ផ្ទះបែបពាណិជ្ជកម្ម 5 បន្ទប់គេង សម្រាប់លក់- សង្កាត់ជ្រាវ, ក្រុងសៀមរាប

$ 900,000

ការពិពណ៌នាអំពីអចលនទ្រព្យ

ឥឡូវនេះត្រូវបានដាក់លក់ វីឡាបែបពាណិជ្ជកម្មទំហំ 1,073 ម៉ែត្រការ៉េ ដែលមានបន្ទប់គេងសរុបចំនួន 5 និងបន្ទប់ទឹកចំនួន 7។ ផ្ទៃដីសរុបមានទំហំរហូតដល់ទៅ 1,243 ម៉ែត្រការ៉េ ដោយដាក់លក់មិនមានបញ្ចូលនូវគ្រឿងសង្ហារិម និងភ្ជាប់មកជាមួយនឹងប្លង់រឹងចំនួនពីរ។ 

នៅជាន់ផ្ទាល់ដី គឺជាសាល់ធំរចនាដោយមានប្លង់បើកចំហ ជាមួយនឹងបន្ទប់ដែលមានកញ្ចក់ពីរបិទជិតអាចប្រើប្រាស់ជាការិយាល័យ​ ឬក៏កន្លែងសម្រាប់ដាក់តាំងគ្រឿងលម្អផ្សេងៗ។ ផ្ទះនេះក៏មានវិចិត្រសាលផងដែរ ដែលអនុញ្ញាតឲ្យអ្នកដែលនៅជាន់ខាងលើអាចមើលមកក្រោមបានស្រួលរាល់សកម្មភាព ឬព្រឹត្តិការណ៍នានា។ វាក៏ធ្វើអោយតំបន់នេះមានភាពងាយស្រួលក្នុងការតុបតែង ឬរៀបចំសម្រាប់ឱកាសពិសេសផ្សេងៗ។ លើសពីនេះក៏មានបន្ទប់ដាច់ដោយឡែកមួយដែលមានផ្ទះបាយ និងកន្លែងទទួលទានអាហារ។ នៅទីនោះអ្នកនឹងឃើញមានខោនធ័ររាងអក្សរ L និងកន្លែងសម្រាប់ដាក់សម្ភារជាច្រើនទៀត។ នៅក្នុងតំបន់នេះក៏មានច្រកចូលតាមផ្លូវខាងក្រៅផងដែរ ដែលធ្វើឲ្យការចម្អិនម្ហូបរបស់អ្នកមានភាពងាយស្រួល និងមានខ្យល់ចេញចូលបានគ្រប់គ្រាន់ល្អ។ ចំណែកបន្ទប់ទឹកវិញមានកន្លែងងូតទឹកផ្កាឈូក និង​អាងងូតទឹកដាច់ដោយឡែកពីគ្នាខណ្ឌដោយកញ្ចក់ ដែលមានមានកន្លែងដាក់សម្ភារជាច្រើននៅធ្នើរខាងលើជាប់នឹងជញ្ជាំង និងខោនធ័រឡាបូធំទូលាយ។ នៅក្នុងសាល់ដ៏ធំទូលាយនេះលោកអ្នកនឹងឃើញមានរាលហាលខាងលើ​ និងកន្លែងដាក់សម្ភារជាច្រើនផ្សេងទៀត។ បើមើលទៅលើសំណង់អគារដ៏រឹងមាំនេះ លោកអ្នកអាចសាងសង់អគារពីលើពីរជាន់បន្ថែមទៀត។ 

អចលនទ្រព្យនេះលោកអ្នកអាចចូលទៅបានតាមផ្លូវជាតិនៅក្នុងសង្កាត់ជ្រាវ ក្រុងសៀមរាប ដែលមានចម្ងាយ 3 នាទីពីផ្សារខ្នារចាស់ 4 នាទីពីឱសថស្ថានក្រុងសុវណ្ណ II និង 5 នាទីពីសាកលវិទ្យាល័យអង្គរ និង 10 នាទីពីផាប់ស្រ្ទីត។