វីឡាប្រណីត ៥ បន្ទប់គេង សម្រាប់លក់ - សង្កាត់ស្វាយដង្គំ, ក្រុងសៀមរាប

$ 1,250,000

ការពិពណ៌នាអំពីអចលនទ្រព្យ

Take a quick look inside this luxurious property located in Svay Dangkum - One of the most luxurious property ever built in Siem Reap now offered for sale!

ជាប្រភេទផ្ទះវីឡាប្រណីតដែលរចនាដោយជនជាតិបារាំង ស្ថិតនៅក្នុងទីតាំងដែលមានភាពស្ងប់ស្ងាត់ មិនមានការរំខាន ហើយមានបរិវេណហ៊ុំព័ទ្ធដោយធម្មជាតិទំហំ ៧ ហិកតា។ ផ្ទះវីឡានេះត្រូវបានសាងសង់តាមបទដ្ឋានបែបអឺរ៉ុប ដោយប្រើប្រាស់បេតុងយ៉ាងរឹងមាំ បំពាក់ឈើប្រណីតទាំងផ្នែកខាងក្រៅនៃអគារ និងធ្វើជាជញ្ជាំងនៅផ្នែកខាងក្នុងនៃវីឡា។

ចំពោះសួនច្បារត្រូវបានរៀបចំឡើងដោយស្រស់ស្អាតទាំងទីធ្លាផ្នែកខាងមុខ និងខាងក្រោយផ្ទះ ដោយមានដាំរុក្ខជាតិអំបូរត្នោតចំនួន ១៦ ដើម។ ក្បែរច្រកចេញចូលផ្នែកខាងមុខនៃផ្ទះវីឡា មានអាងចិញ្ចឹមត្រី ដែលមានទឹកហូរយ៉ាងស្ងប់ស្ងាត់។ សួនច្បារដ៏ធំនៅផ្នែកខាងក្រោយនៃវីឡា អាចឲ្យម្ចាស់ផ្ទះពុះជាចំណែក ឬអាចសាងសង់សំណង់តពីក្រោយវីឡានោះបាន។

មានផ្ទះវីឡាពីរខ្នងសាងសង់នៅលើដីនេះ

ផ្ទះវីឡាធំ

ផ្ទះវីឡានេះមានបន្ទប់ទទួលភ្ញៀវធំទូលាយ សង់ឡើងដោយមានពិដានខ្ពស់ មានបង្អួចធំៗ និងខ្ពស់ ព្រមទាំងទ្វារកញ្ចក់ដែលយើងអាចបើកសម្រាប់ចេញចូលទៅសួនច្បារបាន អាចធ្វើឲ្យខ្យល់បក់ និងពន្លឺព្រះអាទិត្យចេញចូលជាន់ក្រោមបានយ៉ាងងាយ។

ផ្ទះបាយ ត្រូវបានបំពាក់ដោយសម្ភារទំនើបៗរបស់អឺរ៉ុប ទូដាក់សម្រាប់ដាក់ចានឆ្នាំង និងធ្នើរត្រូវបានធ្វើឡើងពីឈើមានតម្លៃ និងគុណភាពខ្ពស់។

នៅជាន់ក្រោមមានបន្ទប់គេងតូចមួយបំពាក់ម៉ាស៊ីនត្រជាក់ មានបន្ទប់ទឹកនៅខាងក្នុង ដែលអាចប្រើសម្រាប់ជាបន្ទប់ការិយាល័យក៏បាន។

ចំណែកនៅជាន់ខាងលើវិញ មានបន្ទប់ទទួលភ្ញៀវ កន្លែងកម្សាន្ត បន្ទប់មេគ្រួសារធំមួយ និងបន្ទប់មេគ្រួសារដាច់ដោយឡែកមួយទៀត ហើយបន្ទប់ទាំងពីរនេះមានបន្ទប់ទឹកនៅក្នុងរៀងៗខ្លួន។

បន្ទប់ទាំងពីរនេះមានយ៉រួមគ្នា ដែលលាតនៅផ្នែកខាងជើងនៃផ្ទះ អាចឲ្យយើងមើលឃើញទិដ្ឋភាពនៃសួនសួនច្បារ និងអាងហែលទឹកនៅខាងក្រោមយ៉ាងត្រជាក់ភ្នែក។

