វីឡាប្រណីត 4 បន្ទប់គេង ទើបតែសាងសង់ សម្រាប់លក់ - ជ្រាវ, សៀមរាប

$ 495,000

ការពិពណ៌នាអំពីអចលនទ្រព្យ

ចង់មានវីឡាប្រណីតនៅសៀមរាបមែនទេ? លំនៅឋានដែលទើបតែសាងសង់ដ៏ថ្មីសន្លាងនេះជាជម្រើសដ៏ល្អបំផុត! វីឡា 4 បន្ទប់គេងដ៏ស្រស់ស្អាត និងមានគ្រឿងសង្ហារិមយ៉ាងពេញលេញ កំពុងដាក់លក់ដោយមានប្លង់រឹង។ សំណង់រឹងមាំមានគុណភាព​ ប្រកបដោយផាសុកភាព និងសោភ័ណភាព ធានានូវមុខងារដ៏អស្ចារ្យជាមួយនឹងបរិក្ខារប្រណីតដូចជា អាងហែលទឹកប្រៃនៅខាងក្រៅ ប្រព័ន្ធចម្រោះទឹក និងប្រព័ន្ធទឹកក្តៅ/ត្រជាក់ដែលមានទាំងផ្ទះបាយ និងបន្ទប់ទឹកផងដែរ។ ជាលំនៅឋានដ៏ល្អឥតខ្ចោះ មិនថាសម្រាប់រស់នៅជាមួយគ្រួសារជាទីស្រឡាញ់ ឬ​​​ ប្រើប្រាស់ជាផ្ទះវិស្សមកាល ឬ ជាអចលនទ្រព្យសម្រាប់ជួលនោះទេ។ 

អចលនទ្រព្យទាំងមូលមានទំហំ 605 ម៉ែត្រការ៉េ ចំណែកវីឡានេះមានទំហំ 314 ម៉ែត្រការ៉េ ដោយបន្សល់ទុកទីធ្លាទំនេរជាច្រើនសម្រាប់ចតយានយន្ត អាងហែលទឹក សួនច្បារធំមួយ បន្ទប់ទឹកប្រើប្រាស់នៅខាងក្រៅ​ និងកន្លែងសម្រាប់បោកគក់/ហាលសម្លៀកបំពាក់ទៀតផង។ លើសពីនេះ របងឥដ្ឋខ្ពស់ក៏ធានាសុវត្ថិភាព និងឯកជនភាពផងដែរ។ 

បើនិយាយពីការរៀបចំវិញ ជាន់ផ្ទាល់ដីមានកន្លែងទទួលភ្ញៀវធំទូលាយ អមដោយផ្ទះបាយរាងអក្សរ U និងកន្លែងទទួលទានអាហារ 6 កៅអី និងមានដាំរុក្ខជាតិបៃតងលម្អប្រកបដោយថាមពល។ កន្លែងទទួលភ្ញៀវមានឈុតសាឡុងយ៉ាងពេញលេញ និងទូរទស្សន៍ ចំណែកផ្ទះបាយមានបំពាក់ដោយ ចង្ក្រាន ម៉ាស៊ីនស្រូបផ្សែង ឡាបូលាងចាន និងកន្លែងដាក់សម្ភារជាច្រើន ព្រមទាំងទូទឹកកកទ្វារពីរទៀតផង។ បន្ទប់គេងមួយមានទីតាំងនៅជាន់ផ្ទាល់ដី ដែលមានបន្ទប់ទឹកឯកជននៅខាងក្នុង និងទូដាក់សម្ភារផងដែរ។ រីឯបន្ទប់គេងបីទៀតស្ថិតនៅជាន់ខាងលើ។ បន្ទប់គេងទាំងអស់សុទ្ធតែបំពាក់ដោយម៉ាស៊ីនត្រជាក់ និងបង្អួចធំៗ ដែលធានាបាននូវពន្លឺធម្មជាតិ និងលំហូរខ្យល់បានល្អ។ 

វីឡានេះក៏មានកន្លែងទំនេរនៅជាន់ដំបូលដ៏ធំមួយដែលផ្តល់កន្លែងដ៏ងាយស្រួលសម្រាប់ការហាលសម្លៀកបំពាក់ ឬរៀបចំជាកន្លែងអង្គុយសម្រាកលម្ហែស្រូបយកខ្យល់អាកាស ឬកន្លែងហាត់ប្រាណ ឬយូហ្គា ឬរៀបចំជាសួននៅលើដំបូលក៏បាន។ 

ទីតាំងនៅក្នុងសង្កាត់ជ្រាវ អាចធ្វើដំណើរចេញចូលបានពីផ្លូវទំហំ 15 ម៉ែត្រ ចម្ងាយ 3 នាទីពីសាលាបឋមសិក្សា និងវិទ្យាល័យ ISSR - 7 នាទីពីសាកលវិទ្យាល័យបញ្ញាសាស្ត្រ មន្ទីរពេទ្យនាគទេព និងឱសថស្ថាន​ "អង្គរទិព្វ II និង 12 នាទីពីផ្សារទំនើបម៉ាក្រូ និង ហេរីថេកវ៉ក។