ផ្ទះវីឡា 1 បន្ទប់គេង សម្រាប់លក់ - សង្កាត់ស្លក្រាម, ក្រុងសៀមរាប

$ 80,000

ការពិពណ៌នាអំពីអចលនទ្រព្យ

ផ្ទះនេះមានទំហំតូចល្មម និងមានផាសុកភាពខ្ពស់ ដែលជាប្រភេទេវីឡាមួយបន្ទប់នេះមានទំហំ 93 ម៉ែត្រការ៉េ និងទំហំផ្ទៃដីសរុប 154 ម៉ែត្រការ៉េ។ អចលនទ្រព្យនេះឥឡូវត្រូវបានផ្តល់ជូនសម្រាប់លក់ជាមួយប្លង់រឹងក្នុងតម្លៃអាចចរចារបាន។ 

ផ្ទះរីឡាដ៏ទំនើបនេះភ្ជាប់មកជាមួយផ្លូវក្រាលបេតុការ៉ូឡា និងមានដើមឈើពីបីដើមនៅសងខាងនៃទីធ្លាខាងមុខផ្ទះ។ ច្រកចូលដែលមានបំពាក់ដោយទ្វារឈើបើកចូលបន្ទប់ទទួលភ្ញៀវជាមួយការ៉ូថ្មម៉ាតយ៉ាងស្រស់ស្អាតមានក្រាលរហូតដល់ផ្ទះបាយ ជាកន្លែងដែលលោកអ្នកនឹងឃើញមានខោនធ័រដាក់ឧបករណ៍ប្រើប្រាស់រាងវែងដែលជាប់នឹងជញ្ជាំងទាំងសងខាង។ ផ្នែកខាងក្រោមនៃខោនធ័រមានភ្ជាប់មកជាមួយនឹងកន្លែងដាក់សម្ភារ និងមានឡាបូលាងចានដែលមានទីតាំងនៅខាងមុខបង្អួច។ បន្ទប់ទឹកក៏មានទីតាំងក្បែរផ្ទះបាយខាងស្តាំជណ្តើរផងដែរ។ 

នៅក្នុងបន្ទប់គេងលោកអ្នកនឹងឃើញមានកម្រាលការ៉ូពណ៌សជាមួយនឹងជញ្ជាំងយ៉ាងស្រស់ស្អាត មានម៉ាស៊ីនត្រជាក់ និងបង្អួចធំមួយ។ ទន្ទឹមនឹងនេះបន្ទប់ទឹកមានរចនាប្រកបដោយសោភ័ភាពជាមួយជញ្ជាំងបេតុគ្រើម ដែលមានធ្នើរនៅក្នុងបន្ទប់ទឹកដោយមានបំពាក់ទឹកផ្កាឈូកប្រព័ន្ធទឹកក្តៅ / ទឹកត្រជាក់ និងឡាបូលាងដៃទំនើបផងដែរ។ 

អចលនទ្រព្យនេះមានផ្លូវចូលទំហំ 6 ម៉ែត្រ នៅក្នុងពេលឆាប់ៗនេះនឹងត្រូវពង្រីកទៅជាផ្លូវ 8 ម៉ែត្រ ស្ថិតក្នុងសង្កាត់ស្លក្រាម ក្រុងសៀមរាប មានចម្ងាយត្រឹមតែ 5 នាទីពីមជ្ឈមណ្ឌលសន្និបាតសុខា ឱសថស្ថានតាឆេងហុង និងមន្ទីរពេទ្យ Golden Queen - 7 នាទីពីផ្សារទំនើប Heritage Walk សួនច្បារព្រះរាជដំណាក់ ធនាគារអេប៊ីអេ (ABA) និងមជ្ឈមណ្ឌលសៀវភៅអន្តរជាតិ និង 10 នាទីពីផ្លូវផាប់ស្ទ្រីត វិទ្យាល័យ 10 មករា 1979 និងមន្ទីរពេទ្យបង្អែកខេត្តសៀមរាប។