fbpx

អ្វីដែលលោកអ្នកគួរយល់ដឹងមុនពេលទិញផ្ទះគម្រោង

ចែករំលែកអត្ថបទនេះ  

លោកអ្នកមិនមែនជាអ្នកជំនាញ

ជំហានដំបូងក្នុងការទទួលបានដំណោះស្រាយល្អបំផុតសម្រាប់ផ្ទះគឺត្រូវទទួលស្គាល់ការពិតដ៏សាមញ្ញនេះ។ ការយល់ដឹងរបស់លោកអ្នកអំពីដំណើរការទាំងអស់ ដែលពាក់ព័ន្ធនឹងការទិញផ្ទះថ្មី ដោយគិតថាលោកអ្នកដឹងពីអ្វីៗទាំងអស់។ នេះមិនមានន័យអ្នកយល់ដឹងទាំងស្រុងនៃ ១០០០ ទំព័រនៃ ការសាងសង់តាមបទដ្ឋានអន្តរជាតិ ឆ្នាំ ២០១៨។

សិក្សាអំពីសម្ភារដែលត្រូវបានប្រើប្រាស់ និងតម្លៃរបស់វា ថាតើវាមានតម្លៃប៉ុន្មាន ស្វែងយល់អំពីអត្រាការប្រាក់ ដែលអ្នកកម្ចីផ្ដល់ឲ្យ ហើយពិនិត្យមើលផ្ទះគម្រោងនានាដែលនៅក្បែរនោះ។ ទាំងនេះនឹងធ្វើឲ្យប្រាកដថា អ្នកបានយល់ពីអ្វីដែលអ្នកកំពុងទិញ និងតម្លៃពិតរបស់វា។

បង្កើតក្រុមលោកអ្នក

មានរឿងសំខាន់៣ ដែលអាចជួយលោកអ្នកបាន។ ទី១ រកភ្នាក់ងារអចលនទ្រព្យ ទី២ មើលលើអ្នកផ្តល់ប្រាក់កម្ចីដើម្បីជ្រើសរើសអ្នកណាដែលអ្នកចូលចិត្ត ទី៣ ជួលអ្នកត្រួតពិនិត្យម្នាក់ដែលយល់ច្បាស់អំពីប្រភេទសំណង់ដែលអ្នកចង់ទិញ។ កុំព្យាយាមធ្វើវាដោយខ្លួនឯងទាំងប្រថុយប្រថាន ហើយយល់ស្រប់តាមម្ចាស់គម្រោង។

ភ្នាក់ងារអចលនទ្រព្យ

ភ្នាក់ងារអចលនទ្រព្យ មានបទពិសោធន៍ក្នុងការចរចាជាមួយម្ចាស់គម្រោង ហើយពួកគេដឹងពីរបៀបចរចាដ៏ល្អបំផុត។ អ្នកទិញខ្លះមិនតថ្លៃ ព្រោះពួកគេមិនចង់ប្រឈមមុខ ឬចង់ឲ្យម្ចាស់គម្រោងគិតថាពួកគេកំពុងទាញយកផលប្រយោជន៍ ។ ដូច្នេះភ្នាក់ងារមានបទពិសោធក្នុងការចរចារដោយរលូន និងមិនមានការគុំគួនរវាងគ្នានិងគ្នា។

អ្នកផ្តល់កម្ចី

ម្ចាស់គម្រោងភាគច្រើនផ្តល់ជូននូវទំនាក់ទំនងរបស់ពួកគេ ជាមួយនឹងអ្នកផ្តល់កម្ចីសម្រាប់លោកអ្នកដើម្បីផ្តល់ហិរញ្ញប្បទានដល់ផ្ទះរបស់អ្នក។ ពេលខ្លះជម្រើសនោះមានភាពល្អប្រសើរ ហើយអ្នកផ្តល់កម្ចីទាំងអស់នោះ អាចផ្តល់ប្រាក់កម្ចីអ្នកច្រើនជាងសេវាកម្មរបស់ភាគីទី៣។ ទោះយ៉ាងណាក៏ដោយវាមិនត្រឹមត្រូវទាំងអស់នោះដែរ។ ពិនិត្យមើលជម្រើសរបស់អ្នកដែលមានទាំងអស់។ ព្យាយាមឲ្យអស់ពីសមត្ថភាពដើម្បីស្វែងរកដំណោះស្រាយល្អប្រសើរជាងគេ ព្រោះគ្រាន់តែអត្រាផ្លាស់ប្តូរបន្តិចបន្តួចនឹងគួរឱ្យកត់សម្គាល់

