វីឡាប្រណីត 11 បន្ទប់គេង សម្រាប់លក់ - សង្កាត់សាលាកំរើក, ក្រុងសៀមរាប

$ 1,900,000

ការពិពណ៌នាអំពីអចលនទ្រព្យ

វីឡាដ៏គួរឱ្យទាក់ទាញនេះឥឡូវនេះត្រូវបានដាក់លក់ជាមួយនឹងប្លង់រឹង។ ជាន់នៃអគារមានទំហំ 315 ម៉ែត្រការ៉េក្នុងអគារដ៏ធំទំហំ 2094 ម៉ែត្រការ៉េ ដោយជាន់ទាំងអស់មានចំនួន 4 និងមានបន្ទប់គេងសរុប 11។ 

ចំនុចពិសេស និងប្លែកនៃវីឡានេះគឺថាវាមានផ្ទះបាយចំនួន 2​ ៖ មួយស្ថិតនៅខាងក្រៅផ្ទះវីឡាធំ ល្អសម្រាប់រៀបចំអាហារពេលអ្នកមានភ្ញៀវមកកម្សាន្ត ឬមានកម្មវិធីធំៗ ហើយមួយទៀតមានទីតាំងនៅជាន់ទី 3 សម្រាប់ការប្រើប្រាស់ឯកជន។ កាន់តែងាយស្រួល និងចាប់អារម្មណ៍ដោយេវានៅជិតដំបូល ដែលអាចផ្តល់នូវកន្លែងដ៏ល្អសម្រាប់រៀបចំស្កាយប៉ា ។ សម្រាប់បន្ទប់គេងគឺមាន 2 នៅជាន់ផ្ទាល់ដី។ 4 នៅជាន់ទីមួយនិងទីពីរ និង1 ទៀតនៅជាន់ទីបី។ បន្ទប់នីមួយៗមានបន្ទប់ទឹកភ្ជាប់នៅខាងក្នុង ហើយក៏មានបន្ទប់ទឹករួមបន្ថែមនៅជាន់នីមួយៗផងដែរ។ 

ដើម្បីឱ្យកាន់តែមានភាពងាយស្រួល វីឡានេះត្រូវបានបំពាក់ដោយជណ្តើរយន្ត ទោះបីជាជណ្តើរធំទូលាយផ្តល់នូវមធ្យោបាយធ្វើដំណើរប្រកបដោយផាសុកភាពរួចហើយក៏ដោយ។ ផ្ទះបាយនៅជាន់ផ្ទាល់ដីមានលក្ខណៈដាច់ចេញពីផ្ទះ ចំណែកឯមួយទៀតនៅជិតជាន់លើដំបូលមានរាងអក្សរ L ។ ផ្ទះបាយទាំងពីររួមមានតុចម្អិន បំពង់ស្រូបផ្សែងដែលភ្ជាប់មកជាមួយ។ ទោះបីជាមានជាន់ច្រើនហើយជាន់នីមួយៗមានបន្ទប់គេងជាច្រើនក៏ដោយ ក៏នៅតែមានកន្លែងអង្គុយលេងដ៏ធំទូលាយដែលមានពន្លឺភ្លឺ និងមានលំហូរខ្យល់ល្អពីបង្អួចដ៏ធំ។ 

ដូចគ្នាអំពីបន្ទប់គេង ដោយបន្ទប់មេមានទំហំធំល្មមសម្រាប់គ្រែទំហំធំពីរ ហើយបន្ទប់ទាំងអស់បំពាក់ដោយធ្នើរដាក់ឥវ៉ាន់ និងកន្លែងដាក់សំលៀកបំពាក់ ដូច្នេះអ្នកស្នាក់នៅអាចរស់នៅ​ និងប្រើប្រាស់ដោយមានភាពងាយស្រួល។ មិនទាន់អស់ទេ តំបន់ដីដ៏ធំទូលាយផ្តល់នូវទីធ្លាដ៏ស្រស់ស្អាតជាមួយនឹងការតម្រៀបថ្មដែលរាយប៉ាយពាសពេញវាលស្មៅ ព្រមទាំងកន្លែងចតយានយន្តធំទូលាយផងដែរ។ 

ជាមួយនឹងសម្ភារៈបរិក្ខារដ៏សម្បូរបែបសម្រាប់ទាំងការស្នាក់នៅ​ និងការទទួលទានអាហារ វីឡានេះអាចផ្តល់នូវកន្លែងស្នាក់នៅដែលមានផាសុកភាពខ្ពស់សម្រាប់ការប្រើប្រាស់ជាលក្ខណៈគ្រួសារ ឬបទពិសោធន៍នៃការរស់នៅដ៏ល្អពិសេសមួយ ហើយក៏អាចប្រើប្រាស់ជាគោលបំណងអាជីវកម្មបានផងដែរ។ មានផ្លូវចូល 8ម៉ែត្រ ក្នុងសង្កាត់សាលាកំរើក ខេត្តសៀមរាប ចម្ងាយ 2 នាទីពីមន្ទីរពេទ្យនាគទេព សាកលវិទ្យាល័យបញ្ញាសាស្រ្ត និង សួនសូកូឡា 5 នាទីពីផាប់ស្ទ្រីត និងផ្សារសាមគ្គី 10 នាទីពីសាកលវិទ្យាល័យអង្គរ និង 12 នាទីពីមជ្ឈមណ្ឌលសន្និបាតសុខា។