fbpx

អត្ថប្រយោជន៍ទាំង 10 នៃការប្រើប្រាស់សេវាកម្មរបស់ក្រុមហ៊ុនអចលនទ្រព្យ៖ ងាយស្រួល ចំណេញពេល និងថវិកា!

Share this Article  

ទីផ្សារអចលនទ្រព្យ​ផ្លាស់ប្តូរឡើងចុះឥតឈប់ឈរ ធ្វើឱ្យការទិញលក់អចលនទ្រព្យពោរពេញដោយភាពស្មុគស្មាញ និងមានកត្តាជាច្រើនដែលគួរពិចារណា។ ដោយហេតុនេះ ការធ្វើការជាមួយក្រុមហ៊ុនអចលនទ្រព្យដែលជំនាញអាចផ្តល់អត្ថប្រយោជន៍ និងសម្រួលការងារជាច្រើនជូនអ្នក។ អត្ថបទនេះនឹងជួយលោកអ្នកឱ្យស្វែងយល់អំពីអត្ថប្រយោជន៍ចំនួន 10 នៃការប្រើប្រាស់សេវាកម្មរបស់ក្រុមហ៊ុនអចលនទ្រព្យដែលប្រកបដោយវិជ្ជាជីវៈ។

Benefits of using Professional Real Estate Agents

ប្រកបដោយចំណេះដឹង និងជំនាញ

ភ្នាក់ងារជំនាញនៅក្រុមហ៊ុន IPS Cambodia មានការយល់ដឹងយ៉ាងទូលំទូលាយនៅលើទីផ្សារអចលនទ្រព្យ មិនថាអំពីតម្លៃ តំបន់ ឬ ប្រភេទអចលនទ្រព្យនោះទេ។​ យើងជាទីប្រឹក្សាដ៏ល្អឥតខ្ចោះដែលជួយអតិថិជនរបស់យើងឱ្យធ្វើការសម្រេចចិត្តប្រកបដោយភាពឈ្លាសវៃ។

ទទួលបានសិទ្ធចូលមើលអចលនទ្រព្យផ្តាច់មុខ

ស្វែងរកទិញ ឬជួលអចលនទ្រព្យជាមួយក្រុមហ៊ុន IPS លោកអ្នកនឹងមានសិទ្ធិអាចមើលឃើញអចលនទ្រព្យដែលដាក់លក់ និងជួលផ្តាច់មុខ។ អាចនិយាយយ៉ាងខ្លីថា យើងមានអចលនទ្រព្យមួយចំនួនដែលភ្នាក់ងារលក់ និងក្រុមហ៊ុនផ្សេងមិនមាន។

ប្រកបដោយជំនាញក្នុងការចរចា

ភ្នាក់ងារអចលនទ្រព្យរបស់យើងមានជំនាញចរចាដ៏អស្ចារ្យ – ពួកគាត់នឹងព្យាយាមចរចាជូនអតិថិជនឱ្យអស់ពីសមត្ថភាពដើម្បីឱ្យប្រាកដថាអតិថិជនរបស់យើងនឹងទទួលបាននូវកិច្ចព្រមព្រៀងដ៏ល្អ និងតម្លៃសមរម្យបំផុតតាមដែលអាចធ្វើបាន។

អានបន្ថែម៖ ជំហាននៃការទិញផ្ទះនៅប្រទេសកម្ពុជា | IPS Cambodia (ips-cambodia.com)

សន្សំសំចៃពេលវេលា

ធ្វើការជាមួយ IPS លោកអ្នកមិនចាំបាច់ចំណាយពេលវេលាច្រើននោះទេ ក្រុមការងាររបស់យើងដោះស្រាយរាល់បញ្ហា និងធ្វើការជូនអ្នកគ្រប់ដំណើរការ រួមមាន ការស្វែងរកអចលនទ្រព្យ ការកំណត់ពេលទៅមើលទីតាំងផ្ទាល់ និងដំណើរការឯកសារទាំងអស់។

