សណ្ឋាគារបែបអាផាតមិន 6 បន្ទប់គេង សម្រាប់លក់ - សង្កាត់ស្វាយដង្គំ, ក្រុងសៀមរាប

$ 375,000

ការពិពណ៌នាអំពីអចលនទ្រព្យ

សង្កាត់ស្វាយដង្គំ គឺជាសង្កាត់ស្ងប់ស្ងាត់មួយនៅមិនឆ្ងាយប៉ុន្មានពីទីប្រជុំជននៃក្រុងសៀមរាបឡើយ។ អាផាតមិន នេះនៅទំនេរសម្រាប់ជួល មានចម្ងាយប៉ុន្មាននាទី​ប៉ុណ្ណោះពីកន្លែងសម្ដែងសៀក (Phare Circus) ​សាលា ឱសថស្ថាន ភោជនីយដ្ឋាន ផ្សារទំនើប និងគ្រឹះស្ថានពាណិជ្ជកម្ម​​ និងអាជីវកម្មជាច្រើនទៀត។

អាផាតមិនដែលត្រូវបានរចនាយ៉ាងប្រណីតនេះមានផ្ទៃដីទំហំ 450 ម៉ែត្រការ៉េ ជាមួយនឹងទំហំវិមាត្រ 15 ម៉ែត្រ x 30 ម៉ែត្រ។ វាមានបរិវេណខាងក្រៅ និងទីធ្លាធំទូលាយ ដែលលោកអ្នកអាចប្រើសម្រាប់ជាកន្លែងចតរថយន្ត ឬសកម្មភាពកំសាន្តនានា។ វាមានរបងព័ទ្ធជុំវិញដែលធានានូវសុវត្ថិភាព ហើយអគារអាផាតមិននេះក៏មានបំពាក់នូវគ្រឿងសង្ហារិមបែបក្លាស៊ិក និងសម្ភារបរិក្ខារបែបទំនើបជាច្រើន។

ការឌីហ្សាញផ្នែកខាងក្នុងនៃអាផាតមិននេះត្រូវបានធ្វើឡើងបែបក្លាស៊ិក ធំទូលាយ និងមានភាពប្រណីត។ អគារទាំងមូលមានពន្លឺធម្មជាតិចេញចូលគ្រប់គ្រាន់ និងមានចរន្ដខ្យល់ចេញចូលតាមរយៈបង្អួចកញ្ចក់រអិល និងយ៉នៅជាប់បន្ទប់គេង។ វាក៏មានកន្លែងទទួលភ្ញៀវរួមមួយ កន្លែងទទួលទានអាហារ កន្លែងចម្អិនអាហារ និងបន្ទប់គេងដែលមានបន្ទប់ទឹកនៅខាងក្នុង។