ផ្ទះវីឡា 5 បន្ទប់គេង រចនាដោយ Veayo Design - សង្កាត់ជ្រាវ , សៀមរាប

$ 390,000

ការពិពណ៌នាអំពីអចលនទ្រព្យ

Family Villa Compound by Veayo Design - Chreav Siem Reap

សំណង់អគារកែលម្អថ្មី និងត្រូវបានដាក់លក់នៅលើទីផ្សារអចលទ្រព្យម្ដងទៀត ដោយមានបំពាក់នូវគ្រឿងសង្ហារឹមពេញ មានទំហំអគារសរុបចំនួន 230 ម៉ែត្រការេ និងទំហំដីសរុប 409 ម៉ែត្រការេ។

ដោយត្រូវបានរចនាដោយសិល្បករផ្នែកឌីហ្សាញដ៏មានទេពកោសល្យមកពីក្រុមហ៊ុន វាយោ ឌីហ្សាញ Veayo Designផ្ទះវីឡាដ៏ទាក់ទាញនេះបានធ្វើឲ្យវិនិយោគិនជាច្រើននាក់មានការចាប់អារម្មណ៍នឹងទីកន្លែងស្នាក់នៅប្រណីតបែបនេះនៅក្នុងខេត្តសៀមរាប។ ការកែលម្អជាថ្មី មានរួមបញ្ចូលនូវការកែអគារចាស់ដោយធ្វើ បន្ទប់គេងបែបស្ទូឌីយ៉ូធំៗចំនួន ៣ យូនីត យ៉ាងស្រស់ស្អាត និងបន្ទប់គេងដែលមានមានគ្រែពីរ ចំនួន 1 បន្ទប់។ លើសពីនេះ ផ្ទះវីឡានេះក៏បានរួមបញ្ចូលនូវឈើប្រណីតរបស់ខ្មែរយើងធ្វើជាធ្នើរ និងទូដាក់សម្លៀកបំពាក់ ដែលពិតជាធ្វើឲ្យការរចនាទាំងមូលមើលទៅស្រស់ទាក់ភ្នែកបែប Minimalist និងប្រទាក់ក្រឡាគ្នានៅលើជញ្ជាំង ពិដាន និងជាន់នីមួយៗនៃអគារ។

 ការរចនានៃសំណង់របស់ផ្ទះវីឡានេះគឺធ្វើមួយជាន់ លើកផុតពីដី។ លក្ខណៈពិសេសនេះជួយរក្សាលំហូរខ្យល់ចេញចូលក្នុងផ្ទះនិងសន្សំសំចៃការចំណាយ ថាមពល ហើយក៏ងាយស្រួលប្រសិនបើម្ចាស់ផ្ទះចង់ពង្រីកផ្ទះបន្ថែមនៅពេលអនាគត។ ជាការពិតណាស់ ស្ថាបត្យករនិងអ្នករចនាម៉ូដបានរៀបចំធ្វើជាសំណើធ្វើឡើងមួយជាន់ទៀតនៅជាន់ទី 2 ដោយធ្វើជាយូនីតដែលមាន 2 បន្ទប់គេង។ ផែនការរចនានេះត្រូវបានដាក់បញ្ចូលទៅក្នុងការលក់ហើយអ្នកទិញអាចធ្វើតាមការចង់បាន និងការពេញចិត្តរបស់ខ្លួន។ បន្ថែមពីលើនេះ លក្ខណៈពិសេសមួយទៀតនៃអចលទ្រព្យនេះគឺអាងហែលទឹកដែលទើបសាងសង់ថ្មី ជាប្រភេទអាងហែលទឹកមិនប្រើសារធាតុគីមី ដែលត្រូវបានរៀបចំឡើងដើម្បីឱ្យស៊ីគ្នានឹងសួនច្បារបែបជប៉ុនដែលជួយលើកសោភណភាពនៃអគារថែមទៀតផង។ ចំណែកនៅលើដំបូលវិញ មានកន្លែងសម្រាកលក្ខណៈជាបារ និងកន្លែងសម្រាប់អាំងសាច់ កំពុងត្រូវស្ថិតនៅក្រោមការជួសជុល និងសាងសង់ ហើយនឹងត្រូវបញ្ចប់នៅចុងខែមីនា។ តម្លៃនៃការជួសជុលទាំងអស់នេះគឺត្រូវបានគិតបញ្ចូលក្នុងតម្លៃលក់រួចជាស្រេច។

 អចលទ្រព្យដ៏ប្រណីតនេះមានទីតាំងស្ថិតនៅក្នុងសង្កាត់ជ្រាវ ខេត្តសៀមរាប ជាសង្កាត់ដែលកំពុងអភិវឌ្ឍន៍ហើយក៏ជាតំបន់មួយដែលត្រូវបានគេប៉ាន់ស្មានថាហាងឆេងដី និងទីផ្សារអចលទ្រព្យនឹងមានការកើនឡើងគួរឱ្យកត់សម្គាល់នៅប៉ុន្មានឆ្នាំខាងមុខ។ ចំពោះទីតាំងវិញគឺមានចម្ងាយត្រឹមតែ៖ •​6 នាទីពីមណ្ឌលសុខភាព, សាលាអន្តរជាតិ ISSR, រីសត Navutu Dream •7 នាទីពីមន្ទីរពេទ្យនាគទេព និងសាកលវិទ្យាល័យអង្គរ •11 នាទីពីផាប់ស្ទ្រីត និងផ្សារចាស់។