ផ្ទះអាជីវកម្ម 3 បន្ទប់គេង សម្រាប់លក់- សង្កាត់សាលាកំរើក, ក្រុងសៀមរាប

$ 199,900

ការពិពណ៌នាអំពីអចលនទ្រព្យ

ផ្ទះអាជីវកម្មសម្រាប់លក់ ដែលមានលក្ខណៈពិសេសរួមបញ្ចូលគ្នារវាងស្ថាបត្យកម្មបែបខ្មែរសម័យទំនើប និងបែបអាណានិគមបារាំងដោយមានច្រកចូលខ្ពស់មានរាងកោងនៅជាន់ខាងលើ និងមានដំបូលប្រក់ក្បឿងហើយតម្លៃវិញលោកអ្នកអាចចរចារបាន។ 

នៅជាន់ផ្ទាល់ដី គឺជាសាលដ៏វែងមួយដែលលាតសន្ធឹងនៅខាងក្រោមឡៅតឿ ដែលអនុញ្ញាតឲ្យលោកអ្នកបើកអាជីវកម្មលក់ទំនិញ ឬការិយាល័យ បានយ៉ាងងាយស្រួលក្នុងការគ្រប់គ្រងពីបន្ទប់ផ្ទាល់ខ្លួន។ ជាន់ខាងលើមានលក្ខណៈទាក់ទាញសម្រាប់លោកអ្នកដែលមានគោលបំណងយកទៅធ្វើជាលំនៅឋាន ដែលមានសាលធំទូលាយ និងខោនធ័រខាងផ្ទះបាយមានក្រាលការ៉ូ រហូតដល់ខាងក្រោយ។ សរុបមកអចលនទ្រព្យនេះមានបន្ទប់គេង ៣ និង បន្ទប់ទឹក ៣ ជាកន្លែងរស់នៅសម្រាប់ក្រុមគ្រួសារហើយក៏ជាកន្លែងដែលលោកអ្នកអាចគ្រប់គ្រងហាងពីលំនៅឋានដ៏មានផាសុកភាពរបស់លោកអ្នកផងដែរ។ ក្នុងការរៀបចំពីទីធ្លារានហាលដ៏ធំទូលាយជាមួយនឹងការគ្របដណ្ដប់ដោយកម្រាលឥដ្ឋរាបស្មើ ដូច្នេះផ្តល់នូវកន្លែងសម្រាប់ការកំសាន្ដ បែបបើកចំហ ដូចជាសិក្ខាសាលានៅផ្ទះ កន្លែងលេងសម្រាប់កុមារ សួនសត្វចិញ្ចឹម កន្លែងហាត់ប្រាណ ឬសួនច្បារ។ 

ទន្ទឹមនឹងនេះក៏មានចំណតរថយន្តខាងមុខទំហំ ៥ ម៉ែត្រ និងមានទំហំបន្ថែម ១.២ ម៉ែត្រនៅខាងក្រោយអាគារផងដែរ។  

ផ្ទះអាជីវកម្មនេះមានទីតាំងស្ថិតនៅសាលាកំរើក ខេត្ដសៀមរាប ដោយមានចំងាយត្រឹមតែ ៣ នាទីពីវិទ្យាល័យអង្គរ មន្ទីរពេទ្យនាគទេព សាលាសុវណ្ណភូមិ និងសាលាអន្តរជាតិ IQ -៧ នាទីពីផាប់ស្ទ្រីត និងឱសថស្ថានពន្លឺសូរិយា និង ១២ នាទីពីសារមន្ទីរជាតិអង្គរ សាខាពន្ធដារខេត្តសៀមរាប និងផ្សារទំនើបអង្គរ។