ផ្ទះអាជីវកម្ម ៥ បន្ទប់គេង សម្រាប់លក់ - សង្កាត់ស្វាយដង្គំ, ក្រុងសៀមរាប

$ 450,000

ការពិពណ៌នាអំពីអចលនទ្រព្យ

ផ្ទះអាជីវកម្មនេះមានបន្ទប់គេងចំនួន 5 បន្ទប់ទឹកចំនួន 6 រានហាល និងជាន់ដំបូលធំទូលាយ សក្តិសមជាលំនៅឋានដ៏ល្អឥតខ្ចោះសម្រាប់ការរស់នៅសម្រាប់គ្រួសារធំ ឬអាចកែលម្អទៅជាផ្ទះជួលប្រកបដោយផាសុកភាពដើម្បីរកប្រាក់ចំណូលបន្ថែមបានទៀតផង។

នៅជាន់ផ្ទាល់ដីមានបន្ទប់ទទួលភ្ញៀវ ផ្ទះបាយ និងបន្ទប់ទឹកមួយ ដោយផ្ទះបាយត្រូវបានបំពាក់ដោយបង្អួចធំដែលធានាបាននូវលំហូរខ្យល់ និងពន្លឺធម្មជាតិគ្រប់គ្រាន់។ ចំណែកជាន់ទីមួយមានបន្ទប់គេងចំនួន 2 ដែលប្រើប្រាស់បន្ទប់ទឹករួមមួយ។ រីឯបន្ទប់គេង 3 ទៀតស្ថិតនៅជាន់ទី 2 ដែលនៅក្នុងបន្ទប់នីមួយៗសុទ្ធតែមានបន្ទប់ទឹកឯកជន។ បន្ទប់ទឹកមួយទៀតមានទីតាំងនៅលើដំបូល ដែលធ្វើឱ្យជាន់នេះក្លាយជាកន្លែងដ៏ល្អសម្រាប់សម្រាកលម្ហែ ឬ រៀបចំជាសួនច្បារ កន្លែងហាត់ប្រាណនៅផ្ទះ ឬ សកម្មភាពកម្សាន្តផ្សេងៗទៀត។ 

ទីតាំងនៅស្ថិតនៅក្នុងសង្កាត់ស្វាយដង្គំ ខេត្តសៀមរាប ចម្ងាយ 3 នាទីពីផាប់ស្ទ្រីត មន្ទីរពេទ្យបង្អែកខេត្តសៀមរាប និងផ្សារញ៉ែ - 6 នាទីពីផ្សារទំនើបហេរីថេកវ៉ក សារមន្ទីរអាតបកស៍ និងមន្ទីរពេទ្យនាគទេព - 10 នាទីពីអង្គរហ្គហ្វរីសត និងវិទ្យាល័យ ISSR។