វីឡា​ ៣​ បន្ទប់គេង សម្រាប់លក់ - សង្កាត់សៀមរាប, ក្រុងសៀមរាប

$ 170,000

ការពិពណ៌នាអំពីអចលនទ្រព្យ

រីករាយជាមួយជីវិតគ្រួសារដ៏ស្រស់បំព្រងនៅក្នុងតំបន់ប្រកបដោយបរិយាកាសរស់នៅស្ងប់ស្ងាត់របស់សង្កាត់សៀមរាប! វីឡា 3 បន្ទប់គេងកំពុងដាក់លក់ដោយមានប្លង់រឹង! ជាមួយទំហំដី 566 ម៉ែត្រការ៉េដែលមានទីធ្លាទូលាយក្រាលដោយការ៉ូឡា និងមានចំណតយានយន្ត វីឡាមួយនេះនឹងក្លាយជាលំនៅឋានប្រកបដោយភាពងាយស្រួល! 

មានបន្ទប់គេងចំនួន 3 ដែលក្នុងបន្ទប់នីមួយៗសុទ្ធតែមានបន្ទប់ទឹកឯកជន និងមានបន្ទប់ទឹកបន្ថែមមួយទៀតសម្រាប់ការប្រើប្រាស់រួមផងដែរ។ ទីធ្លាខាងក្រៅមានលក្ខណៈធំទូលាយដែលលោកអ្នកអាចសាងសង់ជាកន្លែងអង្គុយលេងខាងក្រៅ អាងហែលទឹក ឬអ្វីផ្សេងៗទៅតាមតម្រូវការ។  

ខាងក្នុងវីឡាត្រូវបានក្រាលដោយកម្រាលឈើដែលមានគុណភាព។ បន្ទប់ទទួលភ្ញៀវមានឈុតសាឡុង និងបំពាក់ដោយទូរទស្សន៍ ហើយផ្ទះបាយស្ថិតនៅម្ខាងទៀតបំពាក់ដោយបរិក្ខារពេញលេញជាមួយចង្រ្កាន ម៉ាស៊ីនស្រូបផ្សែង ឡអូវេន ម៉ៃក្រូវ៉េវ ឡាបូលាងចាន ថតដាក់សម្ភារជាច្រើន និងមានទូរទឹកកកដ៏ធំផងដែរ។ នៅក្បែរផ្ទះបាយជាកន្លែងទទួលទានអាហារដែលមានឈុតតុប្រាំមួយកៅអីទៀតផង។ 

បន្ទប់គេងទាំងអស់មានបង្អួចជាច្រើនដែលធានាបាននូវខ្យល់ និងពន្លឺធម្មជាតិចូលគ្រប់គ្រាន់ ហើយក៏បានបំពាក់ដោយម៉ាស៊ីនត្រជាក់ផងដែរ។ លើសពីនេះ ជាន់ខាងលើថែមទាំងមានយ៉ខាងមុខដែលល្អឥតខ្ចោះសម្រាប់សម្រាកលម្ហែ គយគន់ទេសភាពជនបទដ៏ខៀវស្រងាត់ជុំវិញទៀតផង។ 

ទីតាំងនៅក្នុងសង្កាត់សៀមរាប ចម្ងាយ 7 នាទីពីសាលាបឋមសិក្សា ISSR និងឱសថស្ថានឯករាជ្យ - 10 នាទីពីសាកលវិទ្យាល័យបៀលប្រាយ និងវិទ្យាល័យ ISSR - 13 នាទីពីផាប់ស្ទ្រីត និងមន្ទីរពេទ្យបង្អែកខេត្តសៀមរាប។