ដំណឹងល្អ៖ រដ្ឋបន្តពន្យារ និងព្យួរការអនុវត្តពន្ធសម្រាប់វិស័យអចលនទ្រព្យ (២០២៤)

យោងតាមសេចក្តីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុចុះនៅថ្ងៃទី ០៤ ខែមករា ឆ្នាំ២០២៤ បានឱ្យជ្រាបថា រាជរដ្ឋាភិបាលកម្ពុជាបានសម្រេចបន្តគោលការណ៍លើកលែងពន្ធ អនុគ្រោះពន្ធបន្ថែម ពន្យារ និងព្យួរការអនុវត្តពន្ធសម្រាប់វិស័យអចលនទ្រព្យជាច្រើនប្រភេទនៅក្នុងប្រទេសកម្ពុជាដូចតទៅ៖

១. ពន្ធប្រថាប់ត្រាលើការផ្ទេរកម្មសិទ្ធិ ឬ សិទ្ធិកាន់កាប់អចលនទ្រព្យ

For Borey Properties (Gated Communities)

• Stamp duty exemption for the transfer of ownership or possession of housing valued at $70,000 or less will be extended until the end of 2024.
• For each unit in a Borey that exceeds $70,000 in value, a deduction of $70,000 will be allowed from the stamp duty base.
• Additional stamp duty concessions will be provided for the transfer of ownership or possession of Borey housing valued at over $70,000.
• បុរីតម្លៃលើស ៧០ ០០០ (ប្រាំពីរម៉ឺន) ដុល្លារអាមេរិក អនុញ្ញាតឱ្យដកទំហំទឹកប្រាក់ ៧០ ០០០ (ប្រាំពីរម៉ឺន) ដុល្លារអាមេរិក ចេញពីមូលដ្ឋានគិតពន្ធប្រថាប់ត្រា សម្រាប់ការទិញលំនៅឋានក្នុងគម្រោងអភិវឌ្ឍន៍លំនៅឋានជាបុរីដែលមានអាជ្ញាបណ្ណអាជីវកម្ម អចលនវត្ថុ និងបានចុះបញ្ជីត្រឹមត្រូវ រហូតដល់ដំណាច់ឆ្នាំ២០២៤។

២. ពន្ធលើចំណេញមូលធន

• បន្តពន្យារពេលការអនុវត្តពន្ធលើចំណេញមូលធនទាំង ៦ ប្រភេទទ្រព្យរួមមាន អចលនទ្រព្យ, ភតិសន្យា, ទ្រព្យវិនិយោគ, កេរ្តិ៍ឈ្មោះអាជីវកម្ម, កម្មសិទ្ធិបញ្ញា និងរូបិយបណ្ណបរទេស រហូតដល់ដំណាច់ឆ្នាំ២០២៤។

READ ALSO: How Does the Capital Gains Tax in Cambodia work

៣. ពន្ធលើអចលនទ្រព្យ

• ចំពោះអចលនទ្រព្យដែលបានចុះបញ្ជី និងប្រកាសបង់ពន្ធលើអចលនទ្រព្យកន្លងមក ខុសតម្លៃដីឬសំណង់ ទំហំដីឬសំណង់ ប្រភេទសំណង់ ឬ/និងអាយុកាលសំណង់ ត្រូវបានលើកលែងការកំណត់ពន្ធឡើងវិញដែលមានប្រាក់ពន្ធរួមទាំងទណ្ឌកម្មរដ្ឋបាល (ពន្ធបន្ថែម និងការប្រាក់) ចាប់ពីឆ្នាំដាក់ឱ្យអនុវត្តពន្ធរហូតដល់ឆ្នាំ២០២៣។
• ចាប់ពីឆ្នាំ២០២៤ តទៅ អនុវត្តតាមច្បាប់ និងលិខិតបទដ្ឋានគតិយុត្តជាធរមាន។
• ចំពោះអចលនទ្រព្យ (មានបណ្ណកម្មសិទ្ធិ ឬគ្មានបណ្ណកម្មសិទ្ធិ) ដែលពុំធ្លាប់បានចុះបញ្ជី និងប្រកាសបង់ពន្ធលើអចលនទ្រព្យកន្លងមកអនុញ្ញាតឱ្យចុះបញ្ជី និងបង់ប្រាក់ពន្ធចាប់ពីឆ្នាំកាន់កាប់ ឬទទួលប្រយោជន៍ចុងក្រោយ។
• ពន្យារការលើកលែងទណ្ឌកម្មរដ្ឋបាល (ពន្ធបន្ថែម និងការប្រាក់) ដែលនឹងត្រូវផុតកំណត់ត្រឹមដំណាច់ឆ្នាំ ២០២៣ រហូតដល់ដំណាច់ខែមិថុនា ឆ្នាំ២០២៤។

