វីឡាប្រណីត ៦ បន្ទប់គេង សម្រាប់លក់ - សង្កាត់សាលាកំរើក, ក្រុងសៀមរាប

$ 1,650,000

ការពិពណ៌នាអំពីអចលនទ្រព្យ

ឱកាសដ៏កម្រមានដែលបានបង្ហាញពីការដាល់ជួលគេដ្ឋានធំមួយលក្ខណៈគ្រួសារ ដែលមានច្រើនបែបនោះគឺ វីឡាប្រណីតដែលមានទំហំ ២១០០ ម៉ែតការ៉េ។ ជាប្រភេទអចលទ្រព្យដែលមានបន្ទប់គេងចំនួន ៦ ហើយ បន្ទប់ទឹកចំនួន ៧ និងអាងឯកជនមួយ។ 

ព័ទ្ធជុំវិញទៅដោយទេសភាពនៃរុក្ខជាតិបៃតងនៅតំបន់ត្រូពិចគ្របដណ្តប់ខាងក្រៅ ផ្តល់នូវទេសភាពស្រស់ស្រាយដល់អាងហែលទឹក (៨៥ ម៉ែត្រការេ ដែលមានជម្រៅអតិបរមា ២ ម៉ែត្រ) ។ បន្ទប់ផ្លាស់សម្លៀកបំពាក់ក្បែរអាងហែលទឹក និងកន្លែងហាត់ប្រាណ មានទំហំសរុប ២២ ម៉ែត្រការេ និងបរិវេណសម្រាកក្បែរអាងហែលទឹកមានទំហំ ២៧ ម៉ែត្រការេ ។ នៅក្នុងទីធ្លាសួនច្បារបានរួមបញ្ចូលគ្នានៃវាលស្មៅ និងផ្លូវដើរបេតុងដែលមានទំហំ ៨៥ ម៉ែត្រការេ។ ចំណែកចំណតយានយន្តវិញមានដំបូលដែលផ្ដល់ម្លប់ និងអាចផ្ទុកយានយន្តបាន ៤ គ្រឿង

នៅជាន់ផ្ទាល់ដីនៃគេហដ្ឋានអ្នកនឹងឃើញកន្លែងទទួលភ្ញៀវ នឹងមានទ្វារខាងឆ្វេងដៃដើម្បីចូលទៅក្នុងវីឡាប្រណីតនោះ។ នៅខាងស្តាំដៃមានកន្លែងសម្រាប់បុគ្គលិកអាចរស់នៅបាន ហើយក្នុងនោះរួមមានដូចជា ផ្ទះបាយ កន្លែងសំរាក បន្ទប់គេងដែលមានផាសុកភាព និងបន្ទប់ទឹក។

នៅក្នុងវីឡាដ៏ធំទូលាយនេះគឺ នៅផ្នែកខាងក្នុងគឺជាកន្លែងទទួលភ្ញៀវបើកចំហ មានបន្ទប់ទទួលភ្ញៀវ ផ្ទះបាយមានបំពាក់គ្រប់មុខងារ និងសម្ភារដែលចាំបាច់ ព្រមទាំងមានតុថ្មក្រានីតវែងៗចំនួន ២ មានកន្លែងលាងចានឆ្នាំង ២ ចង្ក្រានមានបំពាក់ម៉ាស៊ីនបឺតផ្សែង និងកន្លែងទុកដាក់ចានឆ្នាំងយ៉ាងទូលាយ។ បន្ទប់គេងទាំងអស់ស្ថិតនៅជាន់លើ តាមបន្ទប់នីមួយៗមានបំពាក់ម៉ាស៊ីនត្រជាក់ និងមានបន្ទប់ទឹករៀងៗខ្លួន។ បន្ទប់គេងសំខាន់ៗចំនួន ២ មានស្ថិតនៅជាប់នឹងរានហាលទំហំ ៤២ ម៉ែត្រការេ ដែលអាចឲ្យយើងមើលឃើញអាងហែលទឹកដែលមានទេសភាពយ៉ាងស្រស់ស្អាត មានខ្យល់បក់ល្ហៀកៗគួរជាទីមនោរម្យ ហើយចំណុចនេះក៏ជាផ្នែកមួយដែលអ្នកនឹងមានការពេញចិត្តផងដែរ។ នៅក្បែរនេះក៏មានជណ្ដើររាងអក្សរ L មួយទៀតនៅផ្នែកខាងក្រោយ ដែលលោកអ្នកអាចចេញចូលមកបន្ទប់ទាំងពីរតាមជណ្ដើរនេះក៏បាន។ 