អធិការកិច្ច

សូមចំណាយប្រាក់បន្តិចបន្តួចលើអធិការកិច្ច។ លោកអ្នកប្រាកដជាមិនចង់ឱ្យមានការខាតបង់ថវិកានោះទេ។ ម្ចាស់គម្រោងអាចធ្វើឱ្យមានកំហុស ឬពួកគេអាចកាត់បន្ថយផ្នែកចេតនាណាមួយដើម្បីធ្វើឱ្យផ្ទះមានស្តង់ដារទាប។ លោកអ្នកត្រូវការអ្នកជំនាញដើម្បីកំណត់ថា តើផ្ទះត្រូវនឹងតម្លៃនិងអ្វីដែលគម្រោងអះអាងថាដែរឬទេ? គ្រាន់តែជាសៀវភៅណែនាំ ដើម្បីយល់ពីការសាងសង់តាមបទដ្ឋានអន្តរជាតិ ឆ្នាំ ២០១៨ ដោយលោក Francis D.K. Ching មាន ៨២៣ ទំព័រ។ អ្នកមិនអាចយល់ដឹងអំពីអ្វីៗទាំងអស់នោះទេ ដែលលោកអ្នកត្រូវតែត្រួតពិនិត្យឲ្យដឹងពីវិធីពិនិត្យវាឡើងវិញ និងធ្វើតាមការសាងសង់តាមបទដ្ឋានអន្តរជាតិ។ លោកអ្នកនឹងមិនបានពិនិត្យមើលនៅលើដំបូលដើម្បីមើលគុណភាពរបស់វា ឬក៏រាល់ការលេចទុយោទឹក ជ្រាបទឹកតាមពិដាន ផ្ទុះខ្សែភ្លើង និងមានបញ្ហាទៅលើប្រព័ន្ធកំដៅ និងត្រជាក់។ អ្នកត្រូវដឹងអំពីអ្វីដែលអ្នកចង់ទិញ។ 

ចរចាសម្រាប់ការធ្វើឱ្យប្រសើរឡើង

រឿងដែលគួរឱ្យសោកស្តាយនោះ គឺថាម្ចាស់គម្រោងមិនចង់ទម្លាក់តម្លៃចុងក្រោយនៃតម្លៃរបស់ផ្ទះទេ ព្រោះវាអាចប៉ះពាល់ដល់តម្លៃផ្ទះជុំវិញទាំងមូល។ ដូច្នេះពួកគេប្រហែលជាផ្តល់ឱ្យអ្នកនូវជូនលោកអ្នកនូវអ្វីមួយជំនួសវិញ។ ត្រូវតែព្យាយាមក្នុងការចរចារដោយឥតគិតថ្លៃ ឬការអាបដេតក្នុងតម្លៃទាបដែលលោកអ្នកចង់បាន។ ទាំងនេះគឺជាការកែប្រែបន្តិចបន្តួចដែលនឹងធ្វើឱ្យគេហដ្ឋានផ្ទាល់ខ្លួនរបស់លោកអ្នកមាន ផលល្អសម្រាប់សន្សំសំចៃ ឬមានសោភ័ណភាពដោយចំណាយតិចជាងប្រសិនបើលោកអ្នកប្រើប្រាស់នូវភាគីទីបីនៅពេលក្រោយ។

កេរ្តិ៍ឈ្មោះរបស់ម្ចាស់គម្រោង

ក្រុមការងារដែលលោកអ្នកបានសម្រេចចិត្តជ្រើសរើសប្រហែលជាបានធ្វើអាជីវកម្មពីមុនរួចមកហើយជាមួយម្ចាស់គម្រោងដូចគ្នា។ ពួកគេនឹងអាចប្រាប់លោកអ្នកអំពីគម្រោងចុងក្រោយរបស់ពួកគេ។ ស្វែងរកមនុស្សផ្សេងទៀតដែលបានទិញផ្ទះពីម្ចាស់គម្រោងរបស់លោកអ្នក។ សូមស្វែងយល់ថាតើពួកគេមានក្រមសីលធម៌យ៉ាងម៉េចទោះបីការងារសាងសង់របស់ពួកគេស្ថិតក្នុងការសាកល្បងពេលវេលាក៏ដោយ តើពួកគេផ្តល់នូវការធានាដែលបានកែប្រែក្នុងការចរចាចរចាថ្លៃឈ្នួលជាដើម។ លោកអ្នកត្រូវតែធ្វើការសិក្សាស្រាវជ្រាវ។

