វីឡា 3 បន្ទប់គេង សម្រាប់លក់ - សាលាកំរើក, សៀមរាប

$ 370,000

ការពិពណ៌នាអំពីអចលនទ្រព្យ

វីឡាថ្មីសន្លាងបំពាក់ដោយគ្រឿងសង្ហារិមយ៉ាងពេញលេញដែលរចនាដោយស្ថាបត្យករជនជាតិអង់គ្លេស Stuart Cochlin ដែលមានមូលដ្ឋាននៅខេត្តសៀមរាបតាំងពីឆ្នាំ 2007 ។ ស្ថិតនៅលើផ្ទៃដីទំហំ 867 ម៉ែត្រការ៉េ និងមានទីតាំងនៅសង្កាត់សាលាកំរើក។ លាយបញ្ចូលគ្នារវាងការរចនាបែបទំនើប និងបរិយាកាសធម្មជាតិជាមួយុក្ខជាតិបៃតងដ៏ត្រជាក់ភ្នែក។ 

នៅខាងមុខផ្ទះមានការរចនាបែបរានហាលដែលបានរៀបចំជាមួយតុកៅអីអង្គុយលេងសម្រាកលម្ហែ រីករាយជាមួយទេសភាពបៃតងនៃលំនៅឋាន។ ចំណែកនៅខាងក្នុងមានកន្លែងទទួលភ្ញៀវដែលមានពន្លឺធម្មជាតិដ៏ល្អពីទ្វារកញ្ចក់ជាច្រើន។ ផ្ទះបាយត្រូវបានបំពាក់ដោយបរិក្ខារយ៉ាងពេញលេញជាមួយតុចម្អិនអាហារដែលមានចង្រ្កាន 3 ម៉ាស៊ីនស្រូបផ្សែង ឡអូវេន ឡាបូលាងសម្ភារផ្ទះបាយ និងថតទូដាក់សម្ភារជាច្រើន។ បន្ទប់គេងទាំង 3 មានលក្ខណៈទូលាយ ហើយបន្ទប់មួយក្នុងចំណោមនោះមានគ្រែខ្ពស់មួយ និងមួយទៀតមានយ៉ឯកជនផងដែរ។ លើសពីនេះបន្ទប់ទាំងអស់ក៏មានបន្ទប់ទឹកឯកជននៅខាងក្នុងដែលសុទ្ធតែបំពាក់ដោយប្រព័ន្ធទឹកផ្កាឈូកក្តៅ/ត្រជាក់ទៀតផង។  

ត្រូវបានដាក់លក់ដោយមានប្លង់រឹង ទីតាំងស្ថិតនៅចម្ងាយត្រឹមតែ 2 នាទីពីមន្ទីរពេទ្យនាគទេព វិទ្យាល័យ ISSR និង ណាវូទូឌ្រីមរីសត 7 នាទីពីសាលាបឋមសិក្សា ISSR និងសាកលវិទ្យាល័យបញ្ញាសាស្ត្រកម្ពុជា 10 នាទីពីផ្សារទំនើបហេរីថេកវ៉ក ផាប់ស្ទ្រីត និងផ្សារទំនើបម៉ាក្រូ។