វីឡាទាំងមូលមានបំពាក់បង្អួចកញ្ចក់ជាច្រើនទាំងជាន់ផ្ទាល់ដី និងជាន់លើ សូម្បីតែផ្នែកមួយនៃពិដានក៏មានបំពាក់កញ្ចក់ផងដែរ។ ការបំពាក់នេះងាយស្រួលដល់ការទទួលបាននូវពន្លឺធម្មជាតិនៃព្រះអាទិត្យ។ លើសពីនេះទៅទៀត ផ្ទះវីឡាដ៏ប្រណីតមួយនេះ ត្រូវបានដាក់លក់ជាមួយនឹងការផ្ដល់ជូននូវគ្រឿងសង្ហារឹមទាំងអស់ដែលនឹងធ្វើឲ្យអតិថិជនរីករាយជាមួយនឹងទូរទស្សន៍ស្ដើងដ៏ធំ ឈុតសាឡុង គ្រែមានគ្រប់បន្ទប់ ម៉ាស៊ីនកម្ដៅម្ហូបអាហារ ទូទឹកកក ម៉ាស៊ីនបោកខោអាវ អមជាមួយនឹងគ្រឿងសង្ហារឹមផ្សេងៗទៀត និងគ្រឿងតុបតែងលម្អនានាទៀតផង។ ក្រៅពីនេះ ក៏មានរួមបញ្ចូលនូវម៉ាស៊ីនភ្លើងធំមួយដែលមានថាមពលអាចផ្គត់ផ្គង់ថាមពលដល់ផ្ទះវីឡាដ៏ស្កឹមស្កៃមួយនេះ។ ផ្ទះវីឡាប្រណីតដ៏រឹងមាំមួយនេះស្ថិតនៅក្នុងតំបន់ស្ងប់ស្ងាត់ និងពេញនិយមបំផុតក្នុងខេត្តសៀមរាប ហើយវាគឺជាលំនៅដ្ឋានដ៏ល្អឥតខ្ចោះសក្ដិសម្រាប់លោកអ្នកស្នាក់នៅ ឬលម្ហែកាយ។

នៅជាប់នឹងវីឡាដ៏ធំមួយនេះ គឺមានប្លុកដីទំនេរធំមួយ បន្ថែមទៀតដែលត្រូវបានបញ្ចូលក្នុងការលក់ផងដែរ។ ដីនេះជាប្លុកកាច់ជ្រុងដែលមានមុខកាត់ ៤០ ម៉ែតតាមបណ្តោយផ្លូវធំ ២ ។ នេះគឺជាទីតាំងសំខាន់សម្រាប់ការលក់រាយឬការអភិវឌ្ឍន៍ពាណិជ្ជកម្ម ហើយនឹងកាន់តែមានតម្លៃក្នុងរយះពេល ៥ ឆ្នាំខាងមុខនៅពេលដែលសាលាកំរើក ត្រូវបានបន្តអភិវឌ្ឍន៍។

វីឡាដ៏ប្រណីតមួយនេះមានទីតាំងស្ថិតនៅមិនតិចជាងមួយនាទីពីវិទ្យាល័យ ISSR និងផ្លូវក្រវ៉ាត់ហើយមានចម្ងាយត្រឹមតែ ៥ នាទីពីផ្លូវផាប់ និងផ្សារចាស់។ រួមជាមួយនឹងការតភ្ជាប់ផ្លូវធំ ទៅកាន់ជាយក្រុងសំខាន់ៗនៃខេត្តសៀមរាបផងដែរ។