ទទួលបានសេវាកម្មប្រកបដោយការយកចិត្តទុកដាក់

ក្រុមការងារផ្តល់សេវាកម្មជូនអតិថិជនយ៉ាងដិតដល់ ដោយចំណាយពេលស្វែងយល់ពីតម្រូវការ និងចំណូលចិត្តរបស់ពួកគេ។ អតិថិជនរបស់យើងទទួលបានការយកចិត្តទុកដាក់ និងការណែនាំគ្រប់ដំណើរការ។

ការផ្សព្វផ្សាយ និងធ្វើទីផ្សារ

ជាមួយប្រព័ន្ធផ្សព្វផ្សាយដ៏ទូលំទូលាយ និងក្រុមការងារផ្នែកទីផ្សារប្រកបដោយវិជ្ជាជីវៈរបស់ IPS – ការដាក់លក់ និងជួលជាមួយយើងអាចធ្វើឱ្យអចលនទ្រព្យរបស់លោកអ្នកងាយស្រួលចូលទៅកាន់ទីផ្សារដែលអាចបង្កើនឱកាសនៃការលក់យ៉ាងឆាប់រហ័ស។

បណ្តាញរឹងមាំ

ក្នុងនាមជាក្រុមហ៊ុនអចលនទ្រព្យឈានមុខគេតាំងពីឆ្នាំ២០០៩ – IPS មានបណ្តាញដ៏រឹងមាំជាមួយ ធនាគារ អ្នកផ្តល់ប្រាក់កម្ចី និងភ្នាក់ងារដែលគួរឱ្យទុកចិត្តផ្សេងទៀតជាច្រើន។

ចំណេះដឹងផ្នែកច្បាប់

ក្រុមការងាររបស់យើងមានការយល់ដឹងយ៉ាងស៊ីជម្រៅអំពីច្បាប់នៃការទិញ និងលក់អចលនទ្រព្យ ដែលអាចផ្តល់ជូនអតិថិជននូវការណែនាំអំពីបញ្ហាផ្លូវច្បាប់ដូចជាកិច្ចសន្យា របាយការណ៍ ឬ ច្បាប់សាងសង់។ល។

ការវាយតម្លៃអចលនទ្រព្យ

IPS ផ្តល់ជូនអតិថិជននូវសេវាកម្មដ៏ពេញលេញដែលរួមមានសេវាកម្មវាយតម្លៃជាមួយភ្នាក់ងារដែលមានអាជ្ញាប័ណ្ណស្របច្បាប់ផងដែរ។ ក្រុមការងាររបស់យើងវាយតម្លៃដោយផ្អែកលើលក្ខខណ្ឌទីផ្សារបច្ចុប្បន្ន ដើម្បីឱ្យប្រាកដថាអតិថិជននឹងទទួលបាននូវតម្លៃអចលនទ្រព្យដែលត្រឹមត្រូវ។

មិនពិបាកស្មុគស្មាញ

ធ្វើការជាមួយភ្នាក់ងារអចលនទ្រព្យដែលមានជំនាញ និងបទពិសោធន៍ លោកអ្នកមិនចាំបាច់ខ្វាយខ្វល់ច្រើននោះទេ។ អ្នកអាចយកពេលវេលាដ៏មានតម្លៃរបស់អ្នកទៅផ្តោតលើរឿងសំខាន់ៗផ្សេងៗដូចជា​ ការងារ ឬគ្រួសារបាន – ទុកឱ្យពួកយើងដោះស្រាយនូវរាល់បញ្ហា និងតម្រូវការអចលនទ្រព្យរបស់អ្នក!

ជាការពិតណាស់ ការប្រើប្រាស់សេវាកម្មរបស់ក្រុមហ៊ុនអចលនទ្រព្យដែលប្រកបដោយវិជ្ជាជីវៈអាចផ្តល់អត្ថប្រយោជន៍ និងជួយសម្រួលដល់តម្រូវការអចលនទ្រព្យរបស់លោកអ្នកបានជាច្រើន មិនថាលោកអ្នកចង់ដាក់លក់/ជួលអចលនទ្រព្យ ឬស្វែងរកអចលនទ្រព្យសម្រាប់ទិញ/ជួលនោះទេ។ ធ្វើការជាមួយ IPS – ងាយស្រួល ចំណេញពេលវេលា និងថវិកា!

Leave a Reply

Your email address will not be published. Required fields are marked *