ការធានា

អ្នកត្រួតពិនិត្រគុណភាពផ្ទះរបស់លោកអ្នកអាចនឹងមានការចន្លោះប្រហោងក្នុងការត្រួតពិនិត្យការខូចខាតខ្លះៗ ហើយវាអាចនឹងមានការខូចខាតកាន់តែខ្លាំងនាពេលខាងមុខ ប្រសិនបើការសាងសង់នោះមានកម្រិតស្ដង់ដារទាប។ ផ្ទះអតិថិជនខ្លះមានទឹកជ្រាបតាមដំបូល បន្ទាប់ពីមានភ្លៀងធ្លាក់ខ្លាំង។ ផ្ទះមិត្តរួមការងារម្នាក់របស់ខ្ញុំ បានជ្រាបទឹកយ៉ាងខ្លាំងដែលអាចបង្កជាស្នាមប្រេះកាន់តែខ្លាំងនៅក្នុងផ្ទះ។ ចំណែកផ្ទះមិត្តរួមការងារម្នាក់ទៀតបានខូចអណ្ដូងទឹកបន្ទាប់ពីរស់នៅបាន ២ សប្ដាហ៍។ ការប្រើប្រាស់សម្ភារមិនត្រូវតាមកម្រិតស្ដង់ដារ អាចធ្វើឲ្យពួកវាមានការខូចខាតយ៉ាងឆាប់រហ័សក្នុងរយៈតែប៉ុន្មានសប្ដាហ៍ប៉ុណ្ណោះបន្ទាប់ពីការចូលទៅរស់នៅ។ លោកអ្នកគួរតែប្រើប្រាស់ភ្នាក់ងារអចលនទ្រព្យដើម្បីធ្វើការចរចាក្នុងការទទួលបានការធានាជាក់លាក់ និងល្អបំផុតតាមដែលអាចធ្វើទៅបាន។ ទោះបីជាមិនអាចល្អឥតខ្ចោះក៏ដោយ ក៏យ៉ាងហោចណាស់អ្នកបានប្រឹងប្រែងអស់ពីសមត្ថភាពហើយ។

សរសេរជាលាយលក្ខណ៍អក្សរ

មិនមែនមិនឲ្យយើងទុកចិត្តអ្នកដទៃនោះទេ ប៉ុន្តែការធ្វើជាលាយលក្ខណ៍អក្សរគឺគួរឲ្យទុកចិត្តជាង។ អ្នកអាចនឹងមិនត្រូវការប្រើប្រាស់វា ប៉ុន្តែវាអាចនឹងមានបញ្ហាប្រសិនបើយើងមិនធ្វើឯកសារជាលាយលក្ខណ៍អក្សរនោះទេ។ កត់ត្រានូវអ្វីដែលម្ចាស់គម្រោងបានសន្យា និងធានា កត់ត្រាគ្រប់សម្ភារដែលម្ចាស់គម្រោងប្រើប្រាស់ កត់ត្រាយោបល់របស់អ្នកត្រួតពិនិត្យគុណភាពសំណង់ និងអ្វីៗគ្រប់យ៉ាង។ 

បញ្ជីផ្ទៀងផ្ទាត់

ម្ចាស់គម្រោងអាចនឹងព្យាយាមបញ្ចុះបញ្ចូលអ្នក ឬដាក់សម្ពាធអ្នកឲ្យទិញអចលនទ្រព្យភ្លាមៗ ហើយសន្យាថានឹងធ្វើតាមគ្រប់យ៉ាងដែលអ្នកចង់បាន។ អ្នកគួរមានបញ្ជីសម្រាប់ផ្ទៀងផ្ទាត់ ថាតើអ្វីដែលអ្នកចង់បាន ពិតជាបានធ្វើរួចរាល់មុននឹងចុះកិច្ចព្រមព្រៀងទិញលក់។

សន្និដ្ឋាន

នេះគឺជាអ្វីដែលខ្ញុំទទួលបានពីបទពិសោធន៍ផ្ទាល់ខ្លួនរបស់ខ្ញុំ នៅពេលដែលអតិថិជនស្វែងយល់ពីម្ចាស់គម្រោង រកអ្នកត្រួតពិនិត្យមកពិនិត្យគុណភាពផ្ទះ រកភ្នាក់ងារអចលនទ្រព្យមកចរចា ពួកគេតែងតែទទួលបានលទ្ធផលល្អប្រសើរ ហើយគ្មានបញ្ហាអាក្រក់ណាមួយកើតឡើង។ សូមជ្រើសរើសយកអ្នកដែលមានវិជ្ជាជីវៈ។ ដូច្នេះហើយបានជាមានវត្តមានពួកគេនៅទីនោះ។ 

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *

kmKH