ផ្ទះវីឡាប្រណីត 2 ជាន់ សម្រាប់លក់- សង្កាត់សាលាកំរើក, ក្រុងសៀមរាប

$ 250,000

ការពិពណ៌នាអំពីអចលនទ្រព្យ

This brand-new designer villa called the Blooming Design Villa is now officially for sale with a hard title. Inclusive of the tranquil pool, outdoor shower, and stone path through a lush garden. The design of the property has specifically focused on bringing in large amounts of natural light to all rooms, and incorporating green plants both inside and out.

ដើរចូលផុតទ្វារកញ្ចក់បន្តិចគឺជាកន្លែងទទួលភ្ញៀវ ដែលមានដាក់នូវសាឡុងឈើក្រាលដោយពូក និងខ្នើយដែលរចនាដោយអ្នកជំនាញ ព្រមទាំងមានផើងដាំរុក្ខជាតិមួយចំនួនផងដែរនៅក្បែរសាឡុងនោះ។ ការរៀបចំតុបតែងបែបនេះបានលើកសម្រស់ផ្ទះវីឡាដ៏ប្រណីតបែបត្រូពិកមួយនេះថែមមួយកម្រិតទៀត ដោយការប្រើប្រាស់សម្ភារទំនើបៗទាន់សម័យ ចម្រុះគ្នាជាមួយនឹងការតុបតែងដែលរំលេចដោយធម្មជាតិ។ នៅពីក្រោយសាឡុង គឺជាកន្លែងចម្អិនអាហារដែលមានបំពាក់សម្ភារយ៉ាងពេញលេញ មានដូចជា ទូទឹកកកដ៏ធំមួយដែលមានកន្លែងផលិតទឹកកក ចង្កា្រនដ៏ទំនើបដែលមានបំពាក់ដោយម៉ាស៊ីនបឺតផ្សែងមកជាមួយ និងទូដាក់សម្ភារផ្ទះបាយជាច្រើន ដែលលោកអ្នកនឹងពុំមានការបារម្ភអំពីកន្លែងដាក់ចានឆ្នាំងរបស់លោកអ្នកទៀតឡើយ។ នៅផ្នែកខាងស្ដាំនៃឡាបូ និងចង្កា្រន គឺមានបង្អួចធំមួយ ដែលអាចឲ្យពន្លឺពីធម្មជាតិនៃព្រះអាទិត្យចេញចូលបានយ៉ាងល្អ។ ងាកមកមើលកន្លែងទទួលទានអាហារវិញ មានតុថ្មមួយក្រាលដោយកញ្ចក់ដ៏រលើបរលោង ត្រូវបានគេរៀបចំនៅក្បែរជណ្ដើរឡើងទៅជាន់ខាងលើ ដែលមានព្យួរតាំងលម្អនូវផើងរុក្ខជាតិតូចៗ និងអំពូលភ្លើងដ៏ស្រស់ស្អាតនៅទីនោះ។ នៅក្បែរនោះគឺជាបន្ទប់គេងដ៏ធំទូលាយ មានបន្ទប់ទឹកនៅខាងក្នុងស្រាប់។ បន្ទប់គេងមួយនេះក៏មានបង្អួចកញ្ចក់នៅចំហៀងផ្ទះដែលអាចឲ្យពន្លឺធម្មជាតិចេញចូលបានល្អផងដែរ។

ចំពោះជណ្ដើរវិញមានរាងជាអក្សរ L នឹងនាំយើងទៅដល់ជាន់ខាងលើដែលមានកន្លែងអង្គុយលេងមួយ ហើយយើងក៏អាចចេញចូលទៅបន្ទប់គេងធំៗពីរផ្សេងទៀតនៅសងខាងនោះបានដែរ។ ក្នុងចំណោមបន្ទប់ទាំងពីរនោះ បន្ទប់គេងមួយមានគ្រែពីរ ចំណែកបន្ទប់គេងមួយទៀតមានគ្រែមួយ និងមានរានហាលមួយដែលយើងអាចមើលឃើញទេសភាពនៅខាងមុខ។ បន្ទប់គេងទាំងពីរមានបន្ទប់ទឹកនៅខាងក្នុងស្រាប់ ហើយមានការរចនាផ្នែកខាងក្នុងដូចគ្នា ដែលមានភ្ជាប់មកជាមួយនឹងទូដាក់សម្លៀកបំពាក់ និងធ្នើរដែលធ្វើពីឈើរបស់ខ្មែរ ព្រមទាំងសាឡុងដូចគ្នានឹងកន្លែងទទួលភ្ញៀវដែរ។ គេក៏មានរៀបចំតុសម្រាប់បន្ទប់ទាំងពីរនោះ ដែលល្អសម្រាប់ទាំងការសម្រាកលម្ហែ និងធ្វើកិច្ចការនានាយ៉ាងមានផាសុកភាពនៅផ្ទះវីឡាដ៏ទំនើបមួយនេះ។

    ជាមួយនឹងការរចនាតុបតែងយ៉ាងផ្ចិតផ្ចង់ទៅលើការក្រាលការ៉ូ ការតុបតែងលើជញ្ជាំង ការរំលេចគ្រឿងឈើ និងការតុបតែងបន្ថែមនានាដោយប្រើការ៉ូផ្កានៅលើជញ្ជាំង ផ្ទៃនៃជាន់នីមួយៗ និងជណ្ដើរ បានធ្វើឲ្យវីឡាមួយនេះមានភាពស្រស់ស្អាតទាក់ទាញខ្លាំងមែនទែន ដែលនឹងធ្វើឲ្យយើងមានអារម្មណ៍ស្រស់ស្រាយ មានថាមពលក្នុងការធ្វើការងារផ្សេងៗបានជោគជ័យ។  

អចលនទ្រព្យដ៏ប្រណីតមួយនេះត្រូវបានសាងសង់ និងរចនាឡើងដោយ Veayo Design ដែលជាក្រុមហ៊ុនឌីហ្សាញដែលផ្តោតលើសិល្បៈ និងសោភណភាព។ ក្រុមហ៊ុននេះក៏ជាក្រុមហ៊ុនដែលបានសាងសង់ The Twizt Lifestyle Hostel, Akas Rooftop Sky Bar និងផ្ទះវីឡា និងផ្ទះស្នាក់ដ៏ប្រណីតមួយផ្សេងទៀតមានឈ្មោះថា វាយោ (Veayo Apartment) ដែលមានទីតាំងនៅសង្កាត់ជ្រាវ ក្រុងសៀមរាប។

ផ្ទះវីឡាមួយនេះមានទីតាំងស្ថិតនៅក្នុងសង្កាត់សាលាកំរើក ចម្ងាយត្រឹមតែ 7 នាទីពី Navutu Dream Resort មន្ទីរពេទ្យនាគទេព និងហាងកាហ្វេ Brown ហើយចម្ងាយប្រហែល 11 នាទីពី Pub Street, Funky Lane និងផ្សារចាស់។

This is a pre-sale property, it will be sold fully-furnished and ready for move-in. Great payment plans in place and can be negotiated.