៤. ពន្ធលើដីធ្លីមិនបានប្រើប្រាស់

• ពន្ធលើដីធ្លីមិនបានប្រើប្រាស់ត្រូវបានព្យួរការអនុវត្តរហូតដល់ដំណាច់ឆ្នាំ២០២៤
• កម្មសិទ្ធិករ ឬអ្នក កាន់កាប់ ឬអ្នកទទួលប្រយោជន៍ចុងក្រោយ ពុំមានកាតព្វកិច្ចប្រកាសបង់ពន្ធរហូតដល់ដំណាច់ឆ្នាំ២០២៤
• ក្រសួងសេដ្ឋកិច្ច និងហិរញ្ញវត្ថុនឹងចេញលិខិតបទដ្ឋានគតិយុត្តស្ដីពីពន្ធលើដីធ្លីមិនបានប្រើប្រាស់ដោយបន្ធូរបន្ថយនូវលក្ខខណ្ឌលើកលែងពន្ធនេះសម្រាប់ការអនុវត្តចាប់ពីឆ្នាំ២០២៥
• ដីដែលជាកម្មវត្ថុនៃពន្ធលើដីធ្លីមិនបានប្រើប្រាស់ត្រូវបានអនុញ្ញាតឱ្យកាត់ចេញ ៥ហិកតា ក្នុងដីមួយកន្លែង
• លក្ខខណ្ឌមួយចំនួនសម្រាប់ការលើកលែងពន្ធលើដីដែលមិនប្រើប្រាស់រួមមាន ដីកសិកម្មកំពុងបង្កបង្កើនផល, ដីកំពុងបម្រើសកម្មភាពសេដ្ឋកិច្ចរបស់រូបវន្តបុគ្គល ឬនីតិបុគ្គល, ដីមានសំណង់ ឬគ្មានសំណង់ស្ថិតក្រោមកិច្ចសន្យាជួលដីដែលជាកម្មសិទ្ធិរបស់រាជរដ្ឋាភិបាល ឬស្ថាប័នរាជរដ្ឋាភិបាល ឬ • ដីជាកម្មសិទ្ធិរបស់រដ្ឋដែលបានជួលទៅឱ្យនីតិបុគ្គល ឬរូបវន្តបុគ្គលណាមួយសម្រាប់ប្រើប្រាស់ជាសកម្មភាពសេដ្ឋកិច្ចផ្សេងៗតាមកិច្ចសន្យា ឬកិច្ចព្រមព្រៀងរវាងភាគីទាំងពីរ

រាល់ការលើកលែង ការអនុគ្រោះ និងការព្យួរពន្ធខាងលើនេះ ពុំមានអានុភាពប្រតិសកម្មចំពោះប្រាក់ពន្ធ រួមទាំងទណ្ឌកម្មរដ្ឋបាល (ពន្ធបន្ថែម និងការប្រាក់) ដែលបានបង់រួចហើយនោះទេ។

វិធានការទាំងនេះមានគោលបំណងជំរុញវិស័យអចលនទ្រព្យ និងជំរុញការវិនិយោគនៅក្នុងប្រទេសកម្ពុជា។ គោលនយោបាយលើកលែង និងអនុគ្រោះពន្ធផ្តល់នូវទស្សនវិស័យដ៏វិជ្ជមានដែលរួមចំណែកដល់ការរីកលូតលាស់នៃទីផ្សារអចលនទ្រព្យនៅក្នុងប្រទេស។

សេចក្តីជូនដំណឹងស្តីពីការលើកលែងពន្ធ ការអនុគ្រោះ ការពន្យារ និងព្យូរការអនុវត្តពន្ធសម្រាប់វិស័យអចលនទ្រព្យនៅក្នុងប្រទេសកម្ពុជា ចុះនៅថ្ងៃទី ០៤ មករា ឆ្នាំ២០២៤ ដោយ អគ្គនាយកដ្ឋានពន្ធដារ ។

If you want to learn more about the property taxes in Cambodia real estate, read our ស្វែងយល់ស៊ីជម្រៅអំពីពន្ធអចលនទ្រព្យកម្ពុជាឬអាចទាក់ទងមកកាន់យើង (ចុចទីនេះ) ឬតាមរយៈ តេឡេក្រាម សម្រាប់ការប្រឹក្សា។