វីឡាប្រណីត ៥ បន្ទប់គេង សម្រាប់លក់ - សំបួរ, សៀមរាប

$ 820,000

ការពិពណ៌នាអំពីអចលនទ្រព្យ

ឱកាសក្លាយជាម្ចាស់ផ្ទះដ៏ប្រណីតសម្រាប់រស់នៅជាមួយគ្រួសារជាទីស្រលាញ់ ឬ ទុកសម្រាប់វិនិយោគដាក់ជួលរកចំណូលរយៈពេលវែង។ វីឡានេះមានបន្ទប់គេង 5 និងបន្ទប់ទឹក 4 ត្រូវបានរចនាឡើងដើម្បីផ្តល់បទពិសោធន៍រស់នៅប្រកបដោយផាសុកភាព។ សាងសង់នៅលើផ្ទៃដីទំហំ 1,272 ម៉ែត្រការ៉េ មានលក្ខណៈធំទូលាយទាំងទីធ្លាខាងក្រៅ និងក្នុងវីឡា។ 

ព័ត៌មានសង្ខេប 

• មិនមានគ្រឿងសង្ហារិម 
• ប្លង់រឹង 
• កម្ពស់ 4 ជាន់ 
• ផ្ទៃដី៖ 1,272 m² 
• ទីធ្លាស្អាតធំទូលាយ, រានហាល, កន្លែងអង្គុយសម្រាកលម្ហែជាច្រើន 

វីឡានេះសាងសង់ឡើងដោយមានលក្ខណៈស្តង់ដារ គ្រឹះ និងជញ្ជាំងរឹងមាំ ដំបូលប្រក់ក្បឿង ការរចនាស្អាតប្លែកភ្នែកដោយប្រើប្រាស់ឈើប្រណីតរំលេចឡើងនូវរចនាប័ទ្ធខ្មែរ។ ទីធ្លាខាងក្រៅធំទូលាយផ្តល់នូវចំណតយានយន្ត វាលស្មៅខៀវស្រងាត់ និងដើមឈើត្រូពិកដ៏ត្រជាក់ភ្នែក។ ជាន់ផ្ទាល់ដីមានលក្ខណៈចំហដែលអាចរៀបចំជាកន្លែងទទួលទានអាហារនៅខាងក្រៅ កន្លែងអង្គុយលេង កន្លែងហាត់ប្រាណ ឬកន្លែងអ្វីក៏បានទៅតាមតម្រូវការ។

លក្ខណៈពិសេសប្លែកមួយរបស់វីឡានេះគឺបន្ទប់នៅក្រោមដីដែលមានឈុតសាឡុង អាចរៀបចំជាការិយាល័យ ឬបន្ទប់សម្រាប់មើលកុន។ល។ និងបន្ទប់ដាក់ឥវ៉ាន់មួយទៀតដើម្បីជួយរក្សាសណ្តាប់ធ្នាប់នៅក្នុងផ្ទះទៀតផង។

ជាន់ទីមួយមានកន្លែងទទួលភ្ញៀវដែលរៀបចំដោយគ្រឿងសង្ហារិមស្អាតៗ និងមានផ្ទះបាយជាមួយកន្លែងទទួលទានអាហារនៅក្បែរនោះផងដែរ។ ជាន់នេះបំពាក់ដោយទ្វារបង្អួចកញ្ចក់ធំៗដែលធានាបាននូវពន្លឺធម្មជាតិគ្រប់គ្រាន់សម្រាប់ការរស់នៅប្រកបដោយផាសុកភាព។ ចំណែកបន្ទប់គេងក៏មានទំហំធំៗ និងត្រូវបានរចនាឡើងដោយយកចិត្តទុកដាក់ទៅលើលំហូរខ្យល់ និងពន្លឺធម្មជាតិគ្រប់គ្រាន់ផងដែរ។

ទីតាំងស្ថិតនៅក្នុងសង្កាត់សំបួរ ជិតទីលានវាយកូនហ្គោលអង្គរ - 2 នាទីពីមណ្ឌលសុខភាពសំបួរ សាលាអន្តរជាតិអាត់វេនទីស្ទ និងសារមន្ទីរអាតបកស៍ - 5 នាទីពីមន្ទីរពេទ្យមិត្តភាពអន្តរជាតិអង្គរជប៉ុន និងភូមិវប្បធម៌កម្ពុជា - 8 នាទីពីផាប់ស្ទ្រីត។