ផ្ទះអាជីវកម្ម 6 បន្ទប់គេងសម្រាប់លក់ - ស្លក្រាម, ក្រុងសៀមរាប

$ 210,000

ការពិពណ៌នាអំពីអចលនទ្រព្យ

ឥឡូវនេះត្រូវបានផ្តល់ជូនសម្រាប់លក់ (ប្លង់រឹង) គឺជាហាងទំនិញដែលមានទំហំ 98 ម៉ែត្រការ៉េ នៃទំហំផ្ទៃដីសរុប 171 ម៉ែត្រការ៉េ ។ 

ផ្ទះនេះផ្តល់ជូននូវបន្ទប់គេងចំនួន 6 និងបន្ទប់ទឹកចំនួន 8 ដោយមិនមានរួមបញ្ចូលគ្រឿងសង្ហារិមនោះទេ។ នៅខាងមុខមានកន្លែងចតរថយន្តធំទូលាយ ដែលលោកអ្នកអាចប្រើប្រាស់ជាកន្លែងលក់ទំនិញនៅខាងមុខ។ ជាមួយនឹងរបងព័ទ្ធជុំវិញដោយមានខ្លោងទ្វារដើម្បីធានានូវភាពឯកជន និងសុវត្ថិភាពផងដែរ។ ផ្ទះបាយដែលមានបង្អួចធំទូលាយ និងតុខោនធ័រតូចល្មមភ្ជាប់ជាមួយឡាបូលាងចាន ដែលមានទីតាំងនៅជាន់ផ្ទាល់ដី។ ផ្ទះបាយមួយទៀតលោកស្ថិតនៅជាន់ខាងលើដែលរួមមានបន្ទប់សម្រាករួម និងបង្អួចធំពីរដើម្បីពង្រីកឲ្យមានខ្យល់ចេញចូលបានល្អនៅជាន់ទី 2 ដោយមានបន្ទប់គេង 3 ក្នុងចំណោមបន្ទប់គេងទាំង 6 បន្ទប់ស្ថិតនៅជាន់ក្រោម រីឯបន្ទប់គេង 3 ទៀតស្ថិតនៅជាន់ខាងលើ។ ទន្ទឹមនឹងនេះជាន់ដំបូលលោកអ្នកអាចប្រើប្រាស់ជាកន្លែងសម្រាប់បោកគក់ដ៏ល្អបំផុតផងដែរ។ 

ជាមួយនឹងចំនួនបន្ទប់គេងសម្រាប់ស្នាក់នៅ និងផ្ទះបាយពីរ អចលនទ្រព្យនេះត្រូវបានប្រើជាផ្ទះបុរី ឬហាងលក់ទំនិញ ព្រោះវាល្អសម្រាប់ការបើកដំណើរការអាជីវកម្ម ឬអាចស្នាក់នៅបានពីរគ្រួសារ ដែលមានកន្លែងចតរថយន្ត និងបោកគក់រួម។ 

អចលនទ្រព្យនេះមានទីតាំងស្ថិតនៅសង្កាត់ស្លក្រាម ក្រុងសៀមរាប ដែលមានផ្លូវចូលទំហំ 12 ម៉ែត្រ មានចម្ងាយ 3 នាទីពីមជ្ឈមណ្ឌលសន្និបាតសុខា ផ្សាររាត្រីកុងតឺន័រ និងកន្លែង Bolo Lounge Asia - 6 នាទីពីមន្ទីរពេទ្យហ្គោដិនឃ្វីន រោងមហោស្រពស្នាមញញឹម​អង្គរ និងវត្តថ្មី សារមន្ទីរនៅសល់នៃសង្គ្រាមកម្ពុជា - 10 នាទីពីសួនច្បារព្រះរាជដំណាក់ ហាងទំនិញចៅសាងហុក និងផ្សារទំនើប Heritage Walk និង 15 នាទីពីប្រាសាទអង្គរវត្ត។