ផ្ទះ 2 បន្ទប់គេង សម្រាប់លក់ - សង្កាត់ក្របីរៀល, ខេត្តសៀមរាប

$ 57,000

ការពិពណ៌នាអំពីអចលនទ្រព្យ

ផ្ទះមានបន្ទប់គេងពីរនេះ គឺជាផ្ទះបែបវីឡាភ្លោះ ដែលមានកន្លែងចតយានយន្ត មានក្រាលឥដ្ឋការ៉ូ និងមានទីធ្លាស្មៅនៅសងខាង។ ឥឡូវនេះត្រូវបានដាក់លក់ហើយ ដែលមិនត្រឹមតែផ្តល់នូវលំនៅឋានប្រកបដោយផាសុកភាពប៉ុណ្ណោះទេ ថែមទាំងជាឱកាសនៃការវិនិយោគដោយការអភិវឌ្ឍន៍ខេត្តសៀមរាបឆ្ពោះទៅទិសខាងលិចក្នុងទិសដៅអង្គរហ្គោលរីសតផងដែរ។ ដីមានទំហំសរុប 130 ម៉ែត្រការ៉េ ចំណែកផ្ទះមានទំហំ 76 ម៉ែត្រការ៉េ។ 

នៅជាន់ផ្ទាល់ដីនៃផ្ទះមានបន្ទប់ទទួលភ្ញៀវ ចំណែកផ្ទះបាយ និងកន្លែងទទួលទានអាហារ ព្រមទាំងបន្ទប់ទឹកមានទីតាំងនៅចុងខាងក្រោយ។ ផ្ទះបាយមានឧបករណ៍ប្រើប្រាស់ មានតុចម្អិនអាហារ ដែលមានកន្លែងលាងសម្ភារៈផ្ទះបាយចំនួនពីរ និងមានកន្លែងដាក់ឥវ៉ាន់នៅខាងក្រោម ហើយមានបន្សល់ទុកចន្លោះធំទូលាយសម្រាប់បន្ថែមទូដាក់ឥវ៉ាន់ និងឧបករណ៍ផ្សេងៗទៀត។ វាក៏មានទ្វារចូលទៅកន្លែងហាលសម្លៀកបំពាក់នៅខាងក្រោយ មានជណ្តើររាងអក្សរ L ទៅកាន់ជាន់ខាងលើដែលមានបន្ទប់គេងទាំងពីរ។ បន្ទប់នីមួយៗមានបន្ទប់ទឹកភ្ជាប់មកជាមួយនៅខាងក្នុង ក៏ដូចជាមានទូខោអាវដែលភ្ជាប់មកជាមួយកញ្ចក់។ បន្ទប់ទាំងពីរក៏មានពន្លឺល្អ និងមានខ្យល់ចេញចូលតាមបង្អួចផងដែរ។ 

មានផ្លូវចូល 6 ម៉ែត្រក្នុងក្រុង ក្របីរៀល ចម្ងាយត្រឹមតែ 3 នាទីពីមន្ទីរពេទ្យអន្តរជាតិមិត្តភាពអង្គរជប៉ុន 5 នាទីពីសាលាបឋមសិក្សា និងអនុវិទ្យាល័យក្របីរៀលនិងហាងលក់ភេសជ្ជៈពូភាព 10 នាទីពីអង្គរហ្គោលរីសត និងផ្សារព្រំ និង 15 នាទីពីផាប់ស្ទ្រីត និងអាកាសយានដ្ឋានអន្តរជាតិសៀមរាប។