អគារអាផាតមិន ​១៧ យូនីត សម្រាប់លក់ - សង្កាត់ស្វាយដង្គំ, ក្រុងសៀមរាប

$ 320,000

ការពិពណ៌នាអំពីអចលនទ្រព្យ

ឱកាសល្អសម្រាប់លោកអ្នកដែលមានគម្រោងវិនិយោគលើអាជីវកម្មអាផាតមិនជួល! អគារអាផាតមិន 17 យូនីតនេះកំពុងដាក់លក់ដោយមានប្លង់រឹង រួមបញ្ចូលគ្រឿងសង្ហារិមមួយចំនួន ជាមួយទីតាំងដ៏ល្អដែលមានចម្ងាយត្រឹមតែ 1 គីឡូម៉ែត្រពីផ្សារទំនើបអង្គរ នៅតាមបណ្តោយផ្លូវជាតិលេខ 6។ 

នៅជាន់ផ្ទាល់ដីមានកន្លែងទទួលភ្ញៀវ ព្រមទាំងយូនីតអាផាតមិនចំនួន 6 ហើយនៅជាន់បន្ទាប់មាន 6 យូនីតទៀត ចំណែកជាន់ខាងលើបង្អស់មាន 5 យូនីត សរុប 17 យូនីត។ អាផាតមិន​គ្រឿងសង្ហារិមមួយចំនួនសំខាន់ៗដូចជា យូនីត​នីមួយៗ​មាន​គ្រែ សាឡុង ទូរទស្សន៍ ម៉ាស៊ីនត្រជាក់ ទូទឹកកក និង​ម៉ាស៊ីនបោកគក់។ ការរចនាមាន​លក្ខណៈទូលាយ និង​ទំនើបដោយប្រើប្រាស់​កម្រាល​ឈើ និងលាបពណ៌​ជញ្ជាំង​ពណ៌សស្រទន់។ ផ្ទះបាយមានខ្យល់ចេញចូលបានល្អ ចំណែកបន្ទប់ទឹកក៏មានបំពាក់ដោយទឺកផ្កាឈូកក្តៅ/ត្រជាក់ផងដែរ។ លើសពីនេះក៏មានម៉ាស៊ីនភ្លើងដែលធានាបាននូវភាពងាយស្រួលនៅពេលមានករណីដាច់ចរន្តអគ្គិសនី។ អគារនេះអាចរកបានចំណូលពី $1,500 ទៅ $2,500 ក្នុងមួយខែ។ 

អគារកម្ពស់បីជាន់មានរបងផ្តល់នូវសុវត្ថិភាពក្នុងការស្នាក់នៅ និងមានទីធ្លាធំល្មមក្រាលដោយឥដ្ឋការ៉ូឡាងាយស្រួលសម្រាប់ចតយានយន្ត។ 

ទីតាំងស្ថិតនៅសង្កាត់ស្វាយដង្គំ ចម្ងាយ 5 នាទីពីសាលាបឋមសិក្សាស្វាយដង្គំ និងផាប់ស្ទ្រីត - 10 នាទីពីអង្គរហ្គហ្វរីសត មន្ទីរពេទ្យនាគទេព និងផ្សារក្រឡាញ់ និង 15 នាទីពីប្រាសាទអង្គរវត្ត។