IPS Launches Future-Proof Virtual Property Tours

មុខងារថ្មីរបស់ IPS៖ ទស្សនាអចលនទ្រព្យបែបនិម្មិតដូចបានទៅដល់ទីតាំងផ្ទាល់!

[read this article in EN)

ចាប់តាំងពីមានជំងឺរាតត្បាតកើតឡើងមក យើងសង្កេតឃើញមានការកើនឡើងដ៏គួរឱ្យកត់សម្គាល់នៃចំនួនអតិថិជនពីខាងក្រៅប្រទេស។ ជាហេតុនេះ ភ្នាក់ងាររបស់យើងតែងតែធ្វើការបន្ថែមមួយកម្រិតទៀតដើម្បីបំពេញតម្រូវការរបស់អតិថិជនក្នុងការទស្សនាអចលនទ្រព្យដែលមិនអាចមកមើលផ្ទាល់បានតាមរយៈការថតវីដេអូអចលនទ្រព្យដោយប្រើទូរសព្ទស្មាតហ្វូនរបស់ពួកគាត់។

ដោយជួប​ករណី​បែប​នេះ​ជា​ច្រើន ហើយយើងក៏​បាន​ឃើញ​ពីភាពជោគជ័យក្នុងការជួល និងទិញ​អចលនទ្រព្យ​ ដោយត្រឹមតែមើល​វីដេអូដែល​ថត​តាម​ទូរសព្ទ​ប៉ុណ្ណោះ។

ដើម្បី​សម្រួលដល់អតិថិជន​របស់​យើងឱ្យ​ទទួល​បាន​បទពិសោធន៍​ការ​មើល​អចលនទ្រព្យឱ្យកាន់តែងាយស្រួលជាងមុន យើងសូមណែនាំមធ្យោបាយថ្មី​ចុង​ក្រោយ​បំផុត​របស់​យើងគឺ​ មុខងារ IPS Virtual Tours!

មើលអចលនទ្រព្យបាន ៣៦០ដឺក្រេ ដោយគ្រាន់តែអូសដោយម្រាមដៃ

ការបន្ថែមមុខងារនេះនៅលើគេហទំព័ររបស់ IPS នឹងផ្តល់អត្ថប្រយោជន៍ដល់ម្ចាស់អចលនទ្រព្យដោយអាចនាំអ្នកទិញ និងអ្នកជួលទស្សនាអចលនទ្រព្យរបស់ពួកគាត់បានដោយមិនចាំបាច់ទៅដល់ទីតាំង។ អាចមើលបានគ្រប់ច្រកល្ហកតាំងពីបន្ទប់គេង បន្ទប់ទឹក ផ្ទះបាយ ឬ បន្ទប់ដាក់សម្ភារ និយាយរួមគឺអាចមើលបានគ្រប់ទិដ្ឋភាពនៃអចលនទ្រព្យដោយលម្អិត។

ម្ចាស់អចលនទ្រព្យ មិនត្រឹមតែអាចសន្សំសំចៃពេលវេលារបស់ពួកគាត់ប៉ុណ្ណោះទេ យើងនឹងធ្វើឱ្យអចលនទ្រព្យរបស់ពួកគាត់កាន់តែមានភាពទាក់ទាញផងដែរ។ ចំណែកអតិថិជនដែលស្វែងរកអចលនទ្រព្យ មិនត្រឹមតែផ្តល់នូវភាពងាយស្រួល និងសុវត្ថិភាពប៉ុណ្ណោះទេ វាក៏នឹងជួយដល់ការសម្រេចចិត្តរបស់ពួកគាត់តាមរយៈការមើលរូបរាងរបស់អចលនទ្រព្យឱ្យច្បាស់ជាមុន មុននឹងចាប់ផ្តើមធ្វើការចរចាផ្តល់តម្លៃជាមួយម្ចាស់។

• ប្រកបដោយភាពងាយស្រួល៖ មិនពិបាកកំណត់ពេលពេលវេលាទៅមើលអចលនទ្រព្យ ដោយអាច​មើលបាន​នៅ​ពេល​ណា​ក៏​បាន ​នៅទីតាំង​ណា​ក៏បាន។
• សន្សំពេលវេលា និងថវិកា៖ មិនចាំបាច់ទៅមើលច្រើនកន្លែង ធ្វើដំណើរឆ្ងាយៗ និងចំណាយលើការធ្វើដំណើរថ្លៃៗ។
• ជួយដល់ការសម្រេចចិត្ត៖ ជាមួយបច្ចេកវិទ្យាថ្មីមួយនេះ លោកអ្នកអាចមើលអចលនទ្រព្យបានគ្រប់ច្រកល្ហក ច្បាស់ជាងរូបភាពអចលនទ្រព្យធម្មតា ដែលជួយលោកអ្នកក្នុងការសម្រេចចិត្តជ្រើសរើសអចលនទ្រព្យសមល្មមមុនពេលធ្វើការទស្សនាជាក់ស្តែង។​
• ប្រកបដោយអត្ថប្រយោជន៍៖ នៅក្នុងពេលវេលាមិនច្បាស់លាស់ដូចជាជំងឺរាតត្បាតកូវីដ-១៩ សុខភាព និងសុវត្ថិភាពរបស់អ្នកជាអាទិភាពចម្បងរបស់ពួកយើង។ បច្ចេកវិទ្យាថ្មីនេះអាចកាត់បន្ថយហានិភ័យដែលទាក់ទងនឹងការទៅមើលអចលនទ្រព្យជាក់ស្តែង ដោយធានាថាអ្នកអាចស្វែងរកអចលនទ្រព្យដ៏ល្អឥតខ្ចោះសម្រាប់អ្នកដោយមិនប៉ះពាល់ដល់សុខុមាលភាពរបស់អ្នកឡើយ។

មុខងារថ្មីនេះមានការផ្តល់ជូនដោយឥតគិតថ្លៃសម្រាប់អចលនទ្រព្យដែលមានកិច្ចព្រមព្រៀងលក់​/ជួលផ្តាច់មុខជាមួយ IPS និងអចលនទ្រព្យដែលគ្រប់គ្រងដោយយើង។ យ៉ាងណាក៏ដោយ គួរកត់សម្គាល់ថា បច្ចេកវិទ្យានេះក៏មិនអាចប្រើបានគ្រប់អចលនទ្រព្យនោះឡើយ ឧទាហរណ៍ដូចជា អចលនទ្រព្យដែលមានប្លង់ស្មុគស្មាញ និងមានលក្ខណៈចង្អៀតជាដើម។ ជាទូទៅ ផ្ទះធំៗទូលាយៗជាជម្រើសដ៏ល្អសម្រាប់បច្ចេកវិទ្យានេះ ឬជាប្រភេទគម្រោងអភិវឌ្ឍន៍ដែលមានលក្ខណៈពិសេសប្លែក ដូចជា Odom ជាដើម។

IPS នឹងព្យាយាមដំណើរការបច្ចេកវិទ្យានេះទៅកាន់អចលនទ្រព្យជាច្រើនបន្ថែមទៀតនាពេលខាងមុខនេះ!

By: Sereyvathna Thoeun