ផ្ទះសម្រាប់ភ្ញៀវ

ផ្ទះសម្រាប់ភ្ញៀវ គឺជាប្រភេទផ្ទះឈើបែបខ្មែរ សាងសង់ឡើងនៅខាងស្ដាំ ផ្នែកខាងមុខក្បែរច្រកចេញចូល។ ផ្ទះនេះក្រាលក្ដារឈើដែលខាត់ថ្មីរលោង និងដំបូលមានដាក់អ៊ីសូឡង់ការពារកម្ដៅទៀតផង។ នៅជាន់លើនៃផ្ទះភ្ញៀវ មានបន្ទប់គេង ២ ផ្សេងគ្នាដោយមានបំពាក់ម៉ាស៊ីនត្រជាក់ និងបន្ទប់ទឹករៀងៗខ្លួន។

នៅជាន់ក្រោមមានកន្លែងសម្រាប់បោកគក់សម្លៀកបំពាក់មួយទៀត មានកន្លែងសម្រាប់បុគ្គលិកស្នាក់នៅ មានបន្ទប់ទឹក និងកន្លែងចម្អិនអាហារ។ បន្ថែមពីលើនេះ នៅជាន់ក្រោមក៏ជាកន្លែងសម្រាប់ដាក់សម្ភារចាំបាច់មួយចំនួនដូចជាសម្ភារៈថែទាំសួនច្បារ និងមាស៊ីនភ្លើងដ៏ធំដែលអាចផ្ដល់នូវថាមពលអគ្គីសនីដល់ផ្ទះទាំងមូលនៅពេលត្រូវការ។

អចលនទ្រព្យនេះមានអាងហែលទឹកប្រភេទទឹកប្រៃរាងជាអក្សរ L។ ទាំងអាងហែលទឹក និងសួនច្បារមានប្រព័ន្ធភ្លើងបិទបើកដោយស្វ័យប្រវត្តិ។

បន្ទប់សម្រាប់ដាក់ប្រព័ន្ធសម្រួលនានា

ប្រព័ន្ធចម្រោះទឹកស្ដង់ដាអឺរ៉ុប មានរួមបញ្ចូលម៉ាស៊ីនបូមទឹកគុណភាពខ្ពស់ និងប្រព័ន្ធរំលាយក្លរ

ប្រព័ន្ធផ្គត់ផ្គង់ទឹកគុណភាពខ្ពស់ មានប្រភពមកពីទឹកអណ្ដូងជ្រៅ

ឃ្លាំងសម្រាប់ដាក់សម្ភារ និងឧបករណ៍ថែទាំសួនច្បារ។

លក្ខណៈពិសេសដទៃទៀត

របងច្រកទ្វារចេញចូលដើរដោយអគ្គីសនីបញ្ជាដោយតេឡេ

ប្រព័ន្ធទឹកក្ដៅត្រូវបានបំពាក់នៅគ្រប់បន្ទប់ទាំងអស់

ម៉ាស៊ីនភ្លើងយ៉ាងធំសម្រាប់ប្រើប្រាស់នៅពេលអគ្គីសនីត្រូវបានកាត់ផ្ដាច់

នៅគ្រប់បន្ទប់គេងត្រូវបានបំពាក់ដោយពូកដែលមានគុណភាពខ្ពស់ មិនធ្វើឲ្យប៉ះពាល់ដល់សុខភាពស្បែក

ផ្ទះវីឡាទាំងមូលត្រូវបានសាងសង់ឡើងការពារពីការជន់លិច និងមានប្រព័ន្ធលូរំដោះទឹកផ្ទាល់ខ្លួនភ្ជាប់ជាមួយប្រព័ន្ធលូមេនៅផ្លូវធំ។

ផ្ទះនេះក៏មានបំពាក់ប្រព័ន្ធការពារអគ្គីសនីយ៉ាងមានសុវត្ថិភាព ហើយប្រព័ន្ធអគី្គសនីនេះទៀតសោតក៏ត្រូវបានភ្ជាប់ទៅប្រព័ន្ធភ្លើងមេរបស់រដ្ឋផងដែរ។

លក្ខខ័ណ្ឌនៃការលក់

មានប្លង់រឹង

ម្ចាស់ផ្ទះនឹងចំណាយសម្រាប់ការបង់ពន្ធផ្ទេរកម្មសិទ្ធិ

សម្ភារជាច្រើនដែលលោកអ្នកបានឃើញ គឺត្រូវបានគិតបញ្ចូលក្នុងតម្លៃលក់នេះ។ ម្ចាស់ផ្ទះអាចរៀបចំបញ្ជីសម្ភារសម្រាប់អតិថិជន ក្នុងករណីមានការស្នើសុំ។