជាក់ភ្នែក បូករួមនឹង ទេសភាពទន្លេមេគង្គដ៏ស្រស់ស្រាយ ផងនោះ ធ្វើឱ្យការរស់នៅរបស់លោកអ្នកប្រៀបបានដូចជាលម្ហែកម្សាន្តវិស្សមកាលជារៀងរាល់ថ្ងៃ! វីឡានេះមាន បន្ទប់គេងសរុបចំនួន 9រួមមានបន្ទប់ធំ (ម៉ាស្ទើ) ចំនួន 2 -​​ បន្ទប់បឋមចំនួន 3 - បន្ទប់សម្រាប់ភ្ញៀវស្នាក់អាស្រ័យចំនួន 2 និងបន្ទប់បុគ្គលិក 2 ទៀតផងដែរ។ 

ព័ត៌មានសង្ខេប 

• គ្រឿងសង្ហារិមពេញលេញ 
• ថ្មីសន្លាង
• សាងសង់នៅក្នុងខែកញ្ញា ឆ្នាំ 2022
• ស្ថាបត្យកម្មទំនើបដែលភ្ជាប់លោកអ្នកជាមួយធម្មជាតិ (ដោយBloom Architecture និង Kaunkat Studio) 
• រចនាសួនច្បារដោយក្រុមហ៊ុនបារាំង Tropigreen 
• ទេសភាពទន្លេមេគង្គដ៏ស្រស់ស្រាយ
• ទំហំវីឡា៖ 1,520.5m²
• ដីសរុប៖ 2,051m² (ប្លង់រឹង)
• លក្ខណៈពិសេស៖ អាងហែលទឹកទំហំ 15m, ទីលានបោះប៊ូល, កន្លែងមើលកុននៅផ្ទះ 

បន្ទប់គេងធំទាំងពីរមានប្លង់ដូចគ្នាដោយភ្ជាប់ទៅនឹងទៅយ៉ឯកជនសម្រាប់គយគន់ទេសភាពខាងក្រៅ - មានគ្រែធំមួយនៅចំកណ្តាល ជាមួយបន្ទប់សម្លៀកបំពាក់ ក៏ដូចជាបន្ទប់ទឹកប្រណីតបំពាក់ដោយបរិក្ឋារទំនើបៗទៀតផង។ ចំណែកបន្ទប់ផ្សេងទៀតក៏ផ្តល់នូវអារម្មណ៍សម្រាកលម្ហែ និងបរិយាកាសស្ងប់ស្ងាត់ផងដែរ។ ហើយសូម្បីតែបន្ទប់សម្រាប់បុគ្គលិកក៏មានកន្លែងឯកជនផ្ទាល់ខ្លួនដូចជា កន្លែងអង្គុយលេង ផ្ទះបាយ បន្ទប់បោកសម្លៀកបំពាក់ និងសួនច្បារតូចមួយផងដែរ។ 

លើសពីនេះ វីឡាមួយនេះមិនត្រឹមតែផ្តល់ជូនលោកអ្នកនូវការរស់នៅប្រកបដោយប្រណីតភាព និងផាសុកភាពជាមួយបរិក្ខារទំនើបៗប៉ុណ្ណោះទេ លោកអ្នកនឹងទទួលបាននូវសុខមាលភាពជាមួយលំហូរខ្យល់ជាច្រើនពីប្លង់បើកចំហ និងពន្លឺធម្មជាតិគ្រប់គ្រាន់ដែលមិនប៉ះពាល់ដល់សុខភាពដោយការជ្រើសរើសឈើគគីរមកប្រើប្រាស់ដើម្បីជួយកាត់បន្ថយកំដៅផងដែរ។ 

ចំណែកឯតំបន់បន្ទប់ទទួលភ្ញៀវនៃវីឡានេះវិញក៏កាន់តែពិសេសជាមួយទំហំសរុប 300 ម៉ែត្រការ៉េ ដែលមានបំពេញដោយឈុតសាឡុងដ៏ប្រណីត ឈុតតុបរិភោគអាហារ 12 កៅអី និងខោនធឺបារផងដែរ។ ល្អឥតខ្ចោះសម្រាប់ការជួបជុំនានាជាមួយក្រុមគ្រួសារសាច់ញាតិ ឬការជួបជុំមិត្តភក្តិ ឬកម្មវិធីជប់លៀងផ្សេងៗជាដើម។ កាន់តែពិសេសជាងនេះទៅទៀតនោះគឺវីឡានេះមាន​បន្ទប់ដែលមាន​ប្រព័ន្ធបច្ចេកវិទ្យាដែលអាចមើលកុនបាននៅផ្ទះថែមទៀតផង។ 

លើសពីលំនៅឋានទូទៅ​ វីឡានេះសាងសង់ឡើងដោយប្រើប្រាស់ស្ថាបត្យកម្មទំនើបដែលផ្តោតទៅលើការភ្ជាប់ជីវិតរស់នៅប្រចាំថ្ងៃជាមួយធម្មជាតិ។ ទីតាំងស្ថិតនៅក្នុងខណ្ឌជ្រោយចង្វារ រាជធានីភ្នំពេញ ចម្ងាយ 2 នាទីពីព្រំប្រទល់ខេត្តកណ្តាល - 5 នាទីពីផ្សារទំនើបអាល់ម៉ុន និង ផ្លរ៉ាផ្លាហ្សា - 10 នាទីពី 7-Eleven វិទ្យាស្ថានបច្ចេកវិទ្យាឌីជីថលកម្ពុជា និងស្ពានព្រែកព្នៅ។