6 Bedroom Villa For Sale - Preaek Thmei, Phnom Penh

$ 880,000

ការពិពណ៌នាអំពីអចលនទ្រព្យ

ផ្ទះវីឡា 6 បន្ទប់គេងសម្រាប់លក់ ដោយផ្តល់ជូននូវលំនៅឋានប្រណីត សក្តិសមសម្រាប់ក្រុមគ្រួសារដែលមានទំហំធំរស់នៅ ដែលមិនត្រឹមតែមានបន្ទប់គេងច្រើន និងកន្លែងទំនេរក្នុងផ្ទះច្រើនប៉ុណ្ណោះទេ ប៉ុន្តែថែមទាំងមានទីធ្លាធំទូលាយក្រាលដោយការ៉ូ ទាំងខាងមុខ និងខាងក្រោយផងដែរ។ អចលនទ្រព្យនេះមានផ្ទៃដីសរុបទំហំ 1,060 ម៉ែត្រការ៉េ ចំណែកឯផ្ទះមានទំហំ 240 ម៉ែត្រការ៉េ និងផ្តល់ជូននូវទំហំជាន់សរុប 720 ម៉ែត្រការ៉េ។

នៅផ្នែកខាងមុខវីឡា គឺជាសំណង់ដ៏ទំនើបដែលមានរានហាលខាងមុខពីរ អាចមើលឃើញទីធ្លាខាងមុខដ៏វែងៗ ហ៊ុមព័ទ្ធសួនច្បារតូចនៅម្ខាងៗ។ នៅទីធ្លាខាងក្រោយក៏ស្រដៀងគ្នាផងដែរ ជាកន្លែងដ៏ល្អសម្រាប់រៀបចំជាកន្លែងក្មេងលេង ឬកន្លែងសម្រាកលម្ហែផ្ទាល់ខ្លួន ដោយផ្ទុយពីទីធ្លាផ្នែកខាងមុខ ដែលល្អបំផុតសម្រាប់ការជួបជុំធំបែបបើកចំហ ឬកន្លែងចតរថយន្តធំទូលាយ។ នៅសាល់ខាងក្នុងមានកន្លែងធំទូលាយ មានជាន់បើកចំហ មានកន្លែងតាំងវត្ថុអនុស្សាវរីយ៍ ដែលអាចមើលឃើញកន្លែងទទួលទានអាហារជុំគ្នា កន្លែងបរិភោគអាហារពេលព្រឹកដាច់ដោយឡែក និងកន្លែងទទួលភ្ញៀវធំទូលាយជាមួយនឹងឈុតសាឡុងដ៏ធំ។ ប្រសិទ្ធភាពនៃការប្រើប្រាស់គ្មានដែនកំណត់ បន្ទប់គេងទាំងអស់ត្រូវបានបំពាក់ដោយ ធ្នើរ និងកន្លែងដាក់សម្ភារជាប់ជាមួយនឹងស៊ុមគ្រែ ទូតាំងគ្រឿងអនុស្សាវរីយ៍ និងទូសម្លៀកបំពាក់។ ដូចគ្នានេះដែរ បន្ទប់ទឹកត្រូវបានរចនាយ៉ាងទំនើប មានផាសុកភាពខ្ពស់ និងមានភាពងាយស្រួល ជាមួយនឹងការ៉ូដ៏ស្រស់ស្អាត ខោនធ័រឡាបូលេងដៃ មានកន្លែងដាក់សម្ភារនៅខាងក្រោយកញ្ចក់ មានទឹកផ្កាឈូកក្តៅ/ត្រជាក់ និងអាងងូតទឹក។ សរុបមក ផ្ទះនេះមានបន្ទប់គេងចំនួន 6 និងបន្ទប់ទឹកចំនួន 9។ ជាមួយនឹងផ្លូវដើរក្នុងផ្ទះធំទូលាយដែលមានកម្រាលការ៉ូថ្មម៉ាប ជញ្ជាំងលាបពណ៌ស្រស់ស្អាត និងលាយឡំជាមួយនឹងឈើនៅផ្នែកខាងក្នុងផ្ទះ លោកអ្នកនឹងរីករាយជាមួយនឹងបរិយាកាសបែបទំនើប ដែលមានតុល្យភាពនៃការរស់នៅយ៉ាងល្អឥតខ្ចោះដោយមានទីធ្លាធំ និងទីតាំងមានបរិយាកាសស្ងប់ស្ងាត់ដែលអាចទស្សនាទេសភាពនៃទន្លេបាសាក់។ 

គ្រួសាររបស់លោកអ្នកនឹងទទួលបានភាពរីករាយ និងវិនិយោគលើផ្ទះដ៏ប្រណីត ជាមួយនឹងបទពិសោធន៍នៃការរស់នៅ ប្រកបដោយភាពងាយស្រួលក្នុងការធ្វើដំណើរទៅកាន់ស្ថាប័នសំខាន់ៗ និងគ្រឹះស្ថានពាណិជ្ជកម្មជាច្រើនផ្សេងទៀត។ 

អចលនទ្រព្យនេះមានទីតាំងនៅសង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ដែលមានចម្ងាយត្រឹមតែ 3 នាទីពីសាលាបឋមសិក្សាកោះក្របី និងវត្ត​​អម្ពវ័ន​ ហៅ​វត្ត​​ព្រែក​ថ្មី ចម្ងាយ 7 នាទីពីស្ពានសំរោង (តភ្ជាប់ពីច្បារអំពៅទៅខេត្តកណ្តាល) ចម្ងាយ 10 នាទីពីធនាគារ ABA (តាខ្មៅ) និងកន្លែងវាយកូនហ្គោល Vattanac Golf Resort ចម្ងាយ 15 នាទីពីផ្សារព្រែកឯង និងចម្ងាយ 20 នាទីពីមន្ទីរពេទ្យជោរៃភ្នំ និងផ្សារទំនើបអ៊ីអន 3។