ផ្ទះអាជីវកម្ម 6 បន្ទប់គេង សម្រាប់លក់- សង្កាត់ស្វាយដង្គំ, ក្រុងសៀមរាប

$ 195,000

ការពិពណ៌នាអំពីអចលនទ្រព្យ

ជាពេលវេលាដ៏ល្អក្នុងការវិនិយោគលើផ្ទះអាជីវកម្មនេះ ដែលជាលំនៅឋានដែលមានបន្ទប់គេង 6 មានផ្ទៃដីទំហំ 67 ម៉ែត្រការ៉េ និងទំហំផ្ទះសរុប 269 ម៉ែត្រការ៉េ។ ទីតាំងល្អដោយស្ថិតនៅចន្លោះរវាងតំបន់ផាប់ស្ទ្រីតកណ្តាលក្រុង និងគោលដៅស្ងប់ស្ងាត់ដូចជាអង្គរហ្គោលរីសត ការទិញយកផ្ទះនេះនឹងក្លាយជាការសម្រេចចិត្តដ៏ឆ្លាតវៃសម្រាប់អនាគត។ 

មានបន្ទប់គេង 2 នៅតាមជាន់នីមួយៗ ដោយមានភ្ជាប់ជាមួយបន្ទប់ទឹកនៅខាងក្នុង។ អាគារនេះមានបីជាន់ រួមទាំងជាន់ផ្ទាល់ដី។ នៅខាងមុខផ្ទះមានចំណតយានយន្តទូលាយ និងល្អឥតខ្ចោះសម្រាប់បើកអាជីវកម្ម ហាងទំនិញ ហើយផ្ទះនេះមានបង្អួចធំជាច្រើនដែលងាយស្រួលឱ្យពន្លឺព្រះអាទិត្យចូលទៅក្នុងបន្ទប់ទទួលភ្ញៀវ ផ្ទះបាយ និងបន្ទប់គេង។ ជាន់ខាងលើទាំងពីរមានយ៉រដែលអាចមើលឃើញទីធ្លាផ្លូវខាងមុខ ចំណែកដំបូលគឺជាកន្លែងទូលាយដែលល្អឥតខ្ចោះអាចរៀបជាសួនឯកជន និងកន្លែងអង្គុយលេងកម្សាន្តដែលមានខ្យល់អាកាសល្អ និងអាចធ្វើជាកន្លែងហាលសម្លៀកបំពាក់បានទៀតផង។ ផ្ទះនេះ សូម្បីតែគ្រួសារធំមួយក៏អាចរស់នៅបានសុខស្រួល ហើយក៏អាចគ្រប់គ្រងអាជីវកម្មរបស់ពួកគេបានផងដែរ។ ម្យ៉ាងវិញទៀត ដោយសារបន្ទប់គេងនីមួយៗមានបន្ទប់ទឹកឯកជន ផ្ទះនេះក៏បម្រើជាអគារជួលបានដែរ។  

មានទីតាំងនៅសង្កាត់ស្វាយដង្គុំ ខេត្តសៀមរាប ចម្ងាយ 2 នាទីពីសាលាអន្តរជាតិ Achievers 5 នាទីពីផាប់ស្ទ្រីត ផ្សារញ៉ែ និង 10 នាទីពីអង្គរហ្គោលរីសត មន្ទីរពេទ្យជ័យវរ្ម័នទី 7 និងវិទ្យាល័យអង